കഴിഞ്ഞ കുറച്ച് വർഷങ്ങളായി ജനങ്ങൾ ഗുരുതരമായ ഒട്ടേറെ രോഗങ്ങളെ അഭിമുഖീകരിക്കുന്നു. സമീപ കാലത്ത് ചൈനയിൽ പടർന്ന കൊറോണയും നിഗൂഢമായ ന്യൂമോണിയയും മുതൽ പുതിയ ജെ.എൻ-1 വരെ തുടർച്ചയായി ഉയർന്നുവരുന്ന വ്യത്യസ്ത രോഗങ്ങൾ മാനവരാശിയുടെ നിലനില്പിനെക്കുറിച്ചു വരെ ആശങ്ക വർധിപ്പിക്കുന്നു. അതിനിടെ, മറ്റൊരു മാരകരോഗമായ ‘സോംബി’യുടെ വ്യാപനത്തെക്കുറിച്ച് ശാസ്ത്രജ്ഞർ മുന്നറിയിപ്പ് നൽകിയിരിക്കുകയാണ് ഇപ്പോൾ.
ഈ മാരക രോഗത്തിന് ഇതുവരെ മരുന്ന് കണ്ടെത്തിയിട്ടില്ലെന്നുള്ളത് ആരോഗ്യമേഖലയില്‍ ആശങ്കയുണര്‍ത്തുന്നുണ്ട്.
എന്താണ് സോംബി രോഗം?
ക്രോണിക് വേസ്റ്റിംഗ് ഡിസീസ് (CWD) എന്നതാണ് സോംബി രോഗത്തിന്റെ ശാസ്ത്രീയ നാമം. മാനുകള്‍, മൂസ്, റെയിന്‍ഡീര്‍, എല്‍ക്, സിക ഡിയര്‍ എന്നീ മൃഗങ്ങളെയാണ് ഈ രോഗം പ്രധാനമായും ബാധിക്കുന്നത്. നവംബറിൽ വ്യോമിംഗിലെ യെല്ലോസ്റ്റോൺ നാഷണൽ പാർക്കിൽ കണ്ടെത്തിയ മാനിന്റെ ശവത്തിൽ നിന്നാണ് രോഗം കണ്ടെത്തിയത്. അതിനുശേഷം, വൈറസ് മൂലമുണ്ടാകുന്ന ഈ രോഗത്തെക്കുറിച്ച് ശാസ്ത്രജ്ഞർ ആശങ്കാകുലരാണ്. സെന്റർസ് ഫോർ ഡിസീസ് കൺട്രോൾ ആൻഡ് പ്രിവൻഷൻ അനുസരിച്ച്, യുഎസിലെ 31 സംസ്ഥാനങ്ങളിൽ ഈ രോഗം റിപ്പോർട്ട് ചെയ്യപ്പെട്ടിട്ടുണ്ട്.
മൃഗങ്ങൾക്ക് രോഗം ബാധിച്ചാൽ ക്രമേണ മനുഷ്യരിലും പടരും. അമേരിക്കയിൽ ഈ അണുബാധയുടെ കേസുകൾ അതിവേഗം വർധിച്ചുകൊണ്ടിരിക്കുകയാണ്. സാധാരണയായി, തെക്കേ അമേരിക്ക, കാനഡ, ദക്ഷിണ കൊറിയ, നോർവേ എന്നിവയ്ക്ക് പുറമെ അമേരിക്കയിലും ഈ രോഗം ഉണ്ടാകാനുള്ള സാധ്യതയുണ്ട്.
ശാസ്ത്രജ്ഞരുടെ അഭിപ്രായത്തിൽ, രോഗം മൃഗങ്ങളെയും മനുഷ്യരെയും ബാധിക്കും. സാധാരണയായി നാഡീവ്യവസ്ഥയെ ബാധിക്കുന്നു, ഇത് ശരീരത്തിൽ പല പ്രശ്നങ്ങൾക്കും കാരണമാകും. ഈ വൈറസ് ആരോഗ്യമുള്ള തലച്ചോറിനെ ബാധിക്കുന്നതായി ശാസ്ത്രജ്ഞർ പറയുന്നു.
മൃഗങ്ങളിൽ അകാരണമായി ശരീരഭാരം കുറയുന്നതാണ് സോംബി ഡിസീസിന്റെ ആദ്യ ലക്ഷണം. തല താഴ്‌ത്തി നടക്കല്‍, വിറയല്‍, മറ്റ് മൃഗങ്ങളുമായി അടുക്കാതിരിക്കുക, ഉമിനീര് ഒലിക്കുക, അടിക്കടി മൂത്രമൊഴിക്കുക തുടങ്ങിയ ലക്ഷണങ്ങളും പ്രകടമാകും. ഈ രോഗം ബാധിച്ചാൽ, മൃഗം അലസമായി മാറുന്നു, കൂട്ടത്തിൽ നിന്ന് ഒറ്റപ്പെടുന്നു, കാഴ്ച മങ്ങുന്നു, സാവധാനം മരണത്തിലേക്ക് നീങ്ങുന്നു. അതിനാലാണ് ഗവേഷകർ ഇതിനെ മാരകമെന്ന് വിളിക്കുന്നത്.
ചില സാധാരണ ലക്ഷണങ്ങളിൽ ഡിമെൻഷ്യ, ഭ്രമാത്മകത, നടക്കാനും സംസാരിക്കാനുമുള്ള ബുദ്ധിമുട്ട്, ആശയക്കുഴപ്പം, ക്ഷീണം, പേശികളുടെ കാഠിന്യം എന്നിവ ഉൾപ്പെടുന്നു. ലോകത്തിന്റെ വലിയൊരു ഭാഗം ആളുകൾക്ക് പ്രിയപ്പെട്ടതാണ് മാൻ മാംസം. മനുഷ്യരിലേക്ക് പടരാന്‍ സാധ്യതയുള്ളതിനാല്‍ മാനിറച്ചി കഴിക്കരുതെന്ന് ചിലയിടങ്ങളിൽ ആരോഗ്യപ്രവര്‍ത്തകര്‍ നിര്‍ദേശം നല്‍കിയിട്ടുണ്ട്.
