കൊല്ലം: ഇൻസ്റ്റഗ്രാം വഴി പരിചയപ്പെട്ട പത്താം ക്ലാസുകാരിയെ പീഡിപ്പിച്ച കേസില്‍ യുവാവ് പിടിയില്‍. കൊല്ലം കടയ്ക്കലിലാണ് സംഭവം.
തിരുവനന്തപുരം ചിറയിൻകീഴ് സ്വദേശി സൂരജാണ് അറസ്റ്റിലായത്. കഴിഞ്ഞ ദിവസം രാത്രിയില്‍ പെണ്‍കുട്ടിയുടെ വീടിന് സമീപം സംശയാസ്പദമായ നിലയില്‍ കണ്ട ഇയാളെ നാട്ടുകാര്‍ പിടികൂടി കടയ്ക്കല്‍ പൊലീസില്‍ ഏല്‍പ്പിക്കുകയായിരുന്നു.
മാസങ്ങള്‍ക്ക് മുമ്ബാണ് പത്താം ക്ലാസുകാരിയുമായി ഇൻസ്റ്റഗ്രാമിലൂടെ പ്രതി സൗഹൃദം സ്ഥാപിച്ചത്. വിവാഹ വാഗ്ദാനം നല്‍കി പ്രതി പെണ്‍കുട്ടിയുമായി അടുപ്പത്തിലാകുകയായിരുന്നു. രാത്രിയില്‍ പെണ്‍കുട്ടിയുടെ കടയ്ക്കലിലെ വീട്ടിലെത്തി പല തവണ സൂരജ് പീഡിപ്പിച്ചതായി പൊലീസ് പറഞ്ഞു. കഴിഞ്ഞ ദിവസം രാത്രിയില്‍ പെണ്‍കുട്ടിയുടെ വീടിന് സമീപം യുവാവിനെ കണ്ട നാട്ടുകാര്‍ ഓടിച്ചിട്ട് പിടികൂടി പൊലീസില്‍ ഏല്‍പ്പിക്കുകയായിരുന്നു.
പെണ്‍കുട്ടിയോട് കാര്യങ്ങള്‍ വീട്ടുകാര്‍ ചോദിച്ചറിഞ്ഞപ്പോഴാണ് പീഡന വിവരം പുറത്തറിയുന്നത്.
