തിരുവനന്തപുരം: സ്കൂട്ടര്‍ യാത്രക്കാരിയെ കടന്നു പിടിച്ച യുവാക്കളെ പൊലീസ് അറസ്റ്റ് ചെയ്തു. വിളപ്പില്‍ കരുവിലാഞ്ചി ശാലോംകോണത്ത് പുത്തൻവീട്ടില്‍ പ്രസാദ് (42), തൈക്കാട് കണ്ണേറ്റുമുക്ക് വിളയില്‍ വീട്ടിലെ ഉണ്ണികൃഷ്ണൻ (33) എന്നിവരെയാണ് വിളപ്പില്‍ശാല പൊലീസ് അറസ്റ്റ് ചെയ്തത്.
കുണ്ടമണ്‍കടവ് – പേയാട് റോഡിലൂടെ സ്കൂട്ടര്‍ ഓടിച്ചു വന്ന യുവതിക്ക് നേരെയാണ് അതിക്രമം ഉണ്ടായത്. യുവതിയെ പ്രതികള്‍ ബൈക്കില്‍ പിന്തുടരുകയായിരുന്നു. തുടര്‍ന്ന് പള്ളിമുക്ക് മുസ്ലിം പള്ളിക്ക് സമീപം എത്തിയ സമയത്ത് പ്രതികള്‍ കടന്നു പടിച്ചു.
യുവതി ബഹളം വച്ചതോടെ ഇവർ രക്ഷപ്പെട്ടെങ്കിലും കുണ്ടമണ്‍ ഭാഗത്ത് നിന്ന് യുവതിയുടെ പരാതിയിൽ പോലീസ് പ്രതികളെ പിടികൂടുകയായിരുന്നു.
