കൽപ്പനയുടെ മകൾ ശ്രീസംഖ്യ ഉർവ്വശി ചിത്രത്തിലൂടെ സിനിമാ രംഗത്തേയ്ക്ക്, രവീന്ദ്ര ജയൻ സംവിധാനം ചെയ്യുന്ന ആദ്യ സിനിമ അടൂരിൽ ആരംഭിച്ചു
തോബിയാസ് എന്ന കഥാപാത്രത്തെ മിനി സ്ക്രീൻ പ്രേക്ഷകർ മറന്നിട്ടുണ്ടാവില്ല. സീരിയലുകളിലൂടെ സിനിമാ രംഗത്തെത്തി പിന്നീട് ബിഗ്‌ സ്ക്രീനിൽ ഏറെ തിരക്കുള്ള നടനായി പ്രേക്ഷകരുടെ മനസ്സിൽ ഇടം നേടിയ താരമാണ് ജയൻ ചേർത്തല എന്ന പേരിൽ അറിയപ്പെടുന്ന രവീന്ദ്ര ജയൻ. കലാരംഗത്ത് അഭിനയത്തിനു പുറമേ സംവിധാന രംഗത്തേക്കു കൂടി ഇപ്പോൾ ചുവടു വയ്ക്കുകയാണ് ജയൻ. തൻ്റെ യഥാർത്ഥ പേരായ രവീന്ദ്ര ജയൻ എന്ന പേരിലാണ് ജയൻ ആദ്യചിത്രം ഒരുക്കുന്നത്.
വിൻസ് പ്രൊഡക്ഷൻസിൻ്റെ ബാനറിൽ നിർമ്മിക്കുന്ന ഈ സിനിമയുടെ ചിത്രീകരണം അടൂരിൽ ആരംഭിച്ചു .
ഡപ്യൂട്ടി സ്പീക്കർ ചിറ്റയം ഗോപകുമാർ സ്വിച്ചോൺ കർമ്മം നിർവ്വഹിച്ചതോടെയാണ് ചിത്രീകരണത്തിനു തുടക്കമായത്.
ഉർവ്വശിയാണ് ആദ്യ സീനിൽ അഭിനയിച്ചത്.
സ്കൂൾ പശ്ചാത്തലത്തിലൂടെ അവതരിപ്പിക്കുന്ന ഈ ചിത്രം ഏതാനും പ്ലസ് ടു വിദ്യാർത്ഥികളുടെ സൗഹൃദത്തിൻ്റേയും ബന്ധങ്ങളുടേയും കഥ നർമ്മവും ത്രില്ലറും കോർത്തിണത്തി പറയുകയാണ്.
സ്കൂൾ പ്രിൻസിപ്പൽ ഇന്ദുലേഖ ടീച്ചറെ അവതരിപ്പിക്കുന്നത് മലയാള സിനിമയിലെ എക്കാലത്തെയും മികച്ച നടി ഉർവ്വശിയാണ്. ഏറെ അഭിനയ സാദ്ധ്യതകളുള്ള അതി ശക്‌തമായ കാപാത്രമാണ് ഇതിലെ ഇന്ദുലേഖാ ടീച്ചർ.
കൽപ്പനയുടെ മകൾ ശ്രീസംഖ്യ അഭിനയ രംഗത്ത്
അനശ്വര നടി കൽപ്പനയുടെ മകൾ ശീസംഖ്യ ഈ ചിത്രത്തിലൂടെ അഭിനയ രംഗത്തേക്കു കടന്നു വരുന്നു.
ഒരു ഫുട്ബോൾ പരിശീലകയായ സ്മൃതി എന്ന കഥാപാത്രത്തെയാണ് ഈ ചിത്രത്തിൽ ശ്രീസംഖ്യ അവതരിപ്പിക്കുന്നത്. ചിത്രത്തിലെ നിർണ്ണായക കഥാപാത്രമാണ് സ്മൃതി,
തൻ്റെ അരങ്ങേറ്റം ചിറ്റമ്മക്കൊപ്പമായത് ഏറെ സന്തോഷമുണ്ടന്ന് ശ്രീസംഖ്യ പറഞ്ഞു.
ഇന്ദ്രൻസ്, ഷമ്മി തിലകൻ, ജോണി ആൻ്റണി, രൺജി പണിക്കർ, മധുപാൽ, സോഹൻ സീനു ലാൽ,
അരുൺ ദേവസ്യ,.വി.കെ. ബൈജു, കലാഭവൻ ഹനീഫ്, ബാലാജി ശർമ്മ, മീരാ നായർ, മഞ്ജു പത്രോസ് എന്നിവർക്കൊപ്പം കുട്ടികളായ ഗോഡ് വിൻ അജീഷ, മൃദുൽ, ശ്രദ്ധാ ജോസഫ്. അനുശ്രീ പ്രകാശ്, ആൽവിൻ, ഡിനിഡാനിയേൽ, എന്നിവരും പ്രധാവ വേഷങ്ങളിലെത്തുന്നു.
രചന- നിജീഷ് സഹദ്ധേൻ ,
അഡീഷണൽ സ്കിപ്റ്റ്- കലേഷ് ചന്ദ്രൻ, ബിനുകുമാർ ശിവദാസൻ.
വിനായക് ശശികുമാറിൻ്റെ വരികൾക്ക് സുബിൻ ജേക്കബ്ബ് ഈണം പകർന്നിരിക്കുന്നു.
ജിജു സണ്ണി ഛായാഗ്രഹണവും ഗ്രേസ ൺ ഏ.സി.എ.എഡിറ്റിംഗും നിർവ്വഹിക്കും.
ചീഫ് അസ്സോസ്സിയേറ്റ് ഡയറക്ടർ – ദീപക് നാരായണൻ
ലൈൻ പ്രൊഡ്യൂസർ- ബൻസി അടൂർ
പ്രൊഡക്ഷൻ എക്സിക്കുട്ടീവ് സന്തോഷ് ചങ്ങനാശ്ശേരി.
പ്രൊഡക്ഷൻ കൺട്രോളർ- നജീബ്.
അടൂരും പരിസരങ്ങളിലുമായി ഈ ചിത്രത്തിൻ്റെ ചിത്രീകരണം പുരോഗമിക്കുന്നു
വാഴൂർ ജോസ്.
