സ്വിഫ്റ്റ് സർവീസ് ഹിറ്റ്; സ്വകാര്യ ബസുകളും യാത്രാനിരക്ക് കുറയ്ക്കുന്നു

തിരുവനന്തപുരം‍: ദീർഘദൂര യാത്രക്കാരെ സ്വകാര്യ ബസുകളുടെ കൊള്ളയില്‍ നിന്ന് രക്ഷിക്കുക എന്ന ലക്ഷ്യത്തോടെയാണ് കെഎസ്‌ആര്‍ടിസിയുടെ ദീര്‍ഘദൂര സര്‍വീസുകള്‍ക്കുള്ള പുതിയ സംരംഭമായ കെ സ്വിഫ്റ്റിന് (ksrtc swift) തുടക്കം കുറിച്ചത്.എന്നാല്‍, സര്‍വീസ് ആരംഭിച്ചതിന് പിന്നാലെ ബസുകള്‍ അപകടത്തില്‍പ്പെടുന്ന വാര്‍ത്തകള്‍ പ്രത്യേകം പൊലിപ്പിച്ച് മാധ്യമങ്ങളില്‍ പ്രത്യക്ഷപ്പെട്ടു.അതുപോലെ ജനങ്ങളിൽ നിന്ന് സ്വിഫ്റ്റ് സർവീസുകളെ അകറ്റുന്ന രീതിയിലുള്ള വാർത്തകളും.ഇതെല്ലാം പെയ്ഡ് ന്യൂസുകളാണെന്നും പിന്നിൽ സ്വകാര്യ ബസ് ലോബിയാണെന്നും കെ സ്വിഫ്റ്റിനെ തകര്‍ക്കാനുള്ള നീക്കമാണ് ഇത്തരം വാര്‍ത്തകള്‍ക്ക് പിന്നിലെന്നും അന്നേ ആരോപണം ഉയർന്നിരുന്നു. ഇപ്പോളിതാ സ്വിഫ്റ്റ് സര്‍വീസുകള്‍ ഫലം കണ്ടുതുടങ്ങിയതിന്റെ ലക്ഷണങ്ങൾ ഒന്നൊന്നായി പുറത്തു വരാൻ തുടങ്ങിയിരിക്കയാണ്.സ്വിഫ്റ്റ് സർവീസ് ആരംഭിച്ചു രണ്ടാം ദിവസം തന്നെ സ്വകാര്യ സര്‍വീസുകളും നിരക്ക് കുറയ്ക്കാന്‍ നിര്‍ബന്ധിതരായിരിക്കയാണ്.