കോഴിക്കോട്: ചാലിക്കരയില്‍ മിന്നലില്‍ മൂന്നു വീടുകള്‍ക്ക് നാശം സംഭവിച്ചു. കഴിഞ്ഞ ദിവസം വൈകിട്ട് നാലോടെയുണ്ടായ മിന്നലിലാണ് വീടുകൾക്ക് കേടുപാടുകൾ സംഭവിച്ചത്.
കേളോത്ത് ആയിഷ, കേളോത്ത് കുഞ്ഞിക്കലന്തന്‍, കേളോത്ത് ഫൗസിയ എന്നിവരുടെ വീടുകളിലാണ് മിന്നല്‍ നാശം വിതച്ചത്.
വീടിന്റെ മുറ്റത്ത് പാകിയ ഇന്റര്‍ലോക്ക് കട്ടകള്‍ അടക്കം മിന്നലില്‍ ചിതറി. ചുമര്‍ പൊട്ടിക്കീറുകയും ടൈലുകള്‍ ഇളകി ദൂരെ തെറിച്ചുവീഴുകയും ചെയ്തു. വീട്ടിലേക്കുള്ള വഴിയുടെ ഇരുവശവും സ്ഥാപിച്ച ലൈറ്റുകള്‍ പിഴുതുമാറ്റപ്പെട്ട നിലയിലാണ്.കൂടാതെ വീട്ടിലെ വൈദ്യുതി ഉപകരണങ്ങളും നശിച്ചു.
ഈ സമയം വീടുകളിൽ ആളില്ലാത്തതിനാല് വന് ദുരന്തമാണ് ഒഴിവായത്. ലക്ഷങ്ങളുടെ നഷ്ടമാണ് ഓരോ വീട്ടിലും ഉണ്ടായിരിക്കുന്നത്.
