മൂന്നാറിനു സമീപം എല്ലപ്പെട്ടിയിൽ ഇന്ന് പുലർച്ചെ ഉണ്ടായ വാഹനാപകടത്തിൽ വിനോദ സഞ്ചാരി മരിച്ചു. കുമളി സ്വദേശി കുറ്റിവേലിൽ ഷാജിയാണ് മരണപ്പെട്ടത്. കുമളി ഗ്രാമപഞ്ചായത്ത് അംഗമായ നോളി ജോസഫിന്റെ സഹോദരനാണ്. കുറ്റിവേലിയിൽ ഷാജി, ബേബി, ബേബിയുടെ മകൻ മറ്റൊരു സഹോദര പുത്രൻ എന്നിവർ സഞ്ചരിച്ച വാഹനമാണ് അപകടത്തിൽപ്പെട്ടത്.
ഇന്ന് പുലർച്ചെ മൂന്നുമണിയോടെയാണ് അപകടമുണ്ടായത്. ഇവർ സഞ്ചരിച്ച വാഹനം മറ്റൊരു വാഹനത്തിന് സൈഡ് നൽകുമ്പോൾ കൊക്കയിലേക്ക് പതിക്കുകയായിരുന്നു എന്നാണ് പ്രാഥമിക നിഗമനം. അപകടം ഉണ്ടായി ഒന്നര മണിക്കൂറിനു ശേഷം മാത്രമാണ് രക്ഷാപ്രവർത്തനം തുടങ്ങിയത്.
