റഷ്യന് മോഡല് നിരീക്ഷണം? സ്മാര്ട്ട് ഫോണുകളില് ആധാര് ആപ്പ് മുന്കൂട്ടി ഇന്സ്റ്റാള് ചെയ്യണമെന്ന് മോദി സര്ക്കാരിന്റെ രഹസ്യ നിര്ദേശം; കടുത്ത എതിര്പ്പുമായി കമ്പനികള്; നല്കിയത് ആറ് ആപ്പുകളുടെ പട്ടിക; ഇ-മെയില് സന്ദേശങ്ങള് പുറത്ത്
ആധാര് ആപ്പിന്റെ പുതിയ പതിപ്പ് മുന്കൂട്ടി ഇന്സ്റ്റാള് ചെയ്യുന്നതിനെക്കുറിച്ച് ഗൂഗിള്, ആപ്പിള്, പ്രമുഖ സ്മാര്ട്ട്ഫോണ് നിര്മ്മാതാക്കള് എന്നിവരുമായി ചര്ച്ച നടത്താന് ആധാര് അതോറിറ്റിയായ യുഐഡിഎഐ (UIDAI) ജനുവരിയില് ഐടി മന്ത്രാലയത്തോട് ആവശ്യപ്പെട്ടിരുന്നെന്ന് ജനുവരി 13-ന് മെയ്റ്റ് അയച്ച ഇമെയിലുകളില് വ്യക്തമാക്കുന്നു.
ന്യൂഡല്ഹി: ആപ്പിള്, സാംസങ്, ഗൂഗിള് തുടങ്ങിയ കമ്പനികള് തങ്ങളുടെ ഫോണുകളില് ബയോമെട്രിക് തിരിച്ചറിയല് ആപ്പായ ആധാര് മുന്കൂട്ടി ഇന്സ്റ്റാള് ചെയ്യണമെന്ന് ഇന്ത്യയുടെ രഹസ്യ നിര്ദേശത്തിനു തിരിച്ചടി. എന്നാല്, സ്മാര്ട്ട് ഫോണ് വമ്പന്മാര് ഇതു തള്ളിയെന്നു ചൂണ്ടിക്കാട്ടുന്ന കത്തുകള് പുറത്ത്. ആധാര് ഉള്പ്പെടെയുള്ള ആറ് സര്ക്കാര് ആപ്പുകള് മുന്കൂട്ടി ഇന്സ്റ്റാള് ചെയ്യണമെന്നു നിര്ദേശിച്ചെന്നും സൂചനയുണ്ട്.
സര്ക്കാര് നടത്തുന്ന ആപ്പുകള് മുന്കൂട്ടി ലോഡ് ചെയ്യുന്നതിനെച്ചൊല്ലിയുള്ള തര്ക്കം പ്രധാനമന്ത്രി നരേന്ദ്ര മോദിയുടെ സര്ക്കാരും ടെക് കമ്പനികളും തമ്മിലുള്ള തര്ക്കമായി മാറിയിട്ടുണ്ട്. ഇന്ത്യന് ഐടി വ്യവസായ സംഘടനയായ മെയ്റ്റ് (MAIT) എതിര്ത്ത ആറ് ആവശ്യങ്ങളില് ഒന്നാണ് ആധാര് സംബന്ധിച്ച സര്ക്കാര് അഭ്യര്ഥനയെന്ന് രാജ്യാന്തര വാര്ത്താ ഏജന്സികള് റിപ്പോര്ട്ട് ചെയ്തു.
വ്യക്തികളുടെ വിരലടയാളവുമായും ഐറിസ് സ്കാനു (കൃഷ്ണമണി)മായും ബന്ധിപ്പിച്ചിട്ടുള്ള 12 അക്കങ്ങളുള്ള സവിശേഷ തിരിച്ചറിയല് നമ്പറാണ് ആധാര്. ഏകദേശം 1.34 ബില്യണ് നിവാസികള്ക്ക് ഇത് നിലവിലുണ്ട്. ബാങ്കിംഗ്, ടെലികോം സേവനങ്ങളിലെ വെരിഫിക്കേഷനും വിമാനത്താവളങ്ങളിലെ വേഗത്തിലുള്ള പ്രവേശനത്തിനും ഇത് വ്യാപകമായി ഉപയോഗിക്കുന്നു. ഈ സംവിധാനം സുരക്ഷിതമാണെന്ന് സര്ക്കാര് അവകാശപ്പെടുമ്പോഴും, ദശലക്ഷക്കണക്കിന് ആളുകളുടെ വ്യക്തിഗത വിവരങ്ങള് ഡാര്ക്ക് വെബില് പ്രത്യക്ഷപ്പെട്ട ഡാറ്റാ ചോര്ച്ചകള് ഉള്പ്പെടെയുള്ള കാര്യങ്ങള് ചൂണ്ടിക്കാട്ടി സ്വകാര്യതാ വാദികള് ഇതിനെ നിരന്തരം വിമര്ശിക്കുന്നുണ്ട്.
കമ്പനികളുടെ എതിര്പ്പ്
ആധാര് ആപ്പിന്റെ പുതിയ പതിപ്പ് മുന്കൂട്ടി ഇന്സ്റ്റാള് ചെയ്യുന്നതിനെക്കുറിച്ച് ഗൂഗിള്, ആപ്പിള്, പ്രമുഖ സ്മാര്ട്ട്ഫോണ് നിര്മ്മാതാക്കള് എന്നിവരുമായി ചര്ച്ച നടത്താന് ആധാര് അതോറിറ്റിയായ യുഐഡിഎഐ (UIDAI) ജനുവരിയില് ഐടി മന്ത്രാലയത്തോട് ആവശ്യപ്പെട്ടിരുന്നെന്ന് ജനുവരി 13-ന് മെയ്റ്റ് അയച്ച ഇമെയിലുകളില് വ്യക്തമാക്കുന്നു.
ഇതൊരു നേരിട്ടുള്ള ഉത്തരവല്ലെങ്കിലും, ആപ്പുകള് മുന്കൂട്ടി ഇന്സ്റ്റാള് ചെയ്യുന്നത് ഉല്പ്പാദനച്ചെലവ് വര്ദ്ധിപ്പിക്കുമെന്നും ഉപയോക്താക്കള്ക്ക് പ്രവര്ത്തനപരമായ പ്രശ്നങ്ങള് ഉണ്ടാക്കാന് സാധ്യതയുണ്ടെന്നും കമ്പനികള് വിയോജിപ്പ് പ്രകടിപ്പിച്ചതായി മെയ്റ്റ് രേഖകള് പറയുന്നു. സുരക്ഷയെക്കുറിച്ചുള്ള ചോദ്യങ്ങള് കാരണം ആപ്പിളും സാംസങ്ങും ഈ നിര്ദ്ദേശത്തില് പ്രത്യേകം ആശങ്ക പ്രകടിപ്പിച്ചതായി രണ്ട് വ്യവസായ വൃത്തങ്ങള് പറഞ്ഞു.
മുന്കൂട്ടി ഇന്സ്റ്റാള് ചെയ്യുന്നത് പൗരന്മാര്ക്ക് ‘പ്രത്യേകം ഡൗണ്ലോഡ് ചെയ്യാതെ തന്നെ അവശ്യ ആധാര് സേവനങ്ങള് എളുപ്പത്തില് ലഭ്യമാക്കാന്’ സഹായിക്കുമെന്നും അതിന്റെ ‘വ്യാപ്തിയും ലഭ്യതയും വര്ദ്ധിപ്പിക്കുമെന്നും’ യുഐഡിഎഐ വിശ്വസിച്ചതായി ജനുവരിയില് മെയ്റ്റ് അംഗങ്ങള്ക്ക് അയച്ച ഇമെയിലില് പറയുന്നു.
എന്നിരുന്നാലും, ആപ്പ് മുന്കൂട്ടി ഇന്സ്റ്റാള് ചെയ്യുന്നത് ‘കൂടുതല് പൊതുനന്മയ്ക്ക് കാരണമാകില്ല’ എന്നും, ഇത്തരം നിബന്ധനകള് കമ്പനികള്ക്ക് ഇന്ത്യയ്ക്കും കയറ്റുമതി വിപണികള്ക്കുമായി വെവ്വേറെ ഉല്പ്പാദന ലൈനുകള് നിലനിര്ത്തേണ്ടി വരുമെന്നും മെയ്റ്റ് അംഗ കമ്പനികള് അഭിപ്രായപ്പെട്ടതായി ജനുവരിയിലെ ഒരു രേഖ കാണിക്കുന്നു. റഷ്യയല്ലാതെ മറ്റൊരു രാജ്യവും മൊബൈല് ഫോണുകളില് സര്ക്കാര് ആപ്പുകള് മുന്കൂട്ടി ഇന്സ്റ്റാള് ചെയ്യാന് നിര്ബന്ധിക്കുന്നില്ലെന്നും സംഘടന വാദിച്ചു.
ജനുവരിയില് പുറത്തിറക്കിയ പുതിയ ആധാര് ആപ്പ്, ഉപയോക്താക്കളെ അവരുടെ വ്യക്തിഗത വിവരങ്ങള് അപ്ഡേറ്റ് ചെയ്യാനും കുടുംബാംഗങ്ങളുടെ പ്രൊഫൈലുകള് നിയന്ത്രിക്കാനും ദുരുപയോഗം തടയുന്നതിനായി ബയോമെട്രിക് വിവരങ്ങള് ലോക്ക് ചെയ്യാനും അനുവദിക്കുന്നു.
മുന്കൂട്ടി ഇന്സ്റ്റാള് ചെയ്യാനുള്ള നിര്ദ്ദേശം ‘സ്മാര്ട്ട്ഫോണ് ഉപയോഗം തുടക്കം മുതല് തന്നെ നിയന്ത്രിക്കാനുള്ള സര്ക്കാരിന്റെ വലിയ ആഗ്രഹം കാണിക്കുന്നു’ എന്ന് ന്യൂഡല്ഹി ആസ്ഥാനമായുള്ള ഡിജിറ്റല് അഡ്വക്കസി ഗ്രൂപ്പായ ഇന്റര്നെറ്റ് ഫ്രീഡം ഫൗണ്ടേഷന്റെ സ്ഥാപകന് അപര് ഗുപ്ത പറഞ്ഞു. സര്ക്കാര് ഈ നിര്ദ്ദേശവുമായി ഇപ്പോഴും മുന്നോട്ട് പോകുന്നുണ്ടോ അതോ അത് ഉപേക്ഷിച്ചോ എന്ന് വ്യക്തമല്ല. യുഐഡിഎഐ സിഇഒ ഭുവനേഷ് കുമാര്, ഇന്ത്യയുടെ ഐടി മന്ത്രാലയം, ഗൂഗിള് എന്നിവരും വിഷയത്തില് പ്രതികരിച്ചില്ല.
നേരത്തെ തന്നെ തര്ക്കവിഷയം
ഡിസംബറില്, സ്മാര്ട്ട്ഫോണ് നിര്മാതാക്കള് ടെലികോം സുരക്ഷാ ആപ്പ് മുന്കൂട്ടി ഇന്സ്റ്റാള് ചെയ്യണമെന്ന ഉത്തരവ് പുറപ്പെടുവിച്ചതിന് പിന്നാലെ പ്രതിപക്ഷ പാര്ട്ടികളില് നിന്നും പ്രവര്ത്തകരില് നിന്നും മോദി സര്ക്കാര് വിമര്ശനം നേരിട്ടിരുന്നു. ദിവസങ്ങള്ക്കുള്ളില് സര്ക്കാര് ആ തീരുമാനം പിന്വലിച്ചു.
പുതിയ നിര്ദ്ദേശത്തെക്കുറിച്ചുള്ള കത്തുകളില് കേന്ദ്ര സര്ക്കാരിന്റെ ആപ്പ് പ്രീ-ഇന്സ്റ്റാളേഷന് അഭ്യര്ത്ഥനകള്ക്കെതിരെ സ്മാര്ട്ട്ഫോണ് കമ്പനികള്ക്കിടയില് വര്ദ്ധിച്ചുവരുന്ന അതൃപ്തി കാണിക്കുന്നു. ദുരന്ത മുന്നറിയിപ്പ് സേവനമായ ‘സചേത്’ (Sachet) എന്ന മറ്റൊരു ആപ്പ് കൂടി മുന്കൂട്ടി ഇന്സ്റ്റാള് ചെയ്യാനുള്ള സര്ക്കാരിന്റെ അഭ്യര്ത്ഥനയെ എതിര്ത്തുകൊണ്ട് മാര്ച്ച് 10-ന് മെയ്റ്റ് ഐടി മന്ത്രാലയ ഉദ്യോഗസ്ഥന് രവീന്ദര് കുമാര് മീണയ്ക്ക് കത്തെഴുതിയിരുന്നു. ‘ഓരോ സന്ദര്ഭത്തിലും മുന്കൂട്ടി ഇന്സ്റ്റാള് ചെയ്യുന്നതിനെതിരെയുള്ള കമ്പനികള് ഉറച്ചു നില്ക്കുന്നെന്ന് എന്ന് മെയ്റ്റ്’ പറഞ്ഞു.
#aadhaar, #apple, #samsung, #google, #smartphonenews, #privacy, #datasecurity, #modigovernment, #techcontroversy, #digitalindia, #breakingnews, #malayalamnews, #dailyhuntupdate, #itindustry, #uidai Govt proposal to pre-install Aadhaar app on smartphones, Apple Samsung oppose Aadhaar pre-loading India, UIDAI Aadhaar app auto-install controversy, Privacy concerns over government apps in India, MAIT letter against Aadhaar app mandate, Smartphone production costs India export market, Aadhaar data security issues dark web, New Aadhaar app features January 2026, Sachet disaster alert app pre-installation news, Digital advocacy Internet Freedom Foundation India.
