ക്ഷേത്ര ദര്‍ശനം കഴിഞ്ഞ് മടങ്ങിയവരുടെ കാർ കിണറ്റിൽവീണ് ആറ് മരണം.സംഭവത്തിൽ മറ്റ് മൂന്നുപേര്‍ക്ക് പരിക്കേറ്റിട്ടുണ്ട്. ജാര്‍ഖണ്ഡില്‍ ദേശീയപാത-33-ല്‍ ഹസാരിബാഗിലെ പദ്മ ബ്ലോക്കിന് കീഴിലുള്ള റോമി ഗ്രാമത്തിന് സമീപമാണ് സംഭവം.
നിയന്ത്രണം നഷ്ടമായ കാര്‍ മോട്ടോര്‍ സൈക്കിളില്‍ ഇടിച്ച ശേഷം കിണറ്റില്‍ വീഴുകയായിരുന്നു.ഹസാരിബാഗിലെ മണ്ടായി ഗ്രാമവാസികളാണ് മരിച്ചവര്‍.
ദര്‍ഭംഗയില്‍ നിന്ന് കാളി ക്ഷേത്ര ദര്‍ശനം കഴിഞ്ഞ് മടങ്ങിയവരാണ് അപകടത്തില്‍പ്പെട്ടത്. പൊലീസിന്‍റെയും പ്രദേശവാസികളുടെയും സഹായത്തോടെയാണ് പരിക്കേറ്റവരെ ആശുപത്രിയിലെത്തിച്ചത്. മരിച്ചവരുടെ മൃതദേഹം ആശുപത്രി മോര്‍ച്ചറിയിലേക്ക് മാറ്റി.
