​മാധ്യ​മ​പ്ര​വ​ര്‍​ത്ത​ക​നും വി​വ​രാ​വ​കാ​ശ പ്രവർത്തകനു​മാ​യ യു​വാ​വി​ന്‍റെ മൃ​ത​ദേ​ഹം ക​ത്തി​ക്ക​രി​ഞ്ഞ നി​ല​യി​ല്‍

ബി​ഹാ​റി​ല്‍ ക​ഴി​ഞ്ഞ ദി​വ​സം ത​ട്ടി​ക്കൊ​ണ്ടു​പോ​ക​പ്പെ​ട്ട മാ​ധ്യ​മ​പ്ര​വ​ര്‍​ത്ത​ക​നും വി​വ​രാ​വ​കാ​ശ ആ​ക്ടി​വി​സ്റ്റു​മാ​യ യു​വാ​വി​ന്‍റെ മൃ​ത​ദേ​ഹം ക​ത്തി​ക്ക​രി​ഞ്ഞ നി​ല​യി​ല്‍ ക​ണ്ടെ​ത്തി. ബി​ഹാ​റി​ലെ മ​ധു​ബ​നി ജി​ല്ല​യി​ലാ​ണ് സം​ഭ​വം. പ്രാ​ദേ​ശി​ക വാ​ര്‍​ത്ത പോ​ര്‍​ട്ട​ല്‍ ന​ട​ത്തു​ന്ന ബു​ദ്ധി​നാ​ഥ് ഝാ(22) ​എ​ന്ന​യാ​ളാ​ണ് കൊ​ല്ല​പ്പെ​ട്ട​ത്.

മേ​ഖ​ല​യി​ല്‍ പ്ര​വ​ര്‍​ത്തി​ക്കു​ന്ന വ്യാ​ജ ക്ലി​നി​ക്കു​ക​ളെ കു​റി​ച്ച് ബു​ദ്ധി​നാ​ഥ് റി​പ്പോ​ര്‍​ട്ട് ചെ​യ്തി​രു​ന്നു. ഇ​തി​നെ​ക്കു​റി​ച്ച് ഫേ​സ്ബു​ക്കി​ല്‍ പോ​സ്റ്റി​ട്ട് ര​ണ്ടു​ദി​വ​സ​ങ്ങ​ള്‍​ക്കു ശേ​ഷ​മാ​ണ് ഇ​യാ​ളെ കാ​ണാ​താ​യ​ത്. ബു​ദ്ധി​നാ​ഥി​ന്‍റെ റി​പ്പോ​ര്‍​ട്ടു​ക​ളു​ടെ അ​ടി​സ്ഥാ​ന​ത്തി​ല്‍ വ്യാ​ജ ക്ലിനി​ക്കു​ക​ള്‍ അ​ട​ച്ചു​പൂ​ട്ടു​ക​യും ചി​ല​തി​ന് വ​ന്‍ പി​ഴ ചു​മ​ത്തു​ക​യും ചെ​യ്തി​രു​ന്നു.

ഇ​ത്ത​രം റി​പ്പോ​ര്‍​ട്ടു​ക​ള്‍ ചെ​യ്യ​രു​ത് എ​ന്നാ​വ​ശ്യ​പ്പെ​ട്ട് ല​ക്ഷ​ങ്ങ​ള്‍ കൈ​ക്കൂ​ലി വാ​ഗ്ദാ​നം ചെ​യ്തും ഭീ​ഷ​ണി​പ്പെ​ടു​ത്തി​യും ആ​ളു​ക​ള്‍ ബു​ദ്ധി​നാ​ഥി​നെ സ​മീ​പി​ച്ചി​രു​ന്നു. എ​ന്നാ​ല്‍ ഇ​വ​യൊ​ന്നും ബു​ദ്ധി​നാ​ഥി​നെ പി​ന്തി​രി​പ്പി​ച്ചി​ല്ല.

തു​ട​ര്‍​ന്ന് ചൊ​വ്വാ​ഴ്ച രാ​ത്രി​യാ​ണ് ബേ​നി​പാ​ട്ടി​യി​ലെ വീ​ട്ടി​ല്‍ നി​ന്നും ബു​ദ്ധി​നാ​ഥി​നെ കാ​ണാ​താ​യ​ത്. പോ​ലീ​സ് സ്റ്റേ​ഷ​ന്‍റെ 400 മീ​റ്റ​ര്‍ അ​ക​ലെ​യാ​ണ് അ​ദ്ദേ​ഹം താ​മ​സി​ച്ചി​രു​ന്ന​ത്.

ബ​ന്ധു​ക്ക​ള്‍ പോ​ലീ​സി​ല്‍ പ​രാ​തി ന​ല്‍​കി​യി​രു​ന്നെ​ങ്കി​ലും അ​ദ്ദേ​ഹ​ത്തെ ക​ണ്ടെ​ത്താ​നാ​യി​ല്ല. മൊ​ബൈ​ല്‍​ഫോ​ണും ഓ​ഫാ​യ നി​ല​യി​ലാ​യി​രു​ന്നു. തു​ട​ര്‍​ന്ന് വെ​ള്ളി​യാ​ഴ്ച​യാ​ണ് ബു​ദ്ധി​നാ​ഥി​ന്‍റേ​തെ​ന്ന് ക​രു​തു​ന്ന മൃ​ത​ദേ​ഹം ക​ണ്ടെ​ത്തി​യെ​ന്ന വി​വ​രം ബ​ന്ധു​ക്ക​ള്‍​ക്ക് ല​ഭി​ച്ച​ത്.

ക​ത്തി​ക്ക​രി​ഞ്ഞ നി​ല​യി​ലു​ള്ള മൃ​ത​ദേ​ഹം റോ​ഡ​രി​കി​ൽ ത​ള്ളി​യ നി​ല​യി​ലാ​യി​രു​ന്നു. പോ​സ്റ്റു​മോ​ർ​ട്ട​ത്തി​ന് ശേ​ഷം മൃ​ത​ദേ​ഹം ശ​നി​യാ​ഴ്ച സം​സ്ക​രി​ച്ചു.