ഫറ്റോര്ദ: ചെന്നൈയിന് എഫ്.സിയെ 2-1 നു തോല്പ്പിച്ച് എഫ്സി ഗോവ ഇന്ത്യന് സൂപ്പര് ലീഗ് ഫുട്ബോള് പത്താം സീസണിലെ സെമി ഫൈനലില് കടന്നു.
സ്വന്തം തട്ടകമായ ഫറ്റോര്ദയിലെ ജവാഹര്ലാല് നെഹ്റു സ്റ്റേഡിയത്തില് നടന്ന മത്സരത്തില് ഗോവയ്ക്കായി നോഹ സദോയി, ബ്രാന്ഡന് ഫെര്ണാണ്ടസ് എന്നിവര് ഗോളടിച്ചു.
ലാസര് സിര്കോവിചാണു ചെന്നൈയിനായി ഗോളടിച്ചത്. ഒന്നാം പകുതിയില് തന്നെയാണ് മൂന്നു ഗോളുകളും വീണത്. മുംബൈ സിറ്റിയാണ് സെമിയില് ഗോവയെ നേരിടുക.
