NEWS
സർക്കാരിന് ആശ്വാസം; സിൽവർ ലൈന് എതിരായ ഹർജി സുപ്രീം കോടതി തള്ളി
ന്യൂഡല്ഹി: സില്വര് ലൈന് പദ്ധതിക്കു വേണ്ടി സര്വേ നടത്തുന്നതിനെ ചോദ്യം ചെയ്തു സമര്പ്പിച്ച ഹര്ജി സുപ്രീം കോടതി തള്ളി.
സാമൂഹ്യ ആഘാത പഠനത്തിനായി സര്വേ നടത്തുന്നതില് എന്താണ് തെറ്റെന്ന് കോടതി ആരാഞ്ഞു.ബൃഹത്തായ ഒരു പദ്ധതിയുടെ സര്വേ തടയാനാവില്ലെന്ന് ജസ്റ്റിസ് എം ആര് ഷാ അധ്യക്ഷനായ ബെഞ്ച് വ്യക്തമാക്കി.
പദ്ധതിക്കായി സര്വേ നടത്താന് അനുമതി നല്കിയ ഹൈക്കോടതി വിധിക്കെതിരെ ആലുവ സ്വദേശിയാണ് സുപ്രീംകോടതിയെ സമീപിച്ചത്.ഭൂമിയേറ്റെടുക്കല് നിയമത്തിലെ വ്യവസ്ഥകള് ലംഘിച്ചാണ് സര്വേ നടക്കുന്നതെന്നാണ് ഹര്ജിയില് ചൂണ്ടിക്കാട്ടിയത്.
