തിരുവനന്തപുരം: നവകേരള സദസിന് തദ്ദേശ സ്ഥാപനങ്ങളുടെ തനത് ഫണ്ട് ഉപയോഗിക്കാൻ പ്രത്യേക അനുമതി. അമ്ബതിനായിരം മുതല്‍ മൂന്ന് ലക്ഷം രൂപ വരെ ചെലവഴിക്കാം.
തദ്ദേശ സ്ഥാപനം ഉള്‍പ്പെടുന്ന മണ്ഡലത്തിലാണ് പണം നല്‍കേണ്ടത്. പഞ്ചായത്തുകള്‍ക്ക് 50,000 രൂപ, നഗരസഭ / ബ്ലോക്ക് പഞ്ചായത്ത് 1,00,000 രൂപ, കോര്‍പ്പറേഷനുകള്‍ക്ക് 2,00,000 രൂപ, ജില്ലാ പഞ്ചായത്തുകള്‍ക്ക് 3,00,000 രൂപ എന്നിങ്ങനെയാണ് നല്‍കേണ്ടത്.
2023 നവംബര്‍ 18 മുതല്‍ ഡിസംബര്‍ 24 വരെയാണ് നവകേരള സദസ്സെന്ന പേരില്‍ മണ്ഡല സദസ്സുകള്‍ സംഘടിപ്പിക്കുന്നത്. സംസ്ഥാനത്തെ എല്ലാ അസംബ്ലി മണ്ഡലങ്ങളിലും പര്യടനം നടത്തുന്ന വിധത്തിലാണ് പരിപാടി ആസൂത്രണം ചെയ്തിരിക്കുന്നത്.
