എള്ള്, സൗന്ദര്യത്തിനും ആരോഗ്യത്തിനും കേശ സംരക്ഷണത്തിനും ഉറക്കത്തിനും ഉത്തമം

എള്ള്, ആരോഗ്യ സംരക്ഷണത്തിന് മാത്രമല്ല സൗന്ദര്യവും പ്രസരിപ്പും പകരാനും ഉത്തമമെന്ന് പഴമക്കാർ സാക്ഷ്യപ്പെടുത്തുന്നു.
മൃതകോശങ്ങൾ അകറ്റി ചർമ്മത്തിന് തിളക്കം കൂട്ടുന്നു.
ഇതിൽ അടങ്ങിയിട്ടുള്ള സിങ്ക് ചർമ്മസൗന്ദര്യം മെച്ചപ്പെടുത്തുന്നു.
എള്ളെണ്ണ തലയിൽ തേച്ച് മസാജ് ചെയ്ത് അര മണിക്കൂറിന് ശേഷം കഴുകിക്കളയാം. ഇത് മുടി തഴച്ചു വളരാൻ സഹായിക്കുന്നു. ഇരുമ്പിന്റെ അംശം കൂടുതലായതിനാൽ വിളർച്ച തടഞ്ഞ് രക്തപ്രസാദം നൽകി സൗന്ദര്യം പ്രദാനം ചെയ്യാൻ എള്ളിന് സാധിക്കും.

വെളുത്ത എള്ളിനേക്കാൾ തോടോടു കൂടിയ കറുത്ത എള്ളിനാണ് ഔഷധമൂല്യം കൂടുതൽ. ഇതിലെ മഗ്നീഷ്യവും കാൽസ്യവും ചേർന്ന് മാനസിക പിരിമുറുക്കം അകറ്റുന്നു.
നല്ല ഉറക്കം പ്രദാനം ചെയ്യാനുള്ള കഴിവും എള്ളിനുണ്ട്.
പ്രോട്ടീൻ, അയൺ, കോപ്പർ, മാംഗനീസ് ഫോസ്ഫറസ് എന്നിവയാൽ സമ്പന്നമാണ് എള്ള്.
ഒരു ഗ്ലാസ് പാലിൽ ഉള്ളതിനേക്കാൾ കൂടുതൽ കാൽസ്യം ഒരു പിടി എള്ളിൽ ഉണ്ടെന്ന് അറിയുക.