പാലാ മഹാത്മാഗാന്ധി ഹയര്‍ സെക്കന്ററി സ്‌കൂളിന്റെ പരിസരത്തെ വന്‍മരങ്ങളാണ് വെട്ടിമാറ്റിയത്. രണ്ട് ആഞ്ഞിലിയും അഞ്ച് വാക മരങ്ങളുമാണ് റിയല്‍ എസ്റ്റേറ്റ് ബിസിനസുകാരനായ സുമിത് ജോര്‍ജ് വെട്ടിയത്. ഇക്കഴിഞ്ഞ ഞായറാഴ്ചയായിരുന്നു സംഭവം.
സ്‌കൂള്‍ അധികാരികള്‍ നല്‍കിയ പരാതിയില്‍ പാലാ പൊലീസ് കേസെടുത്ത് അന്വേഷണം നടത്തിവരികയായിരുന്നു. സംഭവ ശേഷം ഒളിവില്‍ പോയ സുമിത്തിനെ ബുധനാഴ്ച വൈകുന്നേരമാണ് പിടികൂടിയത്.വഴി സൗകര്യം ഒരുക്കി ഭൂമി മറിച്ചു വില്‍ക്കാന്‍ ലക്ഷ്യമിട്ടാണ് അനധികൃത നടപടിയെന്നാണ് സൂചന.
