മൂവാറ്റുപുഴ: സിമന്‍റ് കട്ടയുമായി കയറ്റം കയറുന്നതിനിടെ ടിപ്പര്‍ പുറകിലേക്ക് ഉരുണ്ടിറങ്ങി ബൈക്ക് യാത്രികന് ദാരുണാന്ത്യം.
പേഴയ്ക്കാപ്പിള്ളി താണിച്ചോട്ടില്‍ മീരാന്‍ കുഞ്ഞിന്‍റെയും സുഹറയുടെയും മകന്‍ ടി.എം.ഷിയാസ് (40) ആണ് മരിച്ചത്.പായിപ്ര സഹകരണ സംഘം കലക്ഷന്‍ ഏജന്‍റായിരുന്നു.
ശനിയാഴ്ച വൈകുന്നേരം അഞ്ചിന് മൂവാറ്റുപുഴ തട്ടുപ്പറമ്ബ് പള്ളിപ്പടി റോഡിലാണ് സംഭവം.
ബാങ്കിന്‍റെ വൈകുന്നേരമുള്ള പിരിവിനായി പോകുന്നതിനിടെയാണ് ഷിയാസ് ടിപ്പറിന് പിന്നില്‍പ്പെട്ടത്. നാട്ടുകാർ ഉടന്‍ തന്നെ ആലുവയിലെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ സാധിച്ചില്ല.
