ദിൽജിത് എന്ന നാണംകുണുങ്ങി ചെറുപ്പക്കാരനെ ജോലിക്കായി അഭിമുഖം നടത്തുന്നത് ഓർമയുണ്ട്. അഭിമുഖത്തിന്റെ ഔദ്യോഗിക ചോദ്യങ്ങളോട് വളരെ നിഷ്കളങ്കമായാണ് ആ ചെറുപ്പക്കാരൻ പ്രതികരിച്ചത്. ജൂനിയർ, സീനിയർ വ്യത്യാസമില്ലാതെ ദിൽജിത്തിനെ കൈരളി തൃശ്ശൂർ ബ്യൂറോ തലവൻ ആക്കിയത് മികവ് കൊണ്ട് തന്നെയാണ്. വിഷയങ്ങൾ ആഴത്തിൽ പഠിക്കും, റിപ്പോർട്ടിങ്ങിലും തനതായ ശൈലിയുണ്ട്.
വ്യക്തിപരമായ കാരണങ്ങൾ കൊണ്ടാണ് ദിൽജിത് കൈരളി വിട്ടുപോയത്. ഒരു ഇടവേളക്ക് ശേഷം മറ്റൊരു വാർത്താമാധ്യമത്തിൽ ജോലിക്ക് കയറി എന്നും അറിഞ്ഞു.
പക്ഷെ ഇത് വല്ലാത്ത ഷോക്ക് ആയിപ്പോയി. കൈരളി കുടുംബം ദിൽജിത്തിനെ എന്നുമോർക്കും. ആദരാഞ്ജലികൾ
