സ്വന്തം നഗ്നത മറച്ചു പിടിക്കാന് മറ്റുള്ളവരുടെ ഉടുതുണി പറിച്ചെടുക്കുന്നു ; പേരും ചിത്രവും വെച്ച് അപമാനിക്കാന് ശ്രമിച്ചവര്ക്കെതിരേ മുഖ്യമന്ത്രിക്കും പോലീസിനും പരാതി നല്കുമെന്ന് ഷൈന് ടീച്ചര്
കൊച്ചി: തന്റെ പേരും ചിത്രവും വെച്ച് അപമാനിക്കാന് ശ്രമിച്ചവര്ക്കെതിരേ മുഖ്യമന്ത്രിക്കും വനിതാകമ്മീഷനും പോലീസിനും പരാതി നല്കുമെന്ന് ലോക്സഭാ തെരഞ്ഞെടുപ്പില് എല്ഡിഎഫ് സ്ഥാനാര്ത്ഥിയായി മത്സരിച്ച സിപിഐഎം നേതാവും അധ്യാപികയുമായ കെ ജെ ഷൈന് ടീച്ചര്. തന്നെ അപമാനിക്കാന് ശ്രമിച്ച വലതുപക്ഷ സാമൂഹ്യ മാധ്യമ ഹാന്ഡിലുകള്ക്കും മാധ്യമങ്ങള്ക്കും എതിരെ ശേഖരിച്ചിട്ടുള്ള എല്ലാ തെളിവുകളും സഹിതം മുഖ്യമന്ത്രി, സംസ്ഥാന പോലീസ് മേധാവി, സംസ്ഥാന വനിതാ കമ്മീഷന് എന്നിവര്ക്ക് പരാതി നല്കുകയാണെന്നും പറഞ്ഞു. ഫേസ്ബുക്കില് ഇട്ട കുറിപ്പിലാണ് ഇക്കാര്യം വ്യക്തമാക്കിയിരിക്കുന്നത്.
പൊതുപ്രവര്ത്തനം നടത്തുന്നത് സ്ത്രീകളുടെ കൂടി അവകാശമാണെന്ന ബോധ്യം വരുന്ന തരത്തില് പൊതുസമൂഹവും ഭരണകൂടവും വേണ്ട ഇടപെടല് നടത്തുമെന്ന വിശ്വാസം ഉണ്ടെന്നും സ്വന്തം നഗ്നത മറച്ചു പിടിക്കാന് മറ്റുള്ളവരുടെ ഉടുതുണി പറിച്ചെടുക്കുന്ന രാഷ്ട്രീയ പാപ്പരത്തം അവസാനിപ്പിക്കാന് ഇതിനു പിന്നില് പ്രവര്ത്തിച്ചവര് തയ്യാറാവണമെന്നും പറഞ്ഞു.
ആന്തരിക ജീര്ണ്ണതകള് മൂലം കേരള സമൂഹത്തിന് മുന്നില് തല ഉയര്ത്താനാവാത്ത വലതുപക്ഷ രാഷ്ട്രീയത്തെ രക്ഷിക്കാനായി തന്റെ പേരും ചിത്രവും വെച്ച് അപമാനിക്കാന് ശ്രമിക്കുകയാണെന്നും പറഞ്ഞു. ഒരു കാരണവശാലും പൊതു പ്രവര്ത്തനരംഗത്ത് നില്ക്കുന്ന ഒരു സ്ത്രീയും ഭയപ്പെടരുതെന്നും എത്രയോ പ്രയാസങ്ങളും അപവാദ പ്രചരണങ്ങളും നേരിട്ടവരാണ് നമ്മുക്ക് മുമ്പേ സഞ്ചരിച്ചവരെന്നും ഈ സാഹചര്യവും നാമൊരുമിച്ച് നേരിടണമെന്നും മുന്നേറണമെന്നും കുറിപ്പില് പറയുന്നു.
