കൊല്ലം: കുഞ്ഞുമായി കൊല്ലത്തെ സ്വകാര്യ ആശുപത്രിയിലേയ്ക്ക് പോയ ആംബുലൻസ് നിയന്ത്രണം വിട്ട് ബൈക്കില്‍ ഇടിച്ച്‌ ബൈക്ക് യാത്രികനായ കുമ്ബളം കുന്നത്തുവീട്ടില്‍ ആല്‍ബിൻ (57) മരിച്ചു.
ഇന്നലെ രാത്രി ഒമ്ബതിന് കൊല്ലം – തിരുവനന്തപുരം ദേശീയപാതയില്‍ കേരളപുരം ജംഗ്ഷനിലായിരുന്നു അപകടം. കേരളപുരം മണ്ഡലം ജംഗ്ഷൻ ബിബിൻ നിവാസില്‍ വാടകയ്ക്ക് താമസിച്ചുവരികയായിരുന്നു ആല്‍ബിൻ.
ആംബുലൻസിലുണ്ടായിരുന്നവര്‍ക്കും ആംബുലൻസ് ഡ്രൈവര്‍ പെരുമ്ബുഴ മുണ്ടയ്ക്കല്‍ സ്വദേശി അഭിഷേകിനും (24) പരിക്കേറ്റു.
ഇവരെ കൊല്ലത്തെ വിവിധ ആശുപത്രികളില്‍ പ്രവേശിപ്പിച്ചു. കുണ്ടറയിലെ സ്വകാര്യ ആശുപത്രിയില്‍ നിന്നും കൊല്ലത്തേക്ക് പോകുകയായിരുന്നു ആംബുലൻസ്. നിര്‍മലയാണ് ആല്‍ബിന്‍റെ ഭാര്യ. മക്കള്‍: -സീബ, സിബിൻ.
