ഇടുക്കി: മൂന്നാറിൽ വിനോദസഞ്ചാരികളുടെ കാർ 150 അടിയോളം താഴ്ചയുള്ള തേയിലത്തോട്ടത്തിലേക്കു മറിഞ്ഞ് ഗുരുവായൂർ സ്വദേശിയായ യുവാവ് മരിച്ചു.
പേരകം പള്ളിക്കു സമീപം തെക്കേ പുരയ്ക്കൽ കേശവന്റെ മകൻ വിനോദ് കണ്ണനാണ് (47) മരിച്ചത്. ഒപ്പമുണ്ടായിരുന്ന മൂന്നു പേർക്കു പരുക്കേറ്റു. ഇവരെ സ്വകാര്യ ആശുപത്രിയിൽ പ്രവേശിപ്പിച്ചു. മൂന്നാറിൽ നിന്ന് സൂര്യനെല്ലിയിലേക്കു പോകുമ്പോൾ ലോക്കാട് ഗ്യാപ്പിനു സമീപമാണ് അപകടം നടന്നത്. നിയന്ത്രണം വിട്ട കാർ 150 അടി താഴ്ചയിലേക്ക് മറിയുകയായിരുന്നു.
