തലശേരി: ട്രെയിനിൽ കയറുന്നതിനിടെ വീണ്‌ നഴ്സിന്റെ കാൽപാദം അറ്റു.പയ്യാവൂർ ഉളിക്കൽ കരപ്ലാക്കിൽ ഹൗസിൽ മിനി ജോസഫിന്റെ (47) ഇടതു കാൽപാദമാണ്‌ അറ്റുപോയത്‌.
തലശേരി റയിൽവെ സ്‌റ്റേഷനിൽ ഇന്ന് രാവിലെയായിരുന്നു സംഭവം. മുംബൈ–-തിരുവനന്തപുരം നേത്രാവതി എക്‌സ്‌പ്രസിൽ കയറുന്നതിടെയാണ് അപകടമുണ്ടായത്.തീവണ്ടിക്കും പ്ലാറ്റ്‌ഫോമിനും ഇടയിലാണ്‌ കാൽ കുടുങ്ങിയത്‌.
ജോലി ചെയ്യുന്ന തിരൂരിലെ ആശുപത്രിയിലേക്ക്‌ പോകാനായി എത്തിയതായിരുന്നു.ഭർത്താവും മകളും ഒപ്പമുണ്ടായിരുന്നു.തലശേരി ജനറൽ ആശുപത്രിയിൽ പ്രഥമ ശുശ്രൂഷ നൽകിയശേഷം വിദഗ്ധ ചികിത്സയ്ക്കായി കോഴിക്കോട്‌ മെഡിക്കൽ കോളേജിലേക്ക്‌ മാറ്റി.
