കൊച്ചി: ആലപ്പുഴ വഴി സര്വീസ് നടത്തുന്നവന്ദേഭാരത്എക്സ്പ്രസില് തത്സമയ റിസര്വേഷന് ആരംഭിച്ച്റെയില്വേ. തിരുവനന്തപുരം- മംഗളൂരു, മംഗളൂരു- തിരുവനന്തപുരം ട്രെയിനുകളിലാണ് ഈ സൗകര്യമുള്ളത്. സ്റ്റേഷന് കൗണ്ടറില് നിന്നോ ഓണ്ലൈന് ആയോ ടിക്കറ്റ് ബുക്ക് ചെയ്യാം.
തെരഞ്ഞെടുത്ത വന്ദേഭാരത് ട്രെയിനുകളില് തത്സമയ റിസര്വേഷന് സൗകര്യം അനുവദിക്കുമെന്ന് ദക്ഷിണ റെയില്വേ നേരത്തെ അറിയിച്ചിരുന്നു. ഇതിന്റെ ഭാഗമായാണ് കേരളത്തില് ആലപ്പുഴ വഴിയുള്ള വന്ദേഭാരതില് തത്സമയ റിസര്വേഷന് തുടങ്ങിയത്. സീറ്റ് ഒഴിവുണ്ടെങ്കിലും ട്രെയിന് ആദ്യ സ്റ്റേഷന് വിട്ടുകഴിഞ്ഞാല് ടിക്കറ്റ് ബുക്ക് ചെയ്യാന് ഇതുവരെ കഴിയുമായിരുന്നില്ല.
സ്റ്റേഷനുകളില് ട്രെയിന് എത്തുന്നതിന് 15 മിനിറ്റ് മുമ്പ് വരെ ഇനി കറന്റ് റിസര്വേഷന് ലഭ്യമാകും. ചെന്നൈ- നാഗര്കോവില്, നാഗര്കോവില്-ചെന്നൈ, കോയമ്പത്തൂര്-ബംഗലൂരു, മംഗളൂരു- മഡ്ഗാവ്, മധുര -ബംഗലൂരു, ചെന്നൈ- വിജയവാഡ വന്ദേഭാരത് ട്രെയിനുകളിലും സമാന രീതിയില് ടിക്കറ്റ് ബുക്ക് ചെയ്യാവുന്നതാണ്.
