തിരുവനന്തപുരം:കെഎസ്‌ആര്‍ടിസി ബസ് ടെര്‍മിനലില്‍ യുവാവിനെ മരിച്ച നിലയില്‍ കണ്ടെത്തി. നാലാഞ്ചിറ സ്വദേശി ബിനു കുമാറിനെയാണ് മരിച്ച നിലയില്‍ കണ്ടെത്തിയത്.
ഇന്ന് വൈകുന്നേരം അഞ്ചരയോടെയാണ് ബിനു കുമാറിനെ മരിച്ച നിലയില്‍ കണ്ടെത്തുന്നത്. കെഎസ്‌ആര്‍ടിസിയുടെ തമ്ബാനൂരിലുള്ള ബസ് ടെര്‍മിനലില്‍ താഴത്തെ നിലയില്‍ ബിനു കുമാറിന് കടയുണ്ടായിരുന്നു.ഇതിനോട് ചേര്‍ന്നാണ് മൃതദേഹം കണ്ടെത്തിയത്.ആത്മഹത്യയെന്നാണ് സൂചന.
കടയുടെ ഷട്ടര്‍ പകുതി തുറന്ന നിലയിലായിരുന്നു. മുറിക്കുള്ളില്‍ ലൈറ്റ് കണ്ടതിനെ തുടര്‍ന്ന് സെക്യൂരിറ്റി വന്ന് പരിശോധിക്കുകയായിരുന്നു. തുടര്‍ന്നാണ് ബിനുവിനെ തൂങ്ങിയ നിലയില്‍ കണ്ടെത്തിയത്.തമ്ബാനൂര്‍ പൊലീസ് സ്ഥലത്തെത്തി മേൽനടപടികൾ സ്വീകരിച്ചു.
