യൂട്യൂബ് ചാനലിലൂടെ സ്ത്രീവിരുദ്ധ പരാമർശം നടത്തിയ വ്യക്തിക്കെതിരെ കരിഓയിൽ പ്രയോഗം നടത്തി ഭാഗ്യലക്ഷ്മിയും ദിയാ സനയും ഉൾപ്പെടെയുള്ളവർ .തിരുവനന്തപുരം സ്വദേശി ഡോ വിജയൻ പി നായർക്കെതിരെ ആണ് കരി ഓയിൽ പ്രയോഗം .വിട്രിക്സ് സീൻസ് എന്ന ചാനലിലൂടെ ആണ് ഇയാൾ സ്ത്രീ വിരുദ്ധ പരാമർശം നടത്തിയിരുന്നത് .
തിരുവനന്തപുരത്തെ ഇയാളുടെ ഓഫീസിലാണ് നാടകീയ രംഗങ്ങൾ അരങ്ങേറിയത് .ചാനലിൽ നിന്ന് വീഡിയോ നീക്കം ചെയ്യാനും ആവശ്യം ഉയർന്നിട്ടുണ്ട് .
ഇയാൾക്കെതിരെ പോലീസിലും പരാതി നല്കിയിട്ടുണ്ട് .വനിതാ കമ്മീഷനും പരാതി നൽകി .യൂട്യൂബ് ചാനൽ വഴി ഇയാൾ നിരന്തരം അസഭ്യ പ്രചാരണങ്ങൾ നടത്തുകയായിരുന്നു .സഹികെട്ടാണ് ഭാഗ്യലക്ഷ്മിയും ദിയ സേനയും ഉൾപ്പെടെയുള്ളവർ നേരിട്ടെത്തി ഇയാൾക്ക് നേരെ കരി ഓയിൽ പ്രയോഗം നടത്തിയത് .
