ജയ്പൂർ: രാജസ്ഥാനിലെ ജലവാറില്‍ ട്രക്കും വാനും കൂട്ടിയിടിച്ച്‌ ഒമ്ബത് പേർ മരിച്ചു. ശനിയാഴ്ചയായിരുന്നു സംഭവം.
അമിതവേഗതയിലെത്തിയ ട്രക്ക് വാനില്‍ ഇടിച്ചുകയറുകയായിരുന്നു.
മധ്യപ്രദേശിലെ ഖില്‍ചിപൂരില്‍ വിവാഹച്ചടങ്ങില്‍ പങ്കെടുത്ത് മടങ്ങുകയായിരുന്ന പത്തംഗ സംഘമാണ് അപകടത്തില്‍പ്പെട്ടത്. മൂന്ന് പേർ സംഭവസ്ഥലത്ത് വെച്ച്‌ മരിച്ചു. ആറ് പേർ ചികിത്സയിലിരിക്കെ ആശുപത്രിയില്‍ വെച്ചും മരിച്ചു. ഗുരുതരമായി പരിക്കേറ്റ ഒരാള്‍ ചികിത്സയില്‍ തുടരുകയാണ്. മൃതദേഹങ്ങള്‍ പോസ്റ്റുമോർട്ടത്തിനായി ആശുപത്രിയിലേക്ക് മാറ്റി.
അപകടം ഉണ്ടായതിന് ശേഷം ട്രക്ക് ഡ്രൈവർ ഓടി രക്ഷപ്പെട്ടെങ്കിലും പിന്നീട് പൊലീസ് ഇയാളെ കസ്റ്റഡിയിലെടുത്തു.
