സാന്ദ്രാസ് കമ്മ്യൂണിക്കേഷന്റെ ബാനറിൽ ബൈജു ദേവരാജ് നിർമ്മാണവും സംവിധാനവും നിർവ്വഹിച്ച് പ്രവീൺ ഇറവങ്കരയുടെ രചനയിൽ സൂര്യ ടിവി സംപ്രേഷണം ചെയ്യുന്ന സൂപ്പർ ഹിറ്റ് പരമ്പര കനൽപ്പൂവ് 300 എപ്പിസോഡ് പിന്നിടുന്നു.
റേറ്റിംഗിൽ ഒന്നാം സ്ഥാനത്ത് തുടരുന്ന ‘കനൽപ്പൂവ്’ മാണിക്യം മംഗലത്ത് തറവാടിന്റെയും കെ.ആർ.കെ ഗ്രൂപ്പിന്റെയും കുടിപ്പകയിൽ ചാലിച്ച് അതിമനോഹരമായ ഒരു പ്രണയകഥ പറയുന്നു.
വിദ്യാസമ്പന്നയും റാങ്ക് ജേതാവുമായ ജനനിയുടെയും പള്ളിക്കൂടത്തിന്റെ പടിവാതിൽ കാണാത്ത ഹരിദാസിന്റെയും പ്രണയകഥ.
യദു കൃഷ്ണൻ, അമ്പിളി ദേവി, ചിലങ്ക, തൃശൂർ ആനന്ദ്, മങ്ക മഹേഷ്, വൈഷ്ണവി, ദിനേശ് പണിക്കർ, സനുരാജ്,പൂജപ്പുര രാധാകൃഷ്ണൻ, ദാവീദ്, നവീൻ അറക്കൽ, ഓമന ഔസേപ്പ്, ലക്ഷ്മിമായ തുടങ്ങിയ പ്രമുഖ താരങ്ങൾ മുഖ്യ കഥാപാത്രങ്ങളെ അവതരിപ്പിക്കുന്ന പരമ്പര എല്ലാ രാത്രിയിലും 9.30ന് സൂര്യാ ടി.വിയിൽ സംപ്രേഷണം ചെയ്യുന്നു.
എക്സിക്യൂട്ടീവ് പ്രൊഡ്യൂസർ:സാക്ഷി ദേവരാജ്.
ക്യാമറ:പ്രഭു.
പ്രൊഡക്ഷൻ കൺട്രോളർ:ഷാജി തിരുമല.
എക്സിക്യൂട്ടീവ്:ദിലീപ് ശ്രീധർ.
