സുന്ദര് സി പിന്മാറിയ ഒഴിവില് വരുന്നത് ധനുഷോ? രജനികാന്തിന്റെ ‘തലൈവര് 173’ യുവനടന് സംവിധാനം ചെയ്തേക്കും ; കമല് ഹാസന്റെ രാജ് കമല് ഫിലിംസ് ഇന്റര്നാഷണലാണ് ഈ ചിത്രം നിര്മ്മിക്കുന്നത്
സംവിധായകന് സുന്ദര് സി അപ്രതീക്ഷിതമായി പിന്മാറിയതിനെത്തുടര്ന്ന് രജനികാന്തിന്റെ ‘തലൈവര് 173’ എന്ന ചിത്രം അടുത്തിടെ ശ്രദ്ധ നേടിയിരുന്നു. ഇപ്പോഴിതാ, രജനികാന്തിന്റെ മരുമകനും ചലച്ചിത്ര നിര്മ്മാതാവുമായ ധനുഷ് ഈ ചിത്രം സംവിധാനം ചെയ്യാന് സാധ്യതയുണ്ടെന്നാണ് അഭ്യൂഹം. കമല് ഹാസന്റെ രാജ് കമല് ഫിലിംസ് ഇന്റര്നാഷണലാണ് ഈ ചിത്രം നിര്മ്മിക്കുന്നത്.
സിനിമ സംവിധാനം ചെയ്യാന് ധനുഷുമായി ചര്ച്ചകള് നടക്കുന്നുണ്ടെന്നാണ്. ഒന്നും സ്ഥിരീകരിച്ചിട്ടില്ലെങ്കിലും, ഈ വാര്ത്ത ആരാധകരെ ആവേശത്തിലാക്കിയിട്ടുണ്ട്. ‘തലൈവര് 173’ല് നിന്ന് സുന്ദര് സി പിന്മാറിയതിനെക്കുറിച്ച് റിപ്പോര്ട്ടര്മാരോട് സംസാരിക്കവെ കമല് ഹാസന് പ്രതികരിച്ചു. ‘പദ്ധതിയില് നിന്ന് പിന്മാറാനുള്ള കാരണം സുന്ദര് സി ഒരു പത്രക്കുറിപ്പിലൂടെ വിശദീകരിച്ചിട്ടുണ്ട്. അതിനോട് എനിക്ക് ഒന്നും കൂട്ടിച്ചേര്ക്കാനില്ല,’ അദ്ദേഹം പറഞ്ഞു. ഒരു നിര്മ്മാതാവ് എന്ന നിലയില്, തന്റെ താരമായ രജനികാന്തിനെ തൃപ്തിപ്പെടുത്തുന്ന ഒരു കഥ കണ്ടെത്തുകയാണ് തന്റെ ജോലിയെന്നും അദ്ദേഹം കൂട്ടിച്ചേര്ത്തു. ‘എന്റെ താരം തിരക്കഥയില് തൃപ്തനാകുന്നത് വരെ ഞങ്ങള് അതിനായി തിരച്ചില് തുടരും. നിലവില് ഒരു മികച്ച തിരക്കഥ അന്തിമമാക്കുന്ന പ്രക്രിയയിലാണ് ഞങ്ങള്,’ അദ്ദേഹം പറഞ്ഞു. ഒരു യുവ സംവിധായകനെ കൊണ്ടുവരുന്നതിനെക്കുറിച്ചും ആലോചിക്കുമെന്ന് കമല് ഹാസന് സൂചിപ്പിച്ചു.
അതേസമയം, ഏതാനും ദിവസങ്ങള്ക്ക് മുമ്പ് സംവിധായകന് സുന്ദര് സി ചിത്രത്തില് നിന്ന് പിന്മാറുന്നതായി പ്രഖ്യാപിച്ചു. അപ്രതീക്ഷിതവും ഒഴിവാക്കാനാകാത്തതുമായ സാഹചര്യങ്ങളാണ് തന്റെ തീരുമാനത്തിന് കാരണമായി അദ്ദേഹം ചൂണ്ടിക്കാട്ടിയത്.
രജനികാന്തിനും കമല് ഹാസനുമൊപ്പം പ്രവര്ത്തിക്കുക എന്നത് തനിക്ക് ഒരു സ്വപ്നം യാഥാര്ത്ഥ്യമാകുന്നതിന് തുല്യമായിരുന്നു വെന്നും അദ്ദേഹം പറഞ്ഞു. ‘ഈ രണ്ട് ഇതിഹാസങ്ങളുമായുള്ള എന്റെ ബന്ധത്തിന് വളരെ പഴക്കമുണ്ട്, ഞാന് എപ്പോഴും അവരെ ഏറ്റവും വലിയ ആദരവോടെ കാണും,’ സുന്ദര് സി പറഞ്ഞു. ഈ വലിയ പ്രോജക്റ്റിനായി എന്നെ പരിഗണിച്ചതിന് ഞാന് എന്റെ ഹൃദയത്തിന്റെ അടിത്തട്ടില് നിന്ന് അവര്ക്ക് നന്ദി പറയുന്നു. ഈ വാര്ത്തയെ ആകാംഷയോടെ പ്രതീക്ഷിച്ചിരുന്നവരെ നിരാശപ്പെടുത്തിയെങ്കില് എന്റെ ആത്മാര്ത്ഥമായ ക്ഷമാപണം സ്വീകരിക്കുക.’
നവംബറില് ഹാസന്റെ പ്രൊഡക്ഷന് ഹൗസ് ഈ പ്രഖ്യാപനം നടത്തുകയും ചിത്രം 2027-ലെ പൊങ്കലിന് ഗംഭീര റിലീസായി തിയേറ്ററുകളില് എത്തുമെന്ന് വെളിപ്പെടുത്തുകയും ചെയ്തിരുന്നു. സുന്ദര് സി മുമ്പ് 1997-ല് രജനികാന്തിന്റെ ‘അരുണാചലം’, 2003-ല് കമല് ഹാസന്റെ ‘അന്പേ ശിവം’ എന്നീ ചിത്രങ്ങള് സംവിധാനം ചെയ്തിട്ടുണ്ട്.
