കൊച്ചി:ഇസ്രായേല്‍ യുദ്ധഭൂമിയില്‍ കുടുങ്ങിയ മലയാളി തീര്‍ത്ഥാടകരുടെ ആദ്യം സംഘം തിരിച്ചെത്തി.ആലുവയില്‍ നിന്നുള്ള 48 അംഗ സംഘം ഇന്ന് പുലര്‍ച്ചെ മൂന്നരയോടെയാണ് നെടുമ്പാശ്ശേരിയിൽ വിമാനമിറങ്ങിയത്.
റോക്കറ്റ് വര്‍ഷം നേരിട്ട് കണ്ടെന്നും ഇസ്രായേലി സൈന്യമാണ് തങ്ങളെ രക്ഷപെടുത്തിയതെന്നും തീര്‍ത്ഥാടകര്‍ പറഞ്ഞു.
‘ഞങ്ങള്‍ ശനിയാഴ്ച രാവിലെ ഇസ്രായേലിൽ നിന്നും ഈജിപ്റ്റിലേക്ക് പുറപ്പെടുമ്ബോഴാണ് ഈ സംഭവം അറിയുന്നത്. യാത്രാ മധ്യേ ഞങ്ങളെ പട്ടാളക്കാര്‍ തടഞ്ഞു, നിങ്ങള്‍ സുരക്ഷിതരല്ലെന്ന് പറഞ്ഞ് ഒരു ഹോട്ടലിലാക്കി അവിടെ നിന്ന് മിസൈല്‍ പോവുന്നതും തകര്‍ന്ന് വീഴുന്നതെല്ലാം കാണാമായിരുന്നു’ – തീര്‍ത്ഥാടകർ പറഞ്ഞു.
ഒടുവിൽ ഇസ്രായേൽ സൈന്യമാണ് സുരക്ഷിതമായി ഞങ്ങളെ നാട്ടിലേക്ക് കയറ്റിയയച്ചത്.ഈജിപ്ത് വഴിയാണ് രക്ഷപെട്ടെത്തിയതെന്നും തീര്‍ത്ഥാടകര്‍ പറഞ്ഞു.
