പത്തനംതിട്ട: കണ്ടക്ടറില്ലാതെ KSRTC ബസ് ഓടിയത് 5 കിലോമീറ്റര്. പത്തനംതിട്ട കരിമാന്തോട്ടില് നിന്നും തിരുവനന്തപുരത്തേക്ക് പോയ ഫാസ്റ്റ് പാസഞ്ചര് ബസിലാണ് സംഭവം.
ബസ് പുനലൂര് സ്റ്റാന്ഡില് എത്തിയപ്പോഴാണ് യാത്രക്കാരില് ആരോ ഡബിള് ബെല്ലടിച്ചത്, ശേഷം ഡ്രൈവര് ബസ് മുന്നോട്ടെടുക്കുകയായിരുന്നു. എന്നാല് വാഹനം കരവാളൂര് എത്തിയപ്പോഴാണ് കണ്ടക്ടര് ബസില് ഇല്ലെന്ന് തിരിച്ചറിഞ്ഞത്. പിന്നീട് നെടുങ്കണ്ടത്ത് നിന്നും തിരുവനന്തപുരത്തേക്ക് പോയ മറ്റൊരു ബസില് കയറി കണ്ടക്ടര് കരവാളൂരില് എത്തുകയായിരുന്നു.
