ജയ്പുര്‍: രാജസ്ഥാനില്‍ യുദ്ധവിമാനം തകര്‍ന്നു വീണ് മൂന്നു പേര്‍ മരിച്ചു. സൂറത്ത്ഗഡില്‍ നിന്ന് പുറപ്പെട്ട മിഗ് 21 വിമാനം രാജസ്ഥാനിലെ ഹനുമന്‍ഗഡില്‍ വീടിനു മുകളിലാണ് തകര്‍ന്നു വീണത്. ടേക്ക് ഓഫിന് തൊട്ടു പിന്നാലെ തകരുകയായിരുന്നു. മൂന്നു നാട്ടുകാര്‍ മരിച്ചു, ഒരാള്‍ക്ക് പരുക്കേറ്റു.
പൈലറ്റ് സുരക്ഷിതനാണെന്ന് അധികൃതര്‍ അറിയിച്ചു. പാരച്യൂട്ട് ഉപയോഗിച്ച് വിമാനത്തില്‍നിന്ന് ചാടിയാണ് പൈലറ്റ് രക്ഷപ്പെട്ടത്. രക്ഷാദൗത്യത്തിനായി സേനാ ഹെലികോപ്റ്റര്‍ അപകട സ്ഥലത്തെത്തി. സംഭവത്തില്‍ അന്വേഷണത്തിന് ഉത്തരവിട്ടതായി വ്യോമസേന അറിയിച്ചു.
