LIFE
-
ഷൈനിനെതിരായ അപവാദ പ്രചാരണത്തില് നടപടി കടുപ്പിച്ച് പോലീസ്; കമന്റിട്ട അഞ്ചുപേരുടെ മൊബൈല് ഫോണുകള് പിടിച്ചെടുത്തു; ഒന്നാം പ്രതിക്കെതിരേ കൂടുതല് തെളിവുകള്; ഷാജഹാനെതിരേ കരുതലോടെ നീങ്ങും
കൊച്ചി: സിപിഎം നേതാവ് കെ.ജെ ഷൈനിനെതിരായ അപവാദ പ്രചാരണത്തില് നടപടി കടുപ്പിച്ച് പൊലീസ്. അപകീര്ത്തികരമായ കമന്റ് ഇട്ടവരുടെ മൊബൈല് ഫോണുകള് പിടിച്ചെടുത്തു. അഞ്ചുപേരുടെ മൊബൈല് ഫോണുകളാണ് പിടിച്ചെടുത്തത്. കേസിലെ പ്രതികളുടെ പോസ്റ്റുകളില് അശ്ലീല കമന്റുകള് ഇട്ടവരുടെ ഫോണാണ് പ്രത്യേക അന്വേഷണ സംഘം പിടിച്ചെടുത്തത്. കേസില് ഒന്നാംപ്രതി ഗോപാലകൃഷ്ണനെതിരെ അന്വേഷണസംഘം കൂടുതല് തെളിവുകള് ശേഖരിച്ചു. ഗോപാലകൃഷ്ണന്റെ മുന്കൂര് ജാമ്യാപേക്ഷ അടുത്തയാഴ്ചയാണ് കോടതി പരിഗണിക്കുക. ജാമ്യാപേക്ഷയെ എതിര്ത്തുകൊണ്ട് ഈ തെളിവുകള് കൂടി ഹാജരാക്കാനാണ് അന്വേഷണസംഘത്തിന്റെ തീരുമാനം. അതേസമയം, കോടതിയില് നിന്ന് രൂക്ഷ വിമര്ശനം നേരിട്ടതോടെ യൂട്യൂബര് കെ.എം. ഷാജഹാനെതിരായ കേസുകളില് കരുതലോടെ നീങ്ങാനാണ് എറണാകുളം റൂറല് സൈബര് പൊലീസിന്റെ തീരുമാനം. കെ.ജെ. ഷൈനിന്റെ രണ്ടാമത്തെ പരാതിയില് രാഷ്ട്രീയ സമ്മര്ദത്തെ തുടര്ന്നായിരുന്നു ഷാജഹാന്റെ തിടുക്കപ്പെട്ട അറസ്റ്റെന്നാണ് സൂചന. എന്നാല് മതിയായ തെളിവുകള് ഹാജരാക്കാനാകാത്തത് പ്രോസിക്യൂഷന് തിരിച്ചടിയായി. ഷൈന് ഉള്പ്പെടെയുള്ളവരുടെ പേര് പോലും പറയാതെയായിരുന്നു ഷാജഹാന്റെ പോസ്റ്റുകള്. പ്രാദേശിക കോണ്ഗ്രസ് നേതാവിനെ ഒന്നാം പ്രതിയാക്കി റജിസ്റ്റര് ചെയ്ത…
Read More » -
ഗാസ യുദ്ധം: യുഎന് പൊതുസഭയില് ഒറ്റപ്പെട്ട് നെതന്യാഹു; പ്രസംഗത്തിനിടെ കൂക്കി വിളികളും ബഹിഷ്കരണവും; ഇസ്രയേലിനെ എതിര്ത്തവര്ക്ക് പരസ്യ ചുംബനം; ഗാസയെക്കുറിച്ച് ധാരണയുണ്ടെന്നും വെടിനിര്ത്തല് ഉടനെന്നും ട്രംപ്
ന്യൂയോര്ക്ക്: ഗാസയിലെ യുദ്ധത്തില് യുഎന് പൊതുസഭയില് ഒറ്റപ്പെട്ട് ഇസ്രായേല്. പലസ്തീനികളെ ഇസ്രായേല് വംശഹത്യ നടത്തുന്നതായി ലോകരാജ്യങ്ങളുടെ കുറ്റപ്പെടുത്തല്. പശ്ചിമേഷ്യന് ചര്ച്ചകളില് പുരോഗതിയെന്നും വെടിനിര്ത്തല് ഉടന് യാഥാര്ത്ഥ്യമാകുമെന്നും ഡൊണാള്ഡ് ട്രംപ് അഭിപ്രായപ്പെട്ടു. ന്യൂയോര്ക്കിലെ പലസ്തീന് അനുകൂല റാലിയില് പങ്കെടുത്ത കൊളംബിയന് പ്രസിഡന്റിന്റെ വിസ അമേരിക്ക റദ്ദാക്കി. ഐക്യരാഷ്ട്രസഭയില് പ്രസംഗിക്കാനെത്തിയ ഇസ്രായേല് പ്രധാനമന്ത്രി ബെഞ്ചമിന് നെതന്യാഹുവിന് നേരിടേണ്ടി വന്നത് ബഹിഷ്കരണവും കൂകി വിളിയുമായിരുന്നു. പ്രസംഗിച്ച ഭൂരിഭാഗം നേതാക്കളും ഗാസയിലെ ആക്രമണത്തെ രൂക്ഷമായി വിമര്ശിച്ചു. പലസ്തീനികളെ ഇസ്രായേല് വംശഹത്യ നടത്തുകയാണെന്ന് കൊളംബിയന് പ്രസിഡന്റ് ഗുസ്താവോ പെട്രോ ആഞ്ഞടിച്ചു. പലസ്തീനെ മോചിപ്പിക്കാന് ഏഷ്യന് രാജ്യങ്ങള് കൂട്ടായ്മ ഉണ്ടാക്കണമെന്നും ഇസ്രായേലിനുള്ള സഹായങ്ങള് നിര്ത്തലാക്കണമെന്നും ഗുസ്താവോ ആവശ്യപ്പെട്ടു. പ്രസംഗത്തിന് പിന്നാലെ ഗുസ്താവോയുടെ നെറുകയില് ബ്രസീലിയന് പ്രസിഡന്റ് ചുംബിച്ചത് വലിയ ചര്ച്ചയായി. പലസ്തീന് അനുകൂലികളായ നേതാക്കള് ചുംബന ചിത്രം പ്രചരിപ്പിച്ച് ഇസ്രായേല് വിരുദ്ധത പ്രകടമാക്കി. ALSO READ ഇസ്രയേല്- ഹമാസ് ചോരക്കളി അവസാനിപ്പിക്കാന് ട്രംപിന്റെ 21 ഇന നിര്ദേശങ്ങള് പുറത്ത്; ഹമാസിനെ…
Read More » -
‘വയര്കീറി കുട്ടികളെ പുറത്തെടുത്ത് വില്ക്കും’; ഷീ ഡെവിള് പിടിയില്; ലക്ഷ്യമിട്ടത് ദരിദ്രരായ ഗര്ഭിണികളെ; പൊളിച്ചത് ജാലിസ്കോ ന്യൂജനറേഷന് കാര്ട്ടലിന്റെ കണ്ണികളെ
ന്യയോര്ക്ക്: ദരിദ്രരായ ഗര്ഭിണികളെ ലക്ഷ്യമിട്ട് നവജാത ശിശുക്കളുടെ കടത്തും അവയവ വില്പനയും നടത്തുന്ന സംഘത്തിലെ പ്രധാന കണ്ണി പിടിയില്. ജാലിസ്കോ ന്യൂ ജനറേഷന് കാര്ട്ടലിന്റെ (CJNG) ‘ലാ ഡയാബ്ല’ (ഷി ഡെവിള്) എന്നറിയപ്പെടുന്ന വനിതാ നേതാവിനെയാണ് യുഎസ്- മെക്സിക്കന് സംയുക്ത ഓപ്പറേഷനില് പിടികൂടിയത്. മാര്ത്ത അലീഷ്യ മെന്ഡെസ് അഗ്യുലാര് എന്നാണ് ഇവരുടെ യഥാര്ഥ പേര്. ഗര്ഭിണികളെ മനുഷ്യകടത്തിന് ഉപയോഗിച്ചു, നിയമവിരുദ്ധവും അപകടകരവുമായ രീതിയില് സിസേറിയന് നടത്തി എന്നിങ്ങനെയുള്ള കുറ്റങ്ങളാണ് ഇവര്ക്കെതിരെ ചുമത്തിയത്. ദരിദ്രരായ ഗര്ഭിണികളെയാണ് ഇവര് ലക്ഷ്യം വച്ചിരുന്നത്. യാതൊരു മുന്നൊരുക്കങ്ങളുമില്ലാതെ സിസേറിയന് എന്ന പേരില് വയറുകീറിയാണ് ഇവര് കുട്ടികളെ പുറത്തെടുന്നിരുന്നത്. മിക്കവാറും ഗര്ഭിണികളും ഈ പ്രക്രിയയില് മരിക്കും. ഇത്തരത്തില് മരിച്ച സ്ത്രീകളുടെ അവയവങ്ങളും വിറ്റതായി റിപ്പോര്ട്ടുണ്ട്. നവജാതശിശുക്കളെ 250,000 മെക്സിക്കന് പെസോ വരെ രൂപയ്ക്കാണ് ഇവര് വിറ്റിരുന്നത്. മെക്സിക്കന് ഫെഡറല് പൊലീസും യുഎസ് ഏജന്സികളും നടത്തിയ സംയോജിത ശ്രമത്തിലൂടെയാണ് മാര്ത്തയെ പിടികൂടിയത്. ഇവര് ഇപ്പോളും മെക്സിക്കന് കസ്റ്റഡിയില് തുടരുകയാണ്. അറസ്റ്റിനു…
Read More » -
ഇപ്പോഴത്തെ നിലപാട് സമദൂരത്തിലെ ശരിദൂരമെന്ന് സുകുമാരന് നായര്; ‘ഇക്കാര്യം സംസാരിക്കാന് ആണെങ്കില് കോണ്ഗ്രസോ ബിജെപിയോ കാണാന് വരേണ്ടതില്ല’; എന്എസ്എസ് യോഗത്തില് നിലപാടിനെ പിന്തുണച്ച് അംഗങ്ങള്
കോട്ടയം: എന്എസ്എസിന്റെ സമദൂര നിലപാടില് മാറ്റമില്ലെന്നും ഇപ്പോള് സ്വീകരിച്ചത് ശരിദൂരമെന്നും എന്എസ്എസ് ജനറല് സെക്രട്ടറി സുകുമാരന് നായര്. ശബരിമല വിഷയത്തില് എന്എസ്എസ് ജനറല് സെക്രട്ടറി സ്വീകരിച്ച സര്ക്കാര് അനുകൂല നിലപാടിനെ പ്രതിനിധി സഭാ യോഗത്തില് അംഗങ്ങള് പിന്തുണച്ചു. സമദൂര നയത്തില് നിന്ന് മാറ്റമില്ലെന്ന് ജനറല് സെക്രട്ടറി ജി സുകുമാരന് നായര് യോഗത്തിലും പിന്നീട് മാധ്യമങ്ങളോടും ആവര്ത്തിച്ചു. ശബരിമല പ്രക്ഷോഭം സമയത്തെ സാഹചര്യം അല്ല നിലവിലെന്നും സുകുമാരന് നായര് യോഗത്തില് വ്യക്തമാക്കി. യോഗത്തിനുശേഷം സമദൂരത്തിലെ ശരിദൂരമാണ് ഇപ്പോള് സ്വീകരിച്ചിരിക്കുന്നതെന്നും ഒരു രാഷ്ട്രീയ പാര്ട്ടിയോടും പ്രത്യേകിച്ച് അനുകൂല നിലപാട് എന്എസ്എസിനില്ലെന്നും സുകുമാരന് നായര് മാധ്യമങ്ങളോട് വ്യക്തമാക്കി. സമദൂര നയത്തില് നിന്ന് ഒരിക്കലും മാറ്റമുണ്ടായിട്ടില്ല. മന്നത്ത് പത്മനാഭന്റെ കാലത്തുള്ള നിലപാട് തന്നെയാണ് തുടരുന്നത്. അയ്യപ്പ സംഗമത്തില് എന്എസ്എസ് പ്രതിനിധി പങ്കെടുത്തത് സമദൂര നയത്തില് നിന്നുള്ള മാറ്റമാണെന്നത് മാധ്യമങ്ങളുടെ വ്യാഖ്യാനമാണ്. ഒരു രാഷ്ട്രീയ പാര്ട്ടിയുടെയും കൂടെ ഞങ്ങളില്ല. ഞങ്ങള്ക്ക് രാഷ്ട്രീയമില്ല. സമദൂരത്തില് ഒരു ശരിദൂരമുണ്ട്. അതാണ് ഇപ്പോള്…
Read More » -
ധോണിയെയും മറികടന്ന് സഞ്ജു സാംസണ്; നേട്ടത്തില് ഇന്ത്യന് വിക്കറ്റ് കീപ്പര്മാരില് നമ്പര് വണ്; ശ്രീലങ്കയ്ക്ക് എതിരായ വെടിക്കെട്ടില് പിറന്നത് റെക്കോഡ്
ദുബായ്: ഏഷ്യാ കപ്പില് ശ്രീലങ്കക്കെതിരായ അവസാന സൂപ്പര് ഫോര് പോരാട്ടത്തില് അഞ്ചാം നമ്പറില് ക്രീസിലിറങ്ങി 23 പന്തില് 39 റണ്സടിച്ച് വെടിക്കെട്ട് പ്രകടനം പുറത്തെടുത്ത സഞ്ജു സാംസണ് സിക്സര് വേട്ടയിലും റെക്കോര്ഡ്. ശ്രീലങ്കക്കെതിരെ മൂന്ന് സിക്സ് പറത്തിയ സഞ്ജു ടി20 ക്രിക്കറ്റില് ഏറ്റവും കൂടുതല് സിക്സ് അടിക്കുന്ന ഇന്ത്യന് വിക്കറ്റ് കീപ്പറെന്ന റെക്കോര്ഡാണ് സ്വന്തമാക്കിയത്. ശ്രീലങ്കക്കെതിരായ മത്സരത്തിനിറങ്ങുമ്പോള് 52 സിക്സുകളുമായി സഞ്ജുവും സാക്ഷാല് ധോണിയും ഒപ്പത്തിനൊപ്പമായിരുന്നു. പതിമൂന്നാം ഓവറില് ശ്രീലങ്കയുടെ വാനിന്ദു ഹസരങ്കയെ സിക്സര് പറത്തിയാണ് ധോണിയെ മറികടന്ന് 53 സിക്സുകളുമായി സഞ്ജു ഇന്ത്യന് വിക്കറ്റ് കീപ്പര്മാരിലെ സിക്സര് വേട്ടക്കാരില് നമ്പര് വണ്ണായത്. ഹസരങ്കയുടെ അടുത്ത ഓവറിലും സിക്സ് നേടിയ സഞ്ജു ഷനകയ്ക്കെതിരെയും സിക്സ് അടിച്ചാണ് മൂന്ന് സിക്സുകള് തികച്ചത്. ഷനകയെ സിക്സ് അടിച്ചതിന് പിന്നാലെ മറ്റൊരു സിക്സിനായുള്ള ശ്രമത്തില് 23 പന്തില് 39 റണ്സെടുത്ത് സഞ്ജു പുറത്തായിരുന്നു. 48 ഇന്നിംഗ്സുകളില് നിന്നാണ് സഞ്ജു 53 സിക്സ് പറത്തി ധോണിയെ മറികടന്നത്.…
Read More » -
‘രാവിലെ ഷര്ട്ട് ധരിച്ച് തിരിച്ചു വരാമെന്നു പറഞ്ഞ് പോയതാണ്, മരണത്തിലേക്ക് നയിച്ച കാരണം അന്വേഷിക്കണം’; മൊഴി നല്കി തിരുമല അനിലിന്റെ ഭാര്യ; സൊസൈറ്റിയിലെ സാമ്പത്തിക പ്രശ്നം മാനസിക ബുദ്ധിമുട്ടിലാക്കി എന്നും ആശ
തിരുവനന്തപുരം: ബിജെപി നേതാവ് തിരുമല അനിലിന്റെ ആത്മഹത്യയില് അന്വേഷണ സംഘത്തിനു മൊഴി നല്കി ഭാര്യ ആശ. മൊഴി രേഖപ്പെടുത്തല് തുടരും. പെട്ടെന്നു മരിക്കാനുണ്ടായ കാരണം അന്വേഷിക്കണമെന്നും രാവിലെ ഷര്ട്ട് ധരിച്ച് ഉടന് തിരിച്ചുവരാമെന്നു പറഞ്ഞു പോയതാണെന്നും അവര് പറഞ്ഞു. സൊസൈറ്റിയിലെ സാമ്പത്തിക പ്രതിസന്ധികള് കാരണം മാനസിക സമ്മര്ദത്തിലായിരുന്നു. ആര്ക്കെല്ലാം വായ്പ കൊടുത്തെന്ന് അറിയില്ല. മരണത്തിനു മുമ്പ് ആരെയൊക്കെ കണ്ടെന്ന് അറിയില്ല. സഹായം തേടിയതായും അറിയില്ലെന്നും അവര് പറഞ്ഞു. കോര്പ്പറേഷനിലെ കൗണ്സിലറും ബിജെപി നേതാവുമായ തിരുമല അനിലിനെ സ്വന്തം ഓഫീസില് തൂങ്ങിമരിച്ച നിലയില് കണ്ടെത്തുകയായിരുന്നു. തിരുമല ജംഗ്ഷനിലുള്ള കോര്പ്പറേഷന്റെ ഷോപ്പിങ് കോംപ്ലക്സിനുള്ളിലാണ് ഓഫീസ് പ്രവര്ത്തിക്കുന്നത്. അനില്കുമാര് പ്രസിഡന്റായ വലിയശാല ഫാം ടൂര് സൊസൈറ്റി ആറു കോടിയോളം രൂപ വായ്പ നല്കിയിട്ടുണ്ട്. സൊസൈറ്റിയില് സാമ്പത്തിക പ്രതിസന്ധി ഉണ്ടാകുകയും നിക്ഷേപകര്ക്കു പണം തിരികെ കൊടുക്കാന് കഴിയാതെ വരികയും ചെയ്തതോടെ തമ്പാനൂര് പൊലീസില് പരാതികള് വന്നിരുന്നു. സാമ്പത്തിക പ്രതിസന്ധിയില് സൊസൈറ്റിയിലെ മറ്റാരും സഹായിച്ചില്ലെന്ന് വ്യക്തമാക്കുന്ന ആത്മഹത്യക്കുറിപ്പും കണ്ടെടുത്തിട്ടുണ്ട്.…
Read More » -
ഇസ്രയേല് കൊല്ലാന് നോക്കി; പക്ഷേ, നടന്നില്ല; ബോംബാക്രമണത്തില് പരിക്കേറ്റിരുന്നെന്ന് ഇറാന് പ്രസിഡന്റ്; ഡോക്ടര് ആയതിനാല് രക്തം കട്ടപിടിക്കുന്ന അവസ്ഥ അതിജീവിച്ചെന്നും വെളിപ്പെടുത്തല്
ടെഹ്റാന്: ജൂണ്മാസം ഇസ്രയേല് ഏകപക്ഷീയമായി തുടങ്ങിയ യുദ്ധത്തില് തനിക്കും പരുക്കേറ്റിരുന്നെന്ന് ഇറാന് പ്രസിഡന്റ് മസൂദ് പെസഷ്കിയാന്. എന്ബിസി ന്യൂസിന് അനുവദിച്ച അഭിമുഖത്തിലാണ് പെസഷ്കിയാന്റെ സ്ഥിരീകരണം. 12ദിവസം നീണ്ട ആക്രമണത്തിനിടെ ബോംബാക്രമണത്തില് പെസഷ്കിയന്റെ കാല്മുട്ടിനടുത്തായാണ് പരുക്കേറ്റത്. രക്തം കട്ടപിടിച്ച് കിടക്കുന്ന അവസ്ഥയുണ്ടായെന്നും പക്ഷേ താന് അതിനെ അതിജീവിച്ചുവെന്നും അദ്ദേഹം വെളിപ്പെടുത്തി. ഡോക്ടര് കൂടിയാണ് പെസഷ്കിയാന്. ഇറാഖ് യുദ്ധത്തില് പരുക്കേറ്റ ഇറാന് സൈനികരെ ചികില്സിക്കാന് നേതൃത്വം നല്കിയത് പെസഷ്കിയാന് ആയിരുന്നു. താന് ഉള്പ്പടെയുള്ള ഇറാനിലെ ഉന്നതരെ വധിക്കാനായിരുന്നു ഇസ്രയേലിന്റെ ശ്രമം. എന്നാല് അത് നടപ്പായില്ല. നിയമവിരുദ്ധവും അധാര്മികവുമായ ആക്രമണമാണ് ഇസ്രയേല് ഇറാന് നേരെ നടത്തിയതെന്നും പെസഷ്കിയാന് തുറന്നടിച്ചു. ഇസ്രയേലിനെ ലവലേശം ഭയമില്ലെന്നും അദ്ദേഹം കൂട്ടിച്ചേര്ത്തു. ഇറാന് പ്രസിഡന്റിന് ഇസ്രയേലിന്റെ ആക്രമണത്തില് പരുക്കേറ്റതായി ജൂണില് തന്നെ റിപ്പോര്ട്ടുകള് പുറത്തുവന്നിരുന്നുവെങ്കിലും ഔദ്യോഗിക സ്ഥിരീകരണം ഇതാദ്യമായാണ്. ടെഹ്റാനിലെ രഹസ്യകേന്ദ്രത്തിലെ ഭൂഗര്ഭ അറയില് സുപ്രീം നാഷനല് സെക്യൂരിറ്റി കൗണ്സില് യോഗം ചേരുന്നതിനിടെയാണ് പെസഷ്കിയാന് ഉള്പ്പടെയുള്ളവര്ക്കെതിരെ ആക്രമണം ഉണ്ടായത്. ബോംബാക്രമണത്തിന് പിന്നാലെ…
Read More » -
ഓപ്പറേഷന് നുംഖോര്; ഇടനിലക്കാരെ കുറിച്ചു വിവരം ലഭിച്ചു; നിര്ണായകമായത് മാഹിന്റെ മൊഴിയെന്ന് കസ്റ്റംസ്
തിരുവനന്തപുരം: ഓപ്പറേഷൻ നുംഖോറിൽ നിർണായക വെളിപ്പെടുത്തലുമായി കസ്റ്റംസ്. ഇടനിലക്കാരെ സംബന്ധിച്ച് വിവരം ലഭിച്ചെന്ന് കസ്റ്റംസ് വ്യക്തമാക്കി. മാഹിൻ അൻസാരിയുടെ മൊഴിയാണ് നിർണായകമായത്. ഡൽഹി കേന്ദ്രീകരിച്ച് പ്രവർത്തിക്കുന്ന ഇടനില സംഘത്തിനെതിരെ അന്വേഷണം നടത്തുമെന്നും മാഹിന്റെ ലാൻഡ് റോവർ ഭൂട്ടാനിൽ നിന്ന് നേരിട്ട് ഇറക്കിയത് തന്നെ എന്നും കസ്റ്റംസ് പറഞ്ഞു. അരുണാചൽ പ്രദേശിൽ വ്യാജമായി രജിസ്റ്റർ ചെയ്യുകയാണ് ചെയ്തത്. മാഹിൻ അൻസാരിക്ക് അടുത്ത തിങ്കളാഴ്ച വീണ്ടും ചോദ്യം ചെയ്യലിന് ഹാജരാകാൻ നിർദേശം നൽകിയിട്ടുണ്ട്. മാഹിന്റെ കാൾ രേഖകളും യാത്ര രേഖകളും കസ്റ്റംസ് പരിശോധിക്കുന്നു. നേരത്തേ, നടന് അമിത് ചക്കാലക്കല് വീണ്ടും കസ്റ്റംസിന് മുന്നില് ഹാജരായി. രേഖകള് ഹാജരാക്കാനാണ് അമിത് ചക്കാലക്കല് കസ്റ്റംസ് ഓഫീസില് എത്തിയത്. അമിത്തിന്റെ ഗരാജില് നിന്ന് പിടിച്ചെടുത്ത വണ്ടികളുടെ ഉടമകളും കസ്റ്റംസ് ഓഫീസിലെത്തിയിരുന്നു. രണ്ട് പേരാണ് അമിത് ചക്കാലക്കലിനൊപ്പം എത്തിയത്. അറ്റകുറ്റപ്പണികള്ക്കാണ് വാഹനങ്ങള് ഗരേജില് കൊണ്ടുവന്നത് എന്നാണ് അമിത് ചക്കാലക്കല് പറയുന്നത്. നികുതി വെട്ടിച്ച് ഭൂട്ടാനില് നിന്ന് കേരളത്തിലേക്ക് വാഹനങ്ങള് കടത്തുന്ന…
Read More » -
ബാറ്റുകൊണ്ട് വെടിയുതിര്ത്തത് പാരമ്പര്യ ആഘോഷമെന്ന് ഫര്ഹാന്; ശിക്ഷയില്ല; 6-0 കാണിച്ച റൗഫിന് വന് തുക പിഴ; മാച്ച് റഫറിക്കു മുന്നില് ഹാജരായി വാദങ്ങള് എഴുതിനല്കി
ദുബായ്∙ ഏഷ്യാകപ്പ് സൂപ്പർ ഫോറിലെ ഇന്ത്യ– പാക്കിസ്ഥാൻ മത്സരത്തിനിടെ പ്രകോപനപരമായ ആംഗ്യ പ്രകടനങ്ങളുടെ പേരിൽ പാക്കിസ്ഥാൻ ക്രിക്കറ്റ് താരം ഹാരിസ് റൗഫിനെതിരെ കടുത്ത നടപടികളുമായി രാജ്യാന്തര ക്രിക്കറ്റ് കൗൺസിൽ. വിവാദമായ ‘6–0’ ആംഗ്യത്തിന്റെ പേരിലാണ് ഹാരിസ് റൗഫിനെതിരായ നടപടി. പാക്ക് താരങ്ങൾക്കെതിരെ ബിസിസിഐ ഐസിസിക്കു പരാതി നൽകിയിരുന്നു. മാച്ച് റഫറി റിച്ചി റിച്ചഡ്സൻ അന്വേഷണങ്ങൾക്കു ശേഷം ഹാരിസ് റൗഫിന് മാച്ച് ഫീയുടെ 30 ശതമാനം പിഴ ചുമത്തുകയായിരുന്നു. അതേസമയം അർധ സെഞ്ചറി നേടിയത് ആഘോഷിക്കാൻ ബാറ്റു കൊണ്ട് ‘വെടിയുതിർത്ത’ പാക്ക് ഓപ്പണർ സഹിബ്സദ ഫർഹാനെതിരെ നടപടിയൊന്നുമെടുത്തില്ല. ഫർഹാന് താക്കീത് നൽകാനാണ് ഐസിസി തീരുമാനം. രണ്ട് താരങ്ങളും മാച്ച് റഫറിയുടെ മുൻപിൽ നേരിട്ടു ഹാജരാകുകയും, വാദങ്ങൾ ഐസിസിക്ക് എഴുതി നൽകുകയും ചെയ്തു. ടീം മാനേജർ നവീദ് അക്രം ചീമയും പാക്ക് താരങ്ങൾക്കൊപ്പമുണ്ടായിരുന്നു. പാക്കിസ്ഥാനിലെ പഖ്ദൂൺ ഗോത്രത്തിന്റെ പരമ്പരാഗത ആഘോഷമായാണ് ‘ഗൺഷോട്ട്’ സെലിബ്രേഷൻ നടത്തിയതെന്നാണ് ഫർഹാന്റെ വിശദീകരണം. ഏഷ്യാകപ്പിലെ ഗ്രൂപ്പ് ഘട്ടത്തിൽ പാക്കിസ്ഥാനെ തോൽപിച്ചതിനു…
Read More » -
വൈകിയത് 13 വര്ഷം; ബിഎസ്എന്എല് ഒടുവില് സ്വദേശി 4ജിയിലേക്ക്; പഴയ സിമ്മുള്ളവര് മാറ്റിയിടേണ്ടി വരും; മാറ്റം ഇങ്ങനെ; ഇന്ത്യയില് എല്ലായിടത്തും ഉയര്ന്ന സ്പീഡില് ഇന്റര്നെറ്റും വരുന്നു
കൊച്ചി: ബി.എസ്.എന്.എല് തദ്ദേശീയമായി വികസിപ്പിച്ച സ്വദേശി 4ജി നെറ്റ്വര്ക്കിന്റെ ഉദ്ഘാടനം പ്രധാനമന്ത്രി നരേന്ദ്ര മോദി നിര്വഹിക്കും. ഇതോടെ വാണിജ്യ നെറ്റ്വര്ക്കില് സ്വന്തമായി ടെലികോം സാങ്കേതിക വിദ്യയും ഉപകരണങ്ങളും വികസിപ്പിച്ച അഞ്ചാമത്തെ രാജ്യമായി ഇന്ത്യ മാറും. നിലവില് ഫിന്ലാന്ഡ്, സ്വീഡന്, ദക്ഷിണ കൊറിയ, ചൈന എന്നീ രാജ്യങ്ങളാണ് ഈ നേട്ടം സ്വന്തമാക്കിയിട്ടുള്ളത്. രാജ്യമാകെ തയ്യാറായ 97,500 4ജി ടവറുകളുടെ ഉദ്ഘാടനവും സെപ്റ്റംബര് 27ന് ഒഡിഷയിലെ ജാര്സുഗുഡയില് നടക്കുന്ന ചടങ്ങില് മോദി നിര്വഹിക്കും. 5ജി സാങ്കേതിക വിദ്യയിലേക്ക് അപ്ഗ്രേഡ് ചെയ്യാന് കഴിയുന്ന 92,600 4ജി ടവറുകളാണ് രാജ്യമാകെ ബി.എസ്.എന്.എല് സ്ഥാപിച്ചിരിക്കുന്നതെന്ന് കേന്ദ്രമന്ത്രി ജ്യോതിരാദിത്യ സിന്ധ്യ പറഞ്ഞു. ഇതോടെ ഇന്ത്യയിലെ എല്ലായിടത്തും 4ജി നെറ്റ്വര്ക്ക് സേവനം ലഭ്യമാകും. നിലവില് 2.2 കോടി ജനങ്ങളാണ് ബി.എസ്.എന്.എല് 4ജി സേവനങ്ങള് ഉപയോഗിക്കുന്നത്. സോഫ്റ്റ്വെയര്, ക്ലൗഡ് അധിഷ്ഠിതമായാണ് ഇവ പ്രവര്ത്തിക്കുന്നത്. ഇതിനോടകം രാജ്യത്തെ പല നെറ്റ്വര്ക്ക് സേവനദാതാക്കളും 4ജി വാഗ്ദാനം ചെയ്യുന്നുണ്ട്. എന്നാല് പരാതികള്ക്കിടയില്ലാത്ത വിധമാണ് ബി.എസ്.എന്.എല് 4ജി തയ്യാറാക്കിയിരിക്കുന്നതെന്നും…
Read More »