തളിപ്പറമ്പ്: സ്വകാര്യ ബസ് ക്ഷേത്ര കമ്മിറ്റി ഓഫീസ് കെട്ടിടത്തിലേക്ക് ഇടിച്ചുകയറി നാല് പേർക്ക് പരിക്കേറ്റു. കുറുമാത്തൂർ താനിക്കുന്നില്‍ ഉച്ചയോടെയായിരുന്നു അപകടം.
ബസ് ഡ്രൈവർ മെട്ടമ്മലിലെ നികേഷ് (49), കണ്ടക്ടർ ചെറുകുന്നിലെ ശശി (52) , യാത്രക്കാരായ കുറുമാത്തൂർ സ്വദേശികളുമായ പി.എം. മൂസാൻ (75), ജാബിർ (41) എന്നിവർക്കാണ് പരിക്കേറ്റത്. ഇവരെ പരിയാരത്തെ കണ്ണൂർ ഗവ. മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.
തളിപ്പറമ്ബില്‍ നിന്നും താനിക്കുന്നിലേക്കുള്ള സ്വകാര്യ ബസാണ് നിയന്ത്രണംവിട്ട് കുറുമാത്തൂർ താനിക്കുന്ന് അയ്യപ്പ ക്ഷേത്രകമ്മിറ്റി ഓഫീസ് കെട്ടിടത്തിലേക്ക് ഇടിച്ചു കയറിയത്.
