തിരുവനന്തപുരം:വര്‍ക്കലയില്‍ ട്രെയിൻ തട്ടി ഒരാള്‍ മരിച്ചു.വര്‍ക്കല പൊലീസ് സ്റ്റേഷന് സമീപത്തെ റെയില്‍വേ ഗേറ്റിലാണ് അപകടം.
കൊല്ലം ഭാഗത്ത് നിന്നും തിരുവനന്തപുരത്തേക്ക് പോയ മെമു എക്സ്പ്രസ് തട്ടിയാണ് 65 വയസ്സോളം പ്രായമുള്ള ആൾ മരിച്ചത്.ഇയാളെ തിരിച്ചറിഞ്ഞിട്ടില്ല.
റെയില്‍വേ ട്രാക്ക് മുറിച്ചു കടക്കവെയാണ് അപകടത്തില്‍പ്പെട്ടത്.അപകടത്തെ തുടര്‍ന്ന് 10 മിനിറ്റോളം ട്രെയിൻ നിര്‍ത്തിയിട്ടു.മൃതദേഹം പാരിപ്പള്ളി മെഡിക്കല്‍ കോളജിലേക്ക് മാറ്റി.
വര്‍ക്കല അണ്ടര്‍ പാസേജ് യാഥാര്‍ഥ്യമായതോടെ 22 വര്‍ഷത്തിലധികമായി ഇവിടെയുണ്ടായിരുന്ന റെയില്‍വേ ഗേറ്റ് ഇല്ലാതായി.എങ്കിലും നിരവധിപേരാണ് ദിനവും ഈ ട്രാക്ക് കടന്ന് വര്‍ക്കല മൈതാനം ജംഗ്ഷനിലേക്ക് എത്തുന്നത്.
