ചേന്നാട് വണ്ടാനത്ത് മധുവിന്റെ വീടിനാണ് തീപിടിച്ചത്. അപകടത്തില്‍ മധു, ഭാര്യ ആശ, മക്കളായ മോനിഷ, മനീഷ് എന്നിവര്‍ക്ക് പൊള്ളലേറ്റു.
ആരുടേയും പരിക്ക് ഗുരുതരമല്ല. അതേസമയം തീപിടിത്തത്തില്‍ വീട് പൂര്‍ണമായും കത്തി നശിച്ചു.ഇന്ന് പുലര്‍ച്ചെ ആറരയോടെയാണ് വീടിന്റെ അടുക്കള ഭാഗത്ത് നിന്നും തീയും പുകയും ഉയര്‍ന്നത്. ഇത്‌ കണ്ട് ഉണര്‍ന്ന വീട്ടുകാര്‍ തീ കെടുത്താന്‍ ശ്രമിച്ചെങ്കിലും ഫലം കണ്ടില്ല. ഒടുവില്‍ ഈരാറ്റുപേട്ടയില്‍ നിന്നും ഫയര്‍ഫോഴ്‌സ് എത്തിയാണ് തീ നിയന്ത്രണ വിധേയമാക്കിയത്.തീപിടിക്കാനുള്ള കാരണം വ്യക്തമല്ല.
