മരത്തടി ലോറിയില്‍ നിന്നും ഇറക്കുന്നതിനിടെ  ദേഹത്തേക്ക് വീണ് യുവാവിന് ദാരുണാന്ത്യം

കായംകുളം പുളിമുക്ക് ജംഗ്ഷന് വടക്കുവശമുള്ള തടിമില്ലിൽ ലോറിയിൽ നിന്നും തടിയിറക്കുന്നതിനിടയിലായിരുന്നു സംഭവം.തടി മറിഞ്ഞു വീണതോടെ രണ്ട് തടികൾക്കിടയിൽപ്പെട്ടായിരുന്നു മരണം.

കായംകുളം അഗ്നിരക്ഷാസേന സംഭവ സ്ഥലത്ത് എത്തി ഹൈഡ്രോളിക് സ്പ്രഡർ ഉപയോഗിച്ച് തടി ഉയർത്തി ആളെ പുറത്തെടുത്ത് കായംകുളം താലൂക്ക് ആശുപത്രിയിൽ എത്തിച്ചെങ്കിലും രക്ഷിക്കാനായില്ല.