കണ്ണൂർ:എഞ്ചിൻ തകരാറിനെ തുടർന്ന് കാസർകോട്-തിരുവനന്തപുരം വന്ദേഭാരത് എക്സ്പ്രസ് ട്രെയിൻ വഴിയിൽ കുടുങ്ങി.
കാസര്‍കോട് നിന്നും തിരുവനന്തപുരത്തേക്ക് പുറപ്പെട്ട വന്ദേ ഭാരത് എക്സ്പ്രസാണ് തകരാറിലായത്. ഒരു മണിക്കൂറിലേറെ കണ്ണൂര്‍ റെയില്‍വെ സ്റ്റേഷനില്‍ പിടിച്ചിട്ട വന്ദേ ഭാരത് എക്സ്പ്രസ് ട്രെയിൻ പിന്നീട് ഇവിടെ നിന്ന് പുറപ്പെട്ടെങ്കിലും അധികം വൈകാതെ വീണ്ടും പിടിച്ചിട്ടു.എഞ്ചിൻ തകരാറാണ് ട്രെയിൻ വഴിയില്‍ കുടുങ്ങാൻ കാരണം.
കംപ്രസര്‍ തകരാറിനെ തുടര്‍ന്ന് ട്രെയിനിന്റെ എഞ്ചിൻ ഓഫായി.എസി പ്രവര്‍ത്തിക്കാതെ വന്നതോടെ ട്രെയിനില്‍ ഉണ്ടായിരുന്ന യാത്രക്കാരും ബുദ്ധിമുട്ടി.എഞ്ചിൻ പ്രവർത്തനരഹിതമായതോടെ ഓട്ടോമാറ്റിക് ഡോറുകളും തുറക്കാൻ പറ്റാതെയായി.തുടര്‍ന്ന് തകരാര്‍ പരിഹരിച്ച്‌ ട്രെയിൻ സര്‍വീസ് പുനരാരംഭിക്കുകയായിരുന്നു.
