LIFE
-
യുകെയില് ഇന്ത്യന് യുവതി ക്രൂര ബലാത്സംഗത്തിന് ഇരയായി; വംശീയ ആക്രമണമെന്നു റിപ്പോര്ട്ട്; പ്രതി സിസിടിവിയില്; ചിത്രം വെസ്റ്റ് മിഡ്ലാന്ഡ്സ് പോലീസ് പുറത്തുവിട്ടു; വന് പ്രതിഷേധം
ലണ്ടന്: വെസ്റ്റ് മിഡ്ലാൻഡ്സിൽ ഇന്ത്യന് വംശജയായ ഇരുപതുകാരി ക്രൂരമായ ബലാത്സംഗത്തിനിരയായി. വംശീയ വിദ്വേഷം നിറഞ്ഞ ആക്രമണമാണെന്നും പ്രതിയെ സിസിടിവിയിലൂടെ വ്യക്തമായെന്നും വെസ്റ്റ് മിഡ്ലാൻഡ്സ് പൊലീസ് അറിയിച്ചു. യുവതിക്കെതിരെ ഉണ്ടായത് ഞെട്ടിക്കുന്ന ആക്രമണമാണെന്നും പ്രതിയെ പിടികൂടാനുള്ള നടപടികള് സ്വീകരിച്ചെന്നും അന്വേഷണത്തിന് മേൽനോട്ടം വഹിക്കുന്ന മുതിർന്ന പോലീസ് ഉദ്യോഗസ്ഥൻ റോനൻ ടൈറർ പറഞ്ഞു. ശനിയാഴ്ചയാണ് സംഭവം പുറത്തറിയുന്നത്. ലൈംഗികാതിക്രമത്തിന് ഇരയായ ശേഷം നിസഹായയായി യുവതി വഴിയില് ഇരിക്കുകയായിരുന്നു. തുടര്ന്ന് പൊലീസിനു ലഭിച്ച വിവരത്തെത്തുടര്ന്നാണ് യുവതിയെ സുരക്ഷിതസ്ഥലത്തെത്തിച്ച് അന്വേഷണം ആരംഭിച്ചത്. സിസിടിവി ദൃശ്യങ്ങളിൽ നിന്നും ലഭിച്ച പ്രതിയുടെ ചിത്രം വെസ്റ്റ് മിഡ്ലാൻഡ്സ് പോലീസ് പുറത്തുവിട്ടു. പ്രതിയെ കണ്ടെത്താൻ ഉദ്യോഗസ്ഥരുമായി സഹകരിക്കണമെന്ന് പ്രദേശവാസികളോട് അഭ്യർത്ഥിച്ചു. പ്രദേശത്തുകൂടി ഈ ദിവസം വാഹനമോടിച്ചുപോയവര് ഡാഷ്ക്യാം ദൃശ്യങ്ങള് ഉണ്ടോയെന്നു പരിശോധിക്കാനും പൊലീസ് ആവശ്യപ്പെട്ടു. സംഭവത്തില് നിരവധി രാഷ്ട്രീയനേതാക്കള് പ്രതികരണവുമായി രംഗത്തെത്തി. തീര്ത്തും അപലപനീയമായ ദുരന്തമെന്ന് കോവെൻട്രി സൗത്തിൽ നിന്നുള്ള പാർലമെന്റ് അംഗം സാറാ സുൽത്താന എക്സിൽ കുറിച്ചു. ശനിയാഴ്ച വാൽസലിൽ ഒരു…
Read More » -
അല്ബേനിയയിലെ ആദ്യത്തെ എഐ മന്ത്രി ‘ഗര്ഭിണി’ ; 83 ഡിജിറ്റല് ‘കുട്ടികള്ക്ക്’ ജന്മം നല്കുമെന്ന് പ്രധാനമന്ത്രി ; വിചിത്ര പ്രഖ്യാപനം നടത്തി പ്രധാനമന്ത്രി എഡി റാമ
അല്ബേനിയയിലെ ആദ്യത്തെ എഐ ജനറേറ്റഡ് സര്ക്കാര് മന്ത്രിയെ അനാച്ഛാദനം ചെയ്ത് മാസങ്ങള്ക്ക് ശേഷം അവര് ‘ഗര്ഭിണിയാണെന്ന്’ ഒരു വിചിത്ര പ്രഖ്യാപനം നടത്തി പ്രധാനമന്ത്രി എഡി റാമ. എഐ മന്ത്രി ഡിയേല 83 എഐ ‘കുട്ടികള്ക്ക്’ ‘ജന്മം നല്കാന്’ ഒരുങ്ങുന്നു, അധികാര ഹാളുകളില് ഡിജിറ്റല് സഹായികളായി സേവനമനുഷ്ഠിക്കുന്ന ഓരോ സോഷ്യലിസ്റ്റ് പാര്ട്ടി പാര്ലമെന്റ് അംഗത്തിനും ഒന്ന്, എന്ന നിലയില് വരുമെന്നും റാമ പറഞ്ഞു. ജര്മ്മനിയിലെ ബെര്ലിനില് നടന്ന ഗ്ലോബല് ഉച്ചകോടിയിലായിരുന്നു പ്രസ്താവന. ‘ഡിയേലയുമായി ഞങ്ങള് വളരെ റിസ്ക് എടുത്തു. ഡിയേല ഗര്ഭിണിയാണ്, 83 കുട്ടികളുമുണ്ട്’. ‘കുട്ടികള്’ അഥവാ സഹായികള് എല്ലാ പാര്ലമെന്റ് നടപടികളും രേഖപ്പെടുത്തുകയും അവര്ക്ക് പങ്കെടുക്കാന് കഴിയാത്ത ചര്ച്ചകളെക്കുറിച്ചോ പരിപാടികളെക്കുറിച്ചോ നിയമസഭാംഗങ്ങളെ അറിയിക്കുകയും ചെയ്യുമെന്ന് റാമ വിശദീകരിച്ചു. ‘ഓരോരുത്തരും… പാര്ലമെന്റ് സെഷനുകളില് പങ്കെടുക്കുന്നവരുടെ സഹായിയായി പ്രവര്ത്തിക്കും, സംഭവിക്കുന്ന എല്ലാറ്റിന്റെയും രേഖ സൂക്ഷിക്കുകയും പാര്ലമെന്റ് അംഗങ്ങളെ നിര്ദ്ദേശിക്കുകയും ചെയ്യും. ഈ കുട്ടികള് അവരുടെ അമ്മയെ അറിയും.’ അദ്ദേഹം പറഞ്ഞു. ‘ഉദാഹരണത്തിന്, നിങ്ങള് കാപ്പി…
Read More » -
സിപിഐയെ തളയ്ക്കാന് പിണറായി; പിഎം ശ്രീയുടെ വേഗം കുറയ്ക്കും; പദ്ധതിയില്നിന്ന് പിന്നോട്ടില്ലെന്ന നിലപാടില് സിപിഎം സെക്രട്ടേറിയറ്റ്; ബിനോയ് വിശ്വവുമായി തിരക്കിട്ട് ചര്ച്ച
തിരുവനന്തപുരം: പിഎം ശ്രീ വിഷയത്തില് അനുനയ ചര്ച്ചകള് സജീവമാക്കുന്നതിനൊപ്പം തന്ത്രപരമായ നീക്കങ്ങളുമായി സിപിഎം. കേന്ദ്രത്തില്നിന്നു പണം വാങ്ങിയെടുക്കുന്നതിനൊപ്പം സിപിഐയെ പിണക്കാതെ മുന്നോട്ടുകൊണ്ടുപോകാനുമുള്ള സാധ്യതകളാണ് പാര്ട്ടി ആലോചിക്കുന്നത്. കരാര് ഒപ്പുവച്ച സാഹചര്യത്തില് ഫണ്ട് ലഭിച്ചു തുടങ്ങും. എന്നാല് പദ്ധതി നടത്തിപ്പ് വൈകിപ്പിച്ച് ആ സമയം കൊണ്ട് എല്ഡിഎഫില് വിഷയം ചര്ച്ച ചെയ്ത് സിപിഐയെ അനുനയിപ്പിക്കാന് കഴിയുമെന്ന പ്രതീക്ഷയാണ് സിപിഎമ്മിനുള്ളത്. എന്തായാലും പിഎം ശ്രീയില്നിന്നുള്ള പിന്നോട്ടില്ല എന്ന നിലപാട് തന്നെയാണ് സിപിഎം സംസ്ഥാന സെക്രട്ടേറിയറ്റില് ഉണ്ടായത്. അതേസമയം ഇടഞ്ഞു നില്ക്കുന്ന സിപിഐയെ അനുനയിപ്പിക്കാനുള്ള നീക്കങ്ങള്ക്ക് മുഖ്യമന്ത്രി തന്നെ നേരിട്ടിറങ്ങുകയും ചെയ്യും. എന്നാല് പദ്ധതിയില്നിന്നു പിന്മാറുക എന്ന കടുത്ത നിലപാട് സിപിഐ ജനറല് സെക്രട്ടറി ഡി.രാജ തന്നെ വ്യക്തമാക്കിയ നിലയ്ക്ക് സിപിഎമ്മിന്റെ അനുനയശ്രമങ്ങള് എത്രത്തോളം ഫലിക്കുമെന്നതാണ് ഉയരുന്ന ചോദ്യം. ഉച്ചയ്ക്കു ശേഷം ആലപ്പുഴയില് എത്തുന്ന മുഖ്യമന്ത്രി പിണറായി വിജയന് മൂന്നരയ്ക്ക് സിപിഐ സംസ്ഥാന സെക്രട്ടറി ബിനോയ് വിശ്വവുമായി ചര്ച്ച നടത്തും. പദ്ധതിയില് ഒപ്പിട്ടതിന്റെ സാഹചര്യം…
Read More » -
പിഎം ശ്രീയിലൂടെ സംഘപരിവാറിന് കേരളത്തിന്റെ മണ്ണിൽ വിത്തു പാകാൻ നിലം ഒരുക്കി കൊടുത്ത് സിപിഎം, ഉൾപുളകം കൊണ്ട് കേരളത്തിലെ ബിജെപി നേതാക്കൾ
രാഷ്ട്രീയ കേരളത്തോട് പിണറായി വിജയൻ സർക്കാർ കാട്ടിയ ഏറ്റവും വലിയ വഞ്ചനയാണ് പിഎം ശ്രീയിൽ ഒപ്പിട്ടത്. പിഎം ശ്രീയിൽ ഒപ്പുവച്ച തീരുമാനത്തെ പ്രതിപക്ഷവും സിപിഐ ഉൾപ്പടെയുള്ള ഘടകകക്ഷികളും എതിർക്കുമ്പോൾ ഈ തീരുമാനത്തിൽ സന്തോഷം പ്രകടിപ്പിക്കുകയും, സംസ്ഥാന സർക്കാരിനെ അഭിനന്ദിക്കുകയും ചെയ്യുന്ന ഒരേ ഒരു കൂട്ടരേയുള്ളൂ അത് ബിജെപിയാണ്. ദേശീയ വിദ്യാഭ്യാസ നയത്തിന്റെ ഭാഗമായുള്ള പിഎം ശ്രീ പദ്ധതിയിൽ ഒപ്പിട്ടതോടെ ഇനി ഹെഡ്ഗേവാറിനെക്കുറിച്ചും സവര്ക്കറെക്കുറിച്ചും കേരളത്തിലെ സ്കൂളുകളിൽ പഠിപ്പിക്കുമെന്നും ഇഷ്ടമില്ലാത്തവര് പഠിക്കണ്ടെന്നും പറഞ്ഞ് കേരളാ പൊതുസമൂഹത്തെ വെല്ലുവിളിക്കാൻ കെ സുരേന്ദ്രനെ പോലുള്ള ബിജെപി നേതാക്കൾക്ക് അവസരം ഒരുക്കി കൊടുത്തത് കേരളം ഭരിക്കുന്ന പിണറായി വിജയൻ സർക്കാറാണ്. സിപിഐയുടെ വിമർശനത്തെ ‘സിപിഐ കുരയ്ക്കും പക്ഷെ കടിക്കില്ല’ എന്ന പരാമർശത്തിലൂടെ സുരേന്ദ്രൻ അപമാനിക്കുമ്പോഴും സിപിഎം മൗനത്തിൽ തന്നെ തുടരുകയാണ്. പിഎം ശ്രീയിലൂടെ സംഘപരിവാറിന് കേരളത്തിന്റെ മണ്ണിൽ വിത്തു പാകാനായി നിലം ഒരുക്കി കൊടുത്തിരിക്കുകയാണ് സിപിഎം എന്നത് പറയാതെ വയ്യ. ബിജെപി മുൻ സംസ്ഥാന പ്രസിഡന്റ് കെ…
Read More » -
ഏതൊക്കെ വിദേശ സൈനികര് ഗാസയില് എത്തുമെന്ന് ഇസ്രയേല് തീരുമാനിക്കുമെന്ന് ബെഞ്ചമിന് നെതന്യാഹു; എതിര്പ്പ് ഹമാസുമായി ബന്ധമുള്ള തുര്ക്കിയോട്; മരിച്ച ബന്ദികളെ കൈമാറാതെ ഹമാസ്; അനുദിനം ദുര്ബലപ്പെട്ട് വെടിനിര്ത്തല്
ജെറുസലേം: ഏതൊക്കെ വിദേശസേനകള് ഗാസയിലേക്കുള്ള രാജ്യാന്തര സൈന്യത്തിന്റെ ഭാഗമാകണമെന്നത് ഇസ്രയേല് തീരുമാനിക്കുമെന്നു പ്രധാനമന്ത്രി ബെഞ്ചമിന് നെതന്യാഹു. ട്രംപിന്റെ പദ്ധതിയനുസരിച്ച് വെടിനിര്ത്തല് പരിശോധിക്കാനും സുരക്ഷ ഉറപ്പാക്കാനുമാണ് രാജ്യാന്തര സൈന്യം രൂപീകരിക്കുന്നത്. കരാറിന്റെ രണ്ടാം ഘട്ടത്തിലെ ഏറ്റവും നിര്ണായകമായ തീരുമാനത്തിന്റെ പട്ടികയിലാണ് ഇതു ഉള്പ്പെടുത്തിയിരിക്കുന്നത്. ഹമാസ് ആയുധം താഴെവയ്ക്കണമെന്ന നിബന്ധനയും ഇക്കൂട്ടത്തിലാണ് ഉള്പ്പെടുത്തിയിട്ടുള്ളത്. ഏതൊക്കെ അറബ് രാജ്യങ്ങള് സൈന്യത്തിന്റെ ഭാഗമാകുമെന്ന് ഇപ്പോഴും വ്യക്തതയില്ല. ഹമാസ് ആയുധം താഴെ വയ്ക്കാതെ സ്വന്തം സൈന്യത്തെ അപകടകരമായ സാഹചര്യങ്ങളിലേക്ക് അയയ്ക്കാന് രാജ്യങ്ങള് തയാറാകില്ലെന്നും സൂചനയുണ്ട്. അമേരിക്കന് സൈന്യത്തെ ഗാസയിലേക്ക് അയയ്ക്കില്ലെന്നു ട്രംപ് വ്യക്തമാക്കിയിട്ടുണ്ട്. യുഎഇ, ഈജിപ്റ്റ്, ഖത്തര്, തുര്ക്കി, അസര്ബൈജാന് എന്നിവ സൈന്യത്തെ അയയ്ക്കുമെന്നാണു വിവരം. ‘ഞങ്ങളാണ് ഇപ്പോള് സുരക്ഷ തീരുമാനിക്കുന്നത്. രാജ്യാനന്തര സേനയില് ആരൊക്കെ ഉള്പ്പെടുമെന്ന കാര്യത്തിലും ഇസ്രയേല് തീരുമാനമെടുക്കും. അവരുടെ പ്രവര്ത്തനം എങ്ങനെയായിരിക്കുമെന്നതിലും തീരുമാനമെടുക്കു’മെന്നും നെതന്യാഹു പറഞ്ഞു. അമേരിക്കയ്ക്കുകൂടി സ്വീകാര്യമാകുന്ന സൈന്യത്തെയാകും രൂപീകരിക്കുകയെന്നും നെതന്യാഹു പാര്ലമെന്റില് വ്യക്തമാക്കി. 2023 ഒക്ടോബര് ഏഴിനു ഹമാസ് നടത്തിയ ആക്രമണത്തിനു…
Read More » -
‘അതിദരിദ്രര് അഭ്യര്ഥിക്കുന്നു, പങ്കെടുക്കരുത്, ആ വലിയ നുണയുടെ പ്രചാരകരാകും’; മമ്മൂട്ടിക്കും മോഹന്ലാലിനും കമല് ഹാസനും തുറന്ന കത്തുമായി ആശമാര്; സെക്രട്ടേറിയറ്റ് നടയില് വരണമെന്നും ആവശ്യം
തിരുവനന്തപുരം: മോഹന്ലാല്, മമ്മൂട്ടി, കമല്ഹാസന് എന്നിവര്ക്ക് തുറന്ന കത്തുമായി സെക്രട്ടേറിയറ്റ് നടയില് സമരം ചെയ്യുന്ന ആശാ പ്രവര്ത്തകര്. നവംബര് ഒന്നിന് നടക്കാനിരിക്കുന്ന അതിദാരിദ്ര്യ വിമുക്ത കേരള പ്രഖ്യാപനത്തില് പങ്കെടുക്കാന് മൂന്നു താരങ്ങളെയും സര്ക്കാര് ക്ഷണിച്ചതിനു പിന്നാലെയാണ് ആശമാരുടെ കത്ത്. സെക്രട്ടേറിയറ്റിനു മുന്നില് സമരം ചെയ്യുന്ന ആശാപ്രവര്ത്തകരെ വന്നു കാണണമെന്നാണ് ആവശ്യം. മൂന്നു നേരം ഭക്ഷണം കഴിക്കാനില്ലാത്ത, മക്കളെ പഠിപ്പിക്കാന് കഴിയാത്ത, മാരകരോഗം വന്നാല് അതിജീവിക്കാന് കെല്പ്പില്ലാത്ത, കടക്കെണിയില് കുടുങ്ങിയ അതിദരിദ്രരാണ് തങ്ങളെന്നും കത്തില് പറയുന്നു. കേരള ആശ ഹെല്ത്ത് വര്ക്കേഴ്സ് അസോസിയേഷന് സംസ്ഥാന പ്രസിഡന്റ് വി.കെ. സദാനന്ദന്, കേരള ആശ ഹെല്ത്ത് വര്ക്കേഴ്സ് അസോസിയേഷന് സംസ്ഥാന ജനറല് സെക്രട്ടറി എം.എ.ബിന്ദു എന്നിവരുടെ പേരിലാണ് കത്ത്. ഇമെയില് മുഖേനയാണ് താരങ്ങള്ക്കു കത്തയച്ചത്. അതിദാരിദ്ര്യ വിമുക്ത കേരളത്തിന്റെ പ്രഖ്യാപന ചടങ്ങില് പങ്കെടുക്കുക വഴി നിങ്ങള് ആ വലിയ നുണയുടെ പ്രചാരകരായി മാറും എന്നതില് തര്ക്കമില്ല. അതുകൊണ്ട് ചടങ്ങില് നിന്ന് മോഹന്ലാലും മമ്മൂട്ടിയും കമല്ഹാസനും വിട്ടുനില്ക്കണമെന്നാണ്…
Read More » -
ബിഹാര് തെരഞ്ഞെടുപ്പ്: ഇക്കുറിയും മുസ്ലിം സ്ഥാനാര്ഥികളുടെ എണ്ണം തുച്ഛം; 17 ശതമാനം ജനസംഖ്യയുണ്ടായിട്ടും എല്ലാ പാര്ട്ടികളിലുമായി 243 സീറ്റില് 35 പേര് മാത്രം; കൂടുതല് സീറ്റുകള് നല്കിയത് ആര്ജെഡി, തൊട്ടു പിന്നില് കോണ്ഗ്രസ്; ബിജെപിക്കു വട്ടപ്പൂജ്യം
പാറ്റ്ന: ബിഹാര് തെരഞ്ഞെടുപ്പ് ചൂടിലേക്കു കടക്കുമ്പോള് ആര്ജെഡി അടക്കമുള്ള പാര്ട്ടികള് ന്യൂനപക്ഷമായ മുസ്ലിംകളെ അകറ്റി നിര്ത്തുന്നെന്ന ആരോപണവും കടുക്കുന്നു. സംസ്ഥാനത്തു 17.7 ശതമാനം മുസ്ലിംകളുണ്ടായിട്ടും എല്ലാ മുന്നണികളിലുമായി അവരുടെ പ്രാതിനിധ്യം 35 സീറ്റുകളില് ഒതുങ്ങി. ആകെയുള്ള 243 സീറ്റില് 203 സീറ്റ് ജനറല് കാറ്റഗറിയിലും 40 സീറ്റ് എസ്.സി./എസ്.ടി. വിഭാഗങ്ങള്ക്കുമാണ്. 143 സീറ്റില് മത്സരിക്കുന്ന ആര്ജെഡി 18 സീറ്റുകള് മുസ്ലിംകള്ക്കായി മാറ്റിവച്ചിട്ടുണ്ട്. 61 സീറ്റില് മത്സരിക്കുന്ന കോണ്ഗ്രസ് 10 സീറ്റും സിപിഐ-എംഎല് (ലിബറേഷന്) രണ്ടു സീറ്റും മുസ്ലിംകള്ക്കായി മാറ്റിവച്ചു. മുകേഷ് സഹാനി നയിക്കുന്ന വിഐപി, ഇന്ത്യ മുന്നണിയിലുണ്ടായിട്ടും ഒറ്റ സീറ്റുപോലും നല്കിയിട്ടില്ല. എന്ഡിഎ ക്യാമ്പില് നിതീഷ് കുമാറിന്റെ ജെഡിയു നാലു മുസ്ലിം സ്ഥാനാര്ഥികളെ നിര്ത്തി. ആകെ 101 സീറ്റുകളിലാണ് ജെഡിയുവിനു സ്ഥാനാര്ഥികളുള്ളത്. ചിരാഗ് പാസ്വാന് നയിക്കുന്ന ലോക് ജനശക്തി പാര്ട്ടി (രാംവിലാസ്) ഒരു സീറ്റ് മുസ്ലിം വിഭാഗത്തിനു നല്കി. എല്ജെപി 29 സീറ്റിലാണു മത്സരിക്കുന്നത്. 2020ല് ആര്ജെഡി മത്സരിച്ച 144 സീറ്റുകളില്…
Read More » -
ഭൂമിയുടെ ചൂടില്നിന്ന് വൈദ്യുതി; ഊര്ജാവശ്യങ്ങള്ക്കു പരിഹാരമാകുമോ പുതിയ സാങ്കേതിക വിദ്യ? ജിയോതെര്മല് വൈദ്യുതി പ്ലാന്റ് യാഥാര്ഥ്യത്തിലേക്ക്; ഭാവിയില് പ്രകൃതി വാതകം ഉപയോഗിച്ചുള്ള ഉത്പാദനത്തേക്കാള് ലാഭകരമാകും; പ്രതീക്ഷകളും ആശങ്കയും ഇങ്ങനെ
ന്യൂയോര്ക്ക്: അനുദിനം ശുഷ്കമായിക്കൊണ്ടിരിക്കുന്ന ഊര്ജ പ്രതിസന്ധിക്കു പരിഹാരവുമായി അമേരിക്കന് സ്റ്റാര്ട്ടപ്പ് കമ്പനി. ഭൂമിയുടെ ഉള്ക്കാമ്പിലെ പാറകളുടെ ചൂടില്നിന്ന് വൈദ്യുതി ഉത്പാദിപ്പിക്കാനുള്ള പദ്ധതിയാണ് ഏറെക്കുറെ പൂര്ത്തികരണത്തിലേക്ക് എത്തുന്നത്. ഇതിനുമുമ്പു നടപ്പാക്കിയ പദ്ധതികള് പരാജയപ്പെട്ടിരുന്നെങ്കില് നിലവില് ഫെര്വോ എനര്ജി എന്ന കമ്പനിയാണു പദ്ധതി വിജയത്തിലേക്ക് എത്തിക്കുന്നത്. ജിയോ തെര്മല് എനര്ജി കാര്ബണ് ബഹിഷ്കരണം ഏറ്റവും കുറഞ്ഞ മാഗര്ങ്ങളിലൊന്നാണ്. അമേരിക്കന് മുന് പ്രസിഡന്റ് ജോ ബൈഡനും നിലവില് ട്രംപും ഇത്തരം കണ്ടുപിടിത്തങ്ങള്ക്കായി നല്കിയ നികുതി ഇളവും മൈക്രോ സോഫ്റ്റ് പോലുള്ള കമ്പനികളില്നിന്നുള്ള നിക്ഷേപങ്ങളുമാണ് ഫെര്വോയ്ക്കു സഹായകരമായത്. ഈ രംഗത്തു ദശാബ്ദങ്ങളായി തുടരുന്ന ഗവേഷണങ്ങള്ക്കു പരിഹാരമെന്നോണമാണ് പുതിയ സാങ്കേതികവിദ്യ സഹായിക്കുന്നത്. ഭൂമിക്കടിയിലെ ജലത്തിന്റെ ഉപയോഗമില്ലാതെ ഉള്ക്കാമ്പിനു മുകളിലുള്ള പാറകളുടെ താപം ഉപയോഗിച്ചു പ്രവര്ത്തിക്കുന്ന രീതിയാണിത്. ഭൂമിക്കടിയിലേക്കു പൈപ്പുകളിലൂടെ വെള്ളമെത്തിക്കുകയും ഇതു നീരാവിയാക്കി മാറ്റി പുറത്തെത്തിച്ചു ടര്ബൈനുകള് കറക്കുകയുമാണ് ഒറ്റ വാക്കില് പറഞ്ഞാല് ഈ പദ്ധതി. പദ്ധതിക്കായി ബില്ഗേറ്റ്സ് നല്കിയത് 100 ദശലക്ഷം ഡോളറാണ്. ഇതടക്കം 700 ദശലക്ഷം…
Read More » -
റഷ്യയില്നിന്ന് എണ്ണ വാങ്ങുന്നത് ഇന്ത്യ കുറച്ചു; ഇന്ത്യ-പാക് സംഘര്ഷത്തില് ഇടപെട്ടു; വീണ്ടും അവകാശ വാദവുമായി ട്രംപ്
ന്യൂയോര്ക്ക്: ഇന്ത്യ റഷ്യയില് നിന്ന് എണ്ണ വാങ്ങുന്നത് പൂർണ്ണമായും വെട്ടിക്കുറച്ചെന്ന അവകാശവാദവുമായി അമേരിക്കന് പ്രസിഡന്റ് ഡോണള്ഡ് ട്രംപ് വീണ്ടും രംഗത്ത്. ‘റഷ്യൻ എണ്ണ വാങ്ങുന്നത് ചൈന ഗണ്യമായി വെട്ടിക്കുറച്ചിട്ടുണ്ട്, ഇന്ത്യ പൂർണ്ണമായും വെട്ടിക്കുറച്ചു, ഞങ്ങൾ ഉപരോധങ്ങൾ ഏർപ്പെടുത്തിയിട്ടുണ്ട്’ ട്രംപ് പറഞ്ഞു.ആസിയാന് ഉച്ചകോടിയില് എത്തിയപ്പോഴാണ് പ്രതികരണം. ഇന്ത്യ– പാക് സംഘര്ഷത്തില് ഇടപ്പെട്ടെന്നും ട്രംപ് വീണ്ടും ആവര്ത്തിക്കുകയുണ്ടായി. ഇതാദ്യമായല്ല ഈ അവകാശവാദവുമായി ട്രംപ് രംഗത്തെത്തുന്നത്. റഷ്യയില്നിന്ന് എണ്ണ വാങ്ങുന്നത് നിര്ത്തുമെന്ന് നരേന്ദ്ര മോദി ഉറപ്പ് നല്കിയെന്ന വാദവുമായി മുന്പ് ട്രംപ് രംഗത്തെത്തിയിരുന്നു. റഷ്യയെ സാമ്പത്തികമായി ഒറ്റപ്പെടുത്താനുള്ള വലിയ ചുവടുവെപ്പെന്ന വിശേഷണത്തോടെയായിരുന്നു ട്രംപിന്റെ ഈ അവകാശവാദം. ഇന്ത്യ എന്നും യു.എസിന്റെ വിശ്വസ്തനായ പങ്കാളിയാണെന്നും ചൈനയെകൊണ്ടും ഇത് ചെയ്യിക്കും എന്നും ട്രംപ് അവകാശപ്പെടുകയുണ്ടായി. എന്നാല് ഈ വാദം ഇന്ത്യ തള്ളുകയും ചെയ്തു. റഷ്യയില്നിന്നുള്ള എണ്ണവാങ്ങല് നിര്ത്താത്തത് ചൂണ്ടിക്കാട്ടിയാണ് മുന്പ് ഇന്ത്യയ്ക്കെതിരെ യു.എസ് ഇരട്ട തീരുവയും ചുമത്തിയിരുന്നത്. അതേസമയം, റഷ്യയിൽ നിന്നുള്ള എണ്ണ ഇറക്കുമതി ചൈനയും കുറയ്ക്കുകയാണെന്ന് ട്രംപ്…
Read More » -
22 കുടുംബങ്ങളെ മാറ്റിപ്പാര്പ്പിച്ചതിനാല് വന് ദുരന്തം ഒഴിവായി; സര്ട്ടിഫിക്കറ്റുകള് എടുക്കാന് വീട്ടിലെത്തിയപ്പോള് മണ്ണിടിച്ചില്; കോണ്ക്രീറ്റ് പാളികള്ക്കിടയില് പെട്ട് ബിജുവിന്റെ മരണം; തീരാനോവ്
ഇടുക്കി അടിമാലിക്ക് സമീപം ദേശീയപാതയില് മണ്ണിടിഞ്ഞ് കെട്ടിടാവശിഷ്ടങ്ങള്ക്കടിയില് കുടുങ്ങിയ ദമ്പതികളില് ഒരാള് മരിച്ചു. അടിമാലി ലക്ഷംവീട് ഉന്നതിയിലുള്ള ബിജുവാണ് മരിച്ചത്. മണിക്കൂറുകള് നീണ്ട രക്ഷാപ്രവര്ത്തനത്തിനൊടുവില് ബിജുവിന്റെ ഭാര്യ സന്ധ്യയെ പുറത്തെടുത്തു. ഇവരെ കൊച്ചിയിലെ സ്വകാര്യ ആശുപത്രിയിലേക്ക് മാറ്റി. രാത്രി പത്തരയോടെയാണ് മണ്ണിടിച്ചില് ഉണ്ടായത്. വീടുകളുടെ മുകളിലേക്ക് മണ്ണിടിഞ്ഞതോടെ രണ്ട് വീടുകള് പൂര്ണമായും ആറ് വീടുകള് ഭാഗികമായും തകര്ന്നു. 22 കുടുംബങ്ങളെ മാറ്റിപ്പാര്പ്പിച്ചു. വീട്ടില്നിന്ന് സര്ട്ടിഫിക്കറ്റുകളും മറ്റും എടുക്കുന്നതിനായി ബിജുവും സന്ധ്യയും പോയ സമയത്താണ് അപകടമുണ്ടായത്. വിവരം പുറത്തറിഞ്ഞയുടന് നാട്ടുകാരും പൊലീസും അഗ്നിരക്ഷാ സേനയും ചേര്ന്ന് രക്ഷാപ്രവര്ത്തനം ആരംരഭിച്ചു. എന്.ഡി.ആര്.എഫ് അടക്കമുള്ള വിപുലമായ സന്നാഹമെത്തിച്ച് ആറ് മണിക്കൂറിലധികം നീണ്ട പരിശ്രത്തിനൊടുവിലാണ് സന്ധ്യയെ പുറത്തെടുത്തത്. ശ്വാസതടസവും കാലിന് പൊട്ടലുമുണ്ടായ സന്ധ്യയെ അടിമാലി താലൂക്ക് ആശുപത്രിയില് പ്രാഥമിക ചികില്സ നല്കിയശേഷം വിദഗ്ധ ചികില്സയ്ക്കായി കൊച്ചിയിലെ സ്വകാര്യ ആശുപത്രിയിലേക്ക് മാറ്റി. വീണ്ടും ഒരു മണിക്കൂറിലധികം മണ്ണുമാന്തി യന്ത്രങ്ങളടക്കം ഉപയോഗിച്ച് കെട്ടിടാവശിഷ്ടങ്ങള് നീക്കിയശേഷമാണ് ബിജുവിനെ പുറത്തെടുക്കാനായത്. അഗ്നിശമനസേന എത്തുമ്പോള്തന്നെ…
Read More »