കൊല്ലം: കെ.എസ്.ആർ.ടി.സി. ബസില്‍ സ്കൂട്ടർ ഇടിച്ച്‌ വിദ്യാർഥികള്‍ മരിച്ചു. കൊല്ലം കൈക്കുളങ്ങര രാമേശ്വരം നഗർ 129, അപ്പൂസ് ഡെയിലില്‍ സജി വർഗീസിന്റെയും ബെറ്റ്സിയുടേയും മകൻ ആള്‍സണ്‍ എസ്.വർഗീസ്(17), ചിന്നക്കട ബംഗ്ലാവ് പുരയിടം ഷീജ ഡെയിലില്‍ സേവ്യറിന്റെയും ഷീജയുടേയും മകൻ അലൻ സേവ്യർ(17) എന്നിവരാണ് മരിച്ചത്.
ഇരുവരും ക്രിസ്തുരാജ് ഹയർസെക്കൻഡറി സ്കൂളിലെ പ്ലസ്ടു (സയൻസ്) വിദ്യാർഥികളാണ്.
ബുധനാഴ്ച വൈകിട്ട് 3.30-ന് ശങ്കേഴ്സ് ജങ്ഷനില്‍നിന്ന് ആശ്രാമത്തേക്ക് വരുമ്ബോള്‍ കുറവൻപാലത്തിന് സമീപമായിരുന്നു അപകടം.
കൊല്ലത്തുനിന്ന് തെങ്കാശിയിലേക്ക് പോകുന്ന ഫാസ്റ്റ് പാസഞ്ചർ ബസില്‍ സ്കൂട്ടർ ഇടിക്കുകയായിരുന്നു. ഹയർസെക്കൻഡറി മോഡല്‍ പരീക്ഷ കഴിഞ്ഞ് സുഹൃത്തിന്റെ ജന്മദിനാഘോഷത്തില്‍ പങ്കെടുത്ത് മടങ്ങവെയായിരുന്നു അപകടം.
