Lead News
-
ജോര്ജുകുട്ടിയുടെ മൂന്നാംവരവ് കസറി; റിലീസിന് മുമ്പേ ചരിത്രം സൃഷ്ടിച്ച് ജിത്തുജോസഫ്-മോഹന്ലാല് ടീമിന്റെ ദൃശ്യം 3; റെക്കോര്ഡ് തുകയ്ക്ക് പനോരമ സ്റ്റുഡിയോസുമായി കരാര്
തിരുവനന്തപുരം: മോഹന്ലാല് ആരാധകര് മാത്രമല്ല മലയാള സിനിമ പ്രേക്ഷകര് മാത്രമല്ല ലോകമെമ്പാടുമുള്ള സിനിമാപ്രേമികള് ആകാംക്ഷയോടെ ത്രില്ലടിച്ച് കാത്തിരിക്കുന്ന ദൃശ്യം 3 സിനിമയ്ക്ക് റിലീസിനു മുന്പേ റെക്കോര്ഡ് നേട്ടം!! ജിത്തുജോസഫ് -മോഹന്ലാല് കൂട്ടുകെട്ടില് ഒരുങ്ങുന്ന ദൃശ്യം യൂണിവേഴ്സിലിലെ മൂന്നാം ചിത്രമായ ദൃശ്യം 3 എന്ന ചിത്രത്തിന് പനോരമ സ്്റ്റുഡിയോസുമായി വമ്പന് തുകയ്ക്ക് കരാറായി. ദൃശ്യം 3യുടെ ചിത്രീകരണം പൂര്ത്തിയായതിനു തൊട്ടുപിന്നാലെയാണ് മലയാളക്കരയ്ക്ക് അഭിമാനിക്കാന് ഈ നേട്ടം കൈവന്നിരിക്കുന്നത്. പനോരമ സ്റ്റുഡിയോസില് നിന്ന് 350 കോടി രൂപയുടെ ഡീല് ഈ സിനിമയ്ക്ക് ലഭിച്ചതായാണ് റിപ്പോര്ട്ട്. മലയാള സിനിമാ ചരിത്രത്തില് മറ്റൊരു സിനിമയ്ക്കും ഇത്രയും വലിയ ഓഫര് ഇന്നുവരെ ലഭിച്ചിട്ടില്ല എന്നത് ദൃശ്യം 3യുടെ തലപ്പൊക്കം വര്ധിപ്പിക്കുന്നു. കേരളത്തില് മാത്രമല്ല ഇന്ത്യയിലെ വിവിധ ഭാഷകളിലും ഇന്ത്യയ്ക്കു പുറത്ത് വിദേശഭാഷകളിലും വരെ റീമേക്കും ഡബ്ബുമായി ദൃശ്യം ഫ്രാഞ്ചൈസികളിലെ രണ്ടു ചിത്രങ്ങളും സഞ്ചരിച്ചിട്ടുണ്ട്. അതുകൊണ്ടുതന്നെ മൂന്നാം ഭാഗത്തിനു വേണ്ടി ആരാധകര് ലോകമെമ്പാടും ആകാംക്ഷയോടെ കാത്തിരിക്കുകയാണ്. ഒന്നാം…
Read More » -
സ്ഥാനാര്ത്ഥി ചര്ച്ച പോലും തുടങ്ങിയിട്ടില്ല, ബിജെപിയെ ഞെട്ടിച്ച് സ്വന്തം സ്ഥാനാര്ത്ഥിത്വം പ്രഖ്യാപിച്ച് സംസ്ഥാന അധ്യക്ഷന് ; രാജീവ് ചന്ദ്രശേഖര് കാവിപ്പാര്ട്ടിക്ക് ആദ്യ എംഎല്എ യെ സമ്മാനിച്ച നേമത്ത് മത്സരിക്കും
തൃശൂര്: സ്ഥാനാര്ത്ഥി ചര്ച്ച പാര്ട്ടിയില് തുടങ്ങുന്നതിന് മുമ്പ് തന്നെ സ്വന്തം സ്ഥാനാര്ത്ഥി ത്വം പ്രഖ്യാപിച്ച് ബിജെപി് സംസ്ഥാന അദ്ധ്യക്ഷന് രാജീവ് ചന്ദ്രശേഖര്. കേരളത്തിന് ആദ്യ ബിജെപി എംഎല്എയെ സംഭാവന ചെയ്ത നേമത്ത് നിന്നും താന് മത്സരിക്കുമെന്ന് പ്രഖ്യാപിച്ചു. തൃശൂര് പ്രസ്ക്ലബ്ബിന്റെ വോട്ട് വൈബ് പരിപാടിയിലാണ് താന് നേമത്ത് മത്സരിക്കുമെന്ന് രാജീവ് ചന്ദ്രശേഖര് പറഞ്ഞത്. നേരത്തേ 2016 ല് രാജഗോപാലിനെ ജയിപ്പിച്ച് നിയമസഭയില് ആദ്യത്തെ ബിജെപി എംഎല്എ യെ പ്രവേശിപ്പിച്ച മണ്ഡലമായ നേമത്ത് ബിജെപിയ്ക്ക് ശക്തമായ സ്വാധീനമുണ്ടെന്നാണ് കണക്കാക്കുന്നത്. കഴിഞ്ഞ ലോക്സഭാ തെരഞ്ഞെടുപ്പിലും കോണ്ഗ്രസിന്റെ ശശി തരൂരിനെതിരേ രാജീവ് ചന്ദ്രശേഖര്ക്ക് ലീഡ് നല്കിയ സ്ഥലം കൂടിയാണ് നേമം. അതേസമയം ഇവിടെ 2021 ല് കുമ്മനം രാജശേഖരന് തോല്വി ഏറ്റു വാങ്ങിയിരുന്നു. വി. ശിവന്കുട്ടി ഇവിടെ ജയിക്കുകയും ചെയ്തിരുന്നു. നേരത്തേ തന്നെ നേമത്ത് രാജീവ് ചന്ദ്രശേഖര് മത്സരിക്കുമെന്ന് അഭ്യൂഹം ഉണ്ടായിരുന്നെങ്കിലും പാര്ലമെന്ററി പാര്ട്ടിയോഗം വിളിച്ച് സ്ഥാനാര്ത്ഥികളെ പ്രഖ്യാപിക്കുന്നതാണ് സാധാരണ രീതി. അതിന് വിപരീതമായിട്ടാണ് രാജീവ്…
Read More » -
ഈ മരണക്കണക്കുകള് ഭീകരമായി ഞെട്ടിപ്പിക്കുന്നവ; എസ്ഐആര് പേടിയില് ബംഗാളില് മരിച്ചത് 39 പേര്; വെളിപ്പെടുത്തലുമായി മമത ബാനര്ജി; മരിച്ചവരുടെ കുടുംബത്തിന് രണ്ടു ലക്ഷം ധനസഹായം
കൊല്ക്കൊത്ത: രാജ്യത്ത് തീവ്ര വോട്ടര്പട്ടിക പരിഷ്കരണം വിവാദങ്ങളില് നിന്ന് വിവാദങ്ങളിലേക്കും ചര്ച്ചകളിലേക്കും മാറിമാറി നീങ്ങിക്കൊണ്ടിരിക്കെ ബംഗാളില് നിന്നും വരുന്നത് ഞെട്ടിപ്പിക്കുന്ന മരണക്കണക്കുകള്. ബംഗാള് മുഖ്യമന്ത്രി മമത ബാനര്ജി ഇന്ന് വെളിപ്പെടുത്തിയ കണക്കുകള് പ്രകാരം എസ്ഐആറുമായി ബന്ധപ്പെട്ട പ്രശ്നങ്ങളേയും മാനസിക സമ്മര്ദ്ദങ്ങളെയും തുടര്ന്ന് ബംഗാളില് 39 പേര് മരിച്ചിട്ടുണ്ട് എന്നാണ്. എസ്ഐആര് നടപടിക്രമങ്ങള് സമയത്തിന് പൂര്ത്തിയാക്കാന് സാധിക്കാതെയും അതിന്ററെ പേരിലുള്ള കടുത്ത സമ്മര്ദ്ദങ്ങള് താങ്ങാന് കഴിയാതെയും നടപടിയുണ്ടാകുമോ എന്ന ആശങ്കയും ഭയവും പിരിമുറുക്കവും മൂലവും സംസ്ഥാനത്ത് 39 പേര് മരിച്ചെന്നാണ് മമത വെളിപ്പെടുത്തിയത്. മരിച്ചവരില് നാല് ബൂത്ത് ലെവല് ഓഫീസര്മാരും (ബിഎല്ഒമാര്) ഉള്പ്പെടുന്നുവെന്ന് മമത വിശദീകരിക്കുന്നു. മരിച്ചവരുടെ കുടുംബത്തിന് സര്ക്കാര് രണ്ട് ലക്ഷം രൂപ ധനസഹായം നല്കുമെന്ന് മുഖ്യമന്ത്രി മമത ബാനര്ജി പ്രഖ്യാപിച്ചു. എസ്ഐആര് ആരംഭിച്ചതിനുശേഷം പല സ്ഥലങ്ങളിലും ആളുകള് പരിഭ്രാന്തരും മാനസിക സമ്മര്ദ്ദത്തിലുമാണെന്ന് മുഖ്യമന്ത്രി പറഞ്ഞു. നവംബര് 4 ന് ആരംഭിച്ച ക്യാമ്പെയിന് പൊതുജനങ്ങള്ക്കിടയില് അനിശ്ചിതത്വത്തിന്റെയും ഭയത്തിന്റെയും അന്തരീക്ഷം സൃഷ്ടിച്ചിട്ടുണ്ടെന്ന് സര്ക്കാര്…
Read More » -
എട്ടിനകം രാഹുലിനെ പൊക്കിയിരിക്കണം; ഡിസംബര് എട്ട് കേരളം ചര്ച്ചചെയ്യുന്ന കോടതിവിധിയുടെ ദിവസം; അതിനു മുന്പ് രാഹുലിന്റെ മിസിംഗ് കേസ് ക്ലോസ് ചെയ്യാന് കേരള പോലീസ്
തിരുവനന്തപുരം: ഒളിവില് പോയിരിക്കുന്ന രാഹുല് മാങ്കൂട്ടത്തില് എംഎല്എയെ എട്ടാം തിയതിക്കുള്ളില് പൊക്കിയിരിക്കണമെന്ന് കേരള പോലീസിന് ആഭ്യന്തരവകുപ്പിന്റെ രഹസ്യകര്ശന നിര്ദ്ദേശം. എട്ടാം തിയതി കേരളം മുഴുവന് ചര്ച്ച ചെയ്യുന്ന ഒരു കോടതി വിധി വരാനിരിക്കുകയാണ്. അതിനു മുന്പ് രാഹുലിനെ ഏതുവിധേനയും കണ്ടെത്തി അറസ്റ്റ് ചെയ്യാനാണ് ആഭ്യന്തരര വകുപ്പ് അനൗദ്യോഗികമായി പോലീസ് മേധാവികള്ക്ക് നിര്ദ്ദേശം നല്കിയിരിക്കുന്നത്. നടിയെ ആക്രമിച്ച കേസിന്റെ വിധി വരുന്നത് ഈ മാസം എട്ടിനാണ്. കേരളം ആകാംക്ഷയോടെ കാത്തിരിക്കുന്ന സുപ്രധാന വിധിപ്രസ്താവമാണത്. രാഹുലിനെ അതിനു മുന്പ് പിടികൂടുകയെന്നത് പോലീസ് പ്രസ്റ്റീജ് ഇഷ്യു ആയി എടുത്തിട്ടുണ്ട്. നാളെ കോടതി രാഹുലിന്റെ മുന്കൂര് ജാമ്യാപേക്ഷ പരിഗണിച്ച ശേഷം എന്തു തീരുമാനമെടുക്കുമെന്നതുകൂടി നോക്കിയായിരിക്കും മുന്നോട്ടുള്ള പോലീസിന്റ നീക്കം. ജാമ്യാപേക്ഷ തള്ളിയാല് രാഹുലിന് കീഴടങ്ങുകയേ മാര്ഗമുള്ളു. അതിനു മുന്പ് പിടികൂടാനാണ് പോലീസ് ശ്രമം. മുന്കൂര് ജാമ്യാപേക്ഷ അനുവദിക്കുകയാണെങ്കില് രാഹുലിനെ പിടികൂടാതെ പോലീസിന് നാണം കെടേണ്ടി വരും.
Read More » -
നിയമം നിയമത്തിന്റെ വഴിയെ പോകും…രാഹുല് മാങ്കൂട്ടത്തിലിനെ കോണ്ഗ്രസ് പൂര്ണ്ണമായും കൈവിട്ടു ; എംഎല്എ സ്ഥാനം രാജിവെയ്ക്കാന് ആവശ്യപ്പെടും ; പീഡനപരാതി കെപിസിസി നേതൃത്വം പോലീസിന് കൈമാറി
തിരുവനന്തപുരം: ലൈംഗിപവാദത്തില് അടുത്ത പരാതിയും ഉയര്ന്നിരിക്കുന്ന സാഹചര്യത്തില് രാഹുല്മാങ്കൂട്ടത്തിലിനെ പൂര്ണ്ണമായും കൈവിട്ട് കോണ്ഗ്രസ്. 23 കാരി നല്കിയ പരാതി പോലീസിന് കൈമാറി. നിയമപരമായി മുമ്പോട്ട് പോകാനാണ് തീരുമാനം. കേരളത്തിന് പുറത്ത് താമസിക്കുന്ന 23-കാരിയാണ് രാഹുലിനെതിരെ പരാതിയുമായി കെപിസിസിയെ അടക്കം സമീപിച്ചത്. യുവതി കെപിസിസിയ്ക്ക് പുറമേ രാഹുല്ഗാന്ധിക്കും പ്രിയങ്കാഗാന്ധിക്കും നല്കിയിരുന്നു. വിവാഹ വാഗ്ദാനം നല്കി ഹോം സ്റ്റേയില് കൊണ്ടുപോയി പീഡിപ്പിച്ചെന്നാണ് 23 കാരി നല്കിയിരിക്കുന്ന പരാതിയില് പറഞ്ഞിരിക്കുന്നത്. രാഹുല് നിര്ബന്ധിച്ച് ലൈംഗിക ബന്ധത്തില് ഏര്പ്പെട്ടുവെന്നും പിന്നീട്, വിവാഹത്തെക്കുറിച്ച് സംസാരിച്ചപ്പോള്, തന്നെ ഉള്പ്പെടെ ആരെയും വിവാഹം കഴിക്കാന് തനിക്ക് ഉദ്ദേശ്യമില്ലെന്നും തന്റെ രാഷ്ട്രീയ ജീവിതം ഒരിക്കലും തന്റെ ഭാര്യക്കോ കുട്ടിക്കോ ആവശ്യമായ ശ്രദ്ധ നല്കാന് അനുവദിക്കില്ലെന്നുമായിരുന്നു രാഹുലിന്റെ മറുപടിയെന്നും പരാതിക്കാരി വ്യക്തമാക്കി. പീഡിപ്പിച്ചെന്ന പരാതി കെ പി സി സി അധ്യക്ഷന് പൊലീസ് മേധാവിക്ക് കൈമാറിയതോടെ രാഹുലിന്റെ മുന്കൂര് ജാമ്യനീക്കവും പാളുമെന്ന് ഉറപ്പായിരിക്കുകയാണ്. പീഡനക്കേസില് രാഹുലിന്റെ മുന്കൂര് ജാമ്യാപേക്ഷ കോടതി നാളെ പരിഗണിക്കാനിരിക്കെയാണ് മറ്റൊരു…
Read More » -
‘ഹോംസ്റ്റേയിലേക്ക് കൊണ്ടുപോകാന് രാഹുലിനൊപ്പമെത്തിയത് ഫെന്നി നൈനാന്’; തടഞ്ഞച്ചപ്പോള് വിവാഹം കഴിക്കാന് പോകുന്ന ‘കമിതാക്കള്ക്കിടയില്’ ഇതൊക്കെ സ്വാഭാവികമാണെന്ന് പറഞ്ഞുകൊണ്ട് പീഡനം
തിരുവനന്തപുരം: രാഹുല് മാങ്കൂട്ടത്തില് എംഎല്എയ്ക്ക് എതിരേ ഉയര്ന്നിരിക്കുന്ന പുതിയ ലൈംഗികാപവാദത്തില് യുവതിയുടെ പരാതിയില് ഗുരുതര ആരോപണങ്ങള്. 23 കാരിയാണ് പരാതിയുമായി എത്തിയിരിക്കുന്നത്. ഹോംസ്റ്റേയില് ഇട്ടാണ് പീഡിപ്പിച്ചതെന്നും ഹോംസ്റ്റേയിലേക്ക് കൊണ്ടുപോകാന് രാഹുലിനൊപ്പം എത്തിയത് ഫെന്നി നൈനാന് ആണെന്നും പരാതിയില് പറയുന്നു. ഹോംസ്റ്റേയിലേക്ക് കൊണ്ടുപോയി ഒരു മുറിയിലേക്ക് കടന്നപ്പോള് ഒന്നും സംസാരിക്കുകപോലും ചെയ്യാതെ രാഹുല് ബലം പ്രയോഗിച്ച് താനുമായി ശാരീരിക ബന്ധത്തിലേര്പ്പെടാന് ശ്രമിച്ചെന്നും താന് തയ്യാറല്ലെന്നും സമയം ആവശ്യമാണെന്നും വ്യക്തമായി പറഞ്ഞ് എതിര്പ്പറിയിച്ചതോടെ വിവാഹം കഴിക്കാന് പോകുന്ന ‘കമിതാക്കള്ക്കിടയില്’ അത്തരം അടുപ്പം സ്വാഭാവികമാണെന്ന് പറഞ്ഞുകൊണ്ട് രാഹുല് പീഡിപ്പിച്ചെന്നുമാണ് പരാതിയില് പറയുന്നത്. ”രാഹുല് മാങ്കൂട്ടത്തില് എന്ന ലൈംഗിക വേട്ടക്കാരന് തന്റെ രാഷ്ട്രീയ അധികാരം ദുരുപയോഗം ചെയ്ത് യുവതികളെ വശീകരിക്കാനും വഞ്ചിക്കാനും ചൂഷണം ചെയ്യാനും ശ്രമിക്കുന്നു. അയാളുടെ പെരുമാറ്റം പൊതുജന വിശ്വാസത്തിന്മേലുള്ള ഗുരുതരമായ ലംഘനവും തെരഞ്ഞെടുക്കപ്പെട്ട ഒരു പ്രതിനിധിയുടെ ഉത്തരവാദിത്തങ്ങളുമായി പൊരുത്തപ്പെടാത്തതുമാണ്. കേരളത്തിന് പുറത്ത് താമസിക്കുന്ന 23 കാരിയായ അവിവാഹിതയായാണ് ഞാന്. രാഹുല് മാങ്കൂട്ടത്തില് ഉള്പ്പെട്ട ഒരു…
Read More » -
കാറില് ഹോംസ്റ്റേയില് എത്തിച്ചു ബലംപ്രയോഗിച്ചു ; രാഹുല് മാങ്കൂട്ടത്തില് ക്രൂരമായി പീഡിപ്പിച്ചെന്നും ഗര്ഭം ധരിക്കാന് നിര്ബന്ധിച്ചെന്നും ആരോപിച്ച് മറ്റൊരു യുവതിയും ; രാഹുലിനും പ്രിയങ്കയ്ക്കും പരാതി നല്കി
തിരുവനന്തപുരം: ലൈംഗികാപവാദകേസില് രാഹുല് മാങ്കൂട്ടത്തിലിനെ കണ്ടെത്താന് പോലീസ് നെട്ടോട്ടമോടുമ്പോള് പാലക്കാട് എംഎല്എയ്ക്ക് എതിരേ സമാന പരാതിയുമായി മറ്റൊരു യുവതി കൂടി രംഗത്ത് വന്നു. രാഹുല് മാങ്കൂട്ടത്തില് ബലാത്സംഗം ചെയ്തെന്നാണ് പരാതി. രാഹുല് ഗാന്ധിക്കും പ്രിയങ്കാ ഗാന്ധിക്കും കെപിസിസി പ്രസിഡന്റ് സണ്ണി ജോസഫിനും യുവതി പരാതി നല്കി. വിവാഹ വാഗ്ദാനം നല്കി ഹോം സ്റ്റേയില് വിളിച്ചുവരുത്തി രാഹുല് മാങ്കൂട്ടത്തില് ക്രൂരമായി പീഡിപ്പിച്ചെന്ന് യുവതി പരാതിയില് പറയുന്നു. ഗര്ഭം ധരിക്കാന് രാഹുല് നിര്ബന്ധിച്ചു. പൊലീസില് പരാതി നല്കാത്തത് ഭയം കാരണമെന്നും യുവതി പരാതിയില് പറയുന്നു. രാഹുലും സുഹൃത്ത് ഫെന്നി നൈനാനും ചേര്ന്ന് കാറില് ഹോം സ്റ്റേയില് എത്തിച്ചെന്നും ബലംപ്രയോഗിച്ച് പീഡിപ്പിച്ചെന്നും ഇമെയില് മുഖേന യുവതി നേതാക്കള്ക്ക് അയച്ച പരാതിയില് പറയുന്നു. അതേസമയം ലൈംഗിക പീഡന പരാതിയില് രാഹുല് നിലവില് ഒളിവില് തുടരുകയാണ്. രാഹുല് കര്ണാടകയിലുണ്ടെന്നാണ് ഏറ്റവും പുതിയ റിപ്പോര്ട്ടുകള്. മൂന്ന് കാറുകളിലായി കേരളാ അതിര്ത്തിയിലേക്കും പിന്നീട് തമിഴ്നാട്ടിലേക്കും അവിടുന്ന് കര്ണാടത്തിലേക്കും രാഹുല് മാങ്കൂട്ടത്തില് പോയെന്നാണ്…
Read More » -
കള്ളനും പോലീസു ഒളിച്ചുകളിയും തുടരുന്നു; രാഹുല് മാങ്കൂട്ടത്തിലിനെ തൊടാനാകാതെ പോലീസ്; അന്വേഷണ നീക്കങ്ങള് ചോരുന്നുവെന്ന സംശയം ബലപ്പെടുന്നു; തിരച്ചിലിന് പുതിയ സംഘത്തെ നിയോഗിക്കാന് ആലോചന
പാലക്കാട്: ലൈംഗീക പീഡനക്കേസില് ഒളിവില് പോയ രാഹുല് മാങ്കൂട്ടത്തില് എംഎല്എയെ കണ്ടെത്താന് പോലീസ് നടത്തുന്ന തിരച്ചിലും അന്വേഷണവും ഫലം കാണാതെ തുടരുന്നു. രാഹുലിനെ തൊടാനാകാതെ കേരള പോലീസ് വിഷമിക്കുമ്പോള് പോലീസ് നീക്കങ്ങള് ചോരുന്നുവെന്ന സംശയം ബലപ്പെടുന്നു. രാഹുല് മാങ്കൂട്ടത്തിലിന് പോലീസ് അന്വേഷണത്തിന്റെ കാര്യങ്ങള് കൃത്യമായി അപ്ഡേറ്റ് കി്ട്ടുന്നുണ്ടെന്നാണ് പോലീസിലെ ഒരു വിഭാഗം കരുതുന്നത്. ഈ സാഹചര്യത്തില് രാഹുലിനെ കണ്ടെത്താനുള്ള അന്വേഷണ സംഘത്തെ മാറ്റാനുള്ള സാധ്യതയും വര്ധിച്ചു. ഇത്രയും പ്രമുഖനായ ഒരു ജനപ്രതിനിധിക്ക് പോലീസിന്റെ കണ്ണുവെട്ടിച്ച് ഇത്ര ദിവസം ഒളിച്ചു കഴിയാമെങ്കില് അത് കേരളപോലീസിന് നാണക്കേടു തന്നെയാണെന്നും ആക്ഷേപമുയരുന്നുണ്ട്. ഈ സാഹചര്യത്തില് എത്രയും പെട്ടന്ന് രാഹുലിനെ കണ്ടെത്തി കസ്റ്റഡിയിലെടുക്കാന് പോലീസ് തമിഴ്നാട് അതിര്ത്തിഗ്രാമങ്ങളില് തിരച്ചില് ഊര്ജിതമാക്കിയിട്ടുണ്ട്. രാഹുല് മാങ്കൂട്ടത്തില് ഒളിവില് താമസിച്ചത് ബാഗല്ലൂരിലെ റിസോര്ട്ടിലാണെന്ന വിവരം പോലീസിന് ലഭിച്ചതിനെ തുടര്ന്ന് പോലീസ് അങ്ങോട്ട് പാഞ്ഞെത്തുമ്പോഴേക്കും രാാഹുല് റിസോര്ട്ടില് നിന്ന് കടന്നുകളഞ്ഞു. ഇതാണ് പോലീസിനകത്തെ ചാരന്മാരെക്കുറിച്ച് സംശയം വര്ധിക്കാന് കാരണമായിരിക്കുന്നത്. രാഹുല് കര്ണാടകയിലേക്ക്…
Read More » -
ഇ ഡിക്ക് മുന്നില് ഹാജരാകില്ലെന്ന് തോമസ് ഐസക്; വ്യക്തി ഹത്യ നടത്തുന്നുവെന്നും ആരോപണം; നിയമപരമായി നേരിടും; ഇതെല്ലാം ഇഡിയുടെ തെരഞ്ഞെടുപ്പുകാല തന്ത്രം;
പത്തനംതിട്ട: കിഫ്ബി മസാല ബോണ്ട് കേസില് നോട്ടീസ് അയച്ചത് തെരഞ്ഞെടുപ്പ് കാലത്തെ ഇ ഡിയുടെ തന്ത്രമാണെന്നും ഇ ഡിക്കു മുന്നില് ഹാജരാകില്ലെന്നും മുന് ധനമന്ത്രി ഡോ.തോമസ് ഐസക്ക്. തെരഞ്ഞെടുപ്പ് ആയപ്പോള് ഇ ഡി കലാപരിപാടിയുമായി ഇറങ്ങിയിരിക്കയാണെന്നും തോമസ് ഐസക്ക് പറഞ്ഞു. മസാല ബോണ്ട് സംബന്ധിച്ച കേസ് വീണ്ടും കുത്തിപ്പൊക്കിയിരിക്കയാണ് ഇഡി. ആദ്യം നോട്ടീസ് വന്നത് 2020ലെ തദ്ദേശ തെരഞ്ഞെടുപ്പ് കാലത്താണ്. കഴിഞ്ഞ ലോക്സഭാ കാലത്ത് വീണ്ടും നോട്ടീസ് വന്നു. തെരഞ്ഞെടുപ്പ് കാലത്ത് നോട്ടീസ് അയക്കുന്നത് ഇഡിയുടെ പതിവാണ്. ഇപ്പോള് ഈ തദ്ദേശതെരഞ്ഞെടുപ്പ് കാലത്ത് വീണ്ടും നോട്ടീസ് വന്നിരിക്കുന്നു. ബിജെപിക്കും യുഡിഎഫിനും വേണ്ടിയുള്ള ഇഡിയുടെ തന്ത്രമാണിതെന്ന് തോമസ് ഐസക്ക് പറഞ്ഞു. ആദ്യം ഇവരുടെ വാദം മസാല ബോണ്ട് ഇറക്കാന് കിഫ്ബിക്ക് അവകാശമില്ല എന്നായിരുന്നു. എന്നാല് മസാല ബോണ്ടിന് അനുമതി നല്കാന് റിസര്വ് ബാങ്കിനാണ് അവകാശമെന്നതും അതിന് കിഫ്ബിക്ക് അനമുതി നല്കിയെന്നും വ്യക്തമാക്കുന്ന തെളിവ് ലഭിച്ചു. അന്വേഷണത്തിന്റെ ഭാഗമായി തന്നോട് ഹാജരാകാന്…
Read More » -
ആപ്പിള് കേന്ദ്രസര്ക്കാര് തീരുമാനം അംഗീകരിക്കില്ല; സഞ്ചാര് സാഥി ആപ്പില് ആപ്പിലായി ബിജെപി; ബിഗ് ബ്രദറിന് എല്ലാം അറിയാനുള്ള നീക്കമാണെന്നും വിഷയം പാര്ലമെന്റില് ഉന്നയിക്കുമെന്നും കെ.സി.വേണുഗോപാല് എം.പി
ന്യൂഡല്ഹി: കേന്ദ്രസര്ക്കാര് നിര്ബന്ധമാക്കുന്ന സഞ്ചാര് സാഥി ആപ്പില് കേന്ദ്രത്തിനെതിരെ നിലപാട് കടുപ്പിച്ച് ആപ്പിള്. ഐ ഒ എസ് ഇക്കോസിസ്റ്റത്തിന്റെ സുരക്ഷയെ ബാധിക്കുമെന്നും കമ്പനി വ്യക്തമാക്കിയതായി ആപ്പിള് അധികൃതരെ ഉദ്ധരിച്ച് വാര്ത്താ ഏജന്സിയായ റോയിട്ടേഴ്സ് റിപ്പോര്ട്ട് ചെയ്തു പുതിയ ഫോണുകളില് സഞ്ചാര് സാഥി നിര്ബന്ധമാക്കണമെന്ന് കേന്ദ്ര സര്ക്കാര് നിര്ദ്ദേശിച്ചാല് ആപ്പിള് സഹകരിക്കില്ലെന്നും ലോകത്തൊരിടത്തും ഇത്തരം നിര്ദ്ദേശം കമ്പനി അംഗീകരിക്കാറില്ലെന്നതാണ് ആപ്പിളിന്റെ നിലപാടെന്നും റോയിട്ടേഴ്സ് റിപ്പോര്ട്ട് പുറത്തുവന്നു. ഐ ഒ എസ് ഇക്കോസിസ്റ്റത്തിന്റെ സുരക്ഷയെ ബാധിക്കുമെന്നും കമ്പനി വ്യക്തമാക്കിയതായി ആപ്പിള് അധികൃതരെ ഉദ്ധരിച്ച് വാര്ത്താ ഏജന്സിയായ റോയിട്ടേഴ്സ് റിപ്പോര്ട്ട് ചെയ്തു. ഔദ്യോഗിക പ്രതികരണം ഉടന് തന്നെ കേന്ദ്ര സര്ക്കാരിനെ ആപ്പിള് കമ്പനി നേരിട്ടറിയിക്കുമെന്നും റിപ്പോര്ട്ടില് സൂചിപ്പിക്കുന്നു. അതിനിടെ സഞ്ചാര് സാഥി ആപ്പ് വിവാദത്തില് വ്യക്തത വരുത്തി കേന്ദ്രമന്ത്രി ജ്യോതിരാദിത്യ സിന്ധ്യ രംഗത്തെത്തി. ആപ്പ് വേണ്ടെങ്കില് ഉപഭോക്താക്കള്ക്ക് ഡിലീറ്റ് ചെയ്യാമെന്നാണ് മന്ത്രി അറിയിച്ചത്. സൈബര് സുരക്ഷ മുന് നിര്ത്തിയാണ് സഞ്ചാര് സാഥി ആപ്പ്…
Read More »