കോഴിക്കോട്: കര്ണാടക ആര്ടിസി ബസിനുള്ളില് യുവതിക്കുനേരെ ലൈംഗികാതിക്രമമുണ്ടായതായി പരാതി. സംഭവത്തില് മലപ്പുറം സ്വദേശി അറസ്റ്റിലായി. ഈശ്വരമംഗലം സ്വദേശി മുസ്തഫയെയാണ് നടക്കാവ് പൊലീസ് അറസ്റ്റ് ചെയ്തത്.
ഇന്ന് പുലര്ച്ചെയായിരുന്നു സംഭവം. കോട്ടയം സ്വദേശിനിയായ യുവതിക്കുനേരെയാണ് അതിക്രമം ഉണ്ടായത്. എറണാകുളത്തുനിന്ന് കോഴിക്കോടുവഴി കര്ണാടകയിലെ ഹാസനിലേയ്ക്ക് പോകുന്ന ബസിനുള്ളിലാണ് അതിക്രമം നടന്നത്. ഇടപ്പാടിനും കോഴിക്കോടിനും ഇടയില് വച്ചായിരുന്നു സംഭവം.
ബസില്വച്ച് നിരന്തരം ഇയാള് യുവതിയോട് മോശമായി പെരുമാറുകയായിരുന്നു. തുടര്ന്ന് യുവതി കണ്ടക്ടറെ വിവരമറിയിച്ചു. ബസ് കോഴിക്കോട് സ്റ്റാന്ഡില് എത്തിയപ്പോഴാണ് യുവതി നടക്കാവ് പൊലീസില് പരാതി നല്കിയത്.
