വീട്ടില്‍ സൂക്ഷിച്ചിരുന്ന മാരക മയക്കുമരുന്നായ എംഡിഎംഎയും കഞ്ചാവും വന്‍ ആയുധ ശേഖരവും പോലീസ് പിടികൂടി. ആലപ്പുഴ ഇരവുകാട് ബൈപാസ് ജംഗ്ഷനില്‍ രഞ്ജിത്തിന്‍റെ വീട്ടില്‍ നിന്നാണ് ഇവ പിടികൂടിയത്. ഇന്നലെ രാത്രിയാണ് സംഭവം.
യുവാക്കളുടെ വീടുകള്‍ കേന്ദ്രീകരിച്ച് വില്‍പ്പനയ്‌ക്കെത്തിച്ച മയക്കുമരുന്നാണ് രഹസ്യവിവരത്തെ തുടര്‍ന്ന് കണ്ടെത്തിയത്. പോലീസിനെ കണ്ടതോടെ രഞ്ജിത്ത് ഓടി രക്ഷപ്പെടുകയായിരുന്നു. മയക്കുമരുന്ന് വാങ്ങാനെത്തിയ കുതിരപ്പന്തി, എറണാകുളം സ്വദേശികളായ അജിത്, ദീപക് എന്നിവരെ ആലപ്പുഴ സൗത്ത് പോലീസ് കസ്റ്റഡിയില്‍ എടുത്തു. നിരവധി ക്രിമിനല്‍ കേസുകളിൽ ഉള്‍പ്പെട്ടവരാണ് പ്രതികള്‍.
