ആലപ്പുഴ: ആലപ്പുഴയില്‍ ബൈക്ക് അപകടത്തില്‍ വിദ്യാര്‍ത്ഥിക്കും വഴിയാത്രക്കാരനും ദാരുണാന്ത്യം.എഞ്ചിനീയറിംഗ് വിദ്യാർഥി മുട്ടത്തില്‍ വീട്ടില്‍ ഗൗരവ് എസ് നായര്‍ (22) ആണ് മരിച്ചത്.വഴിയാത്രക്കാരനെ തിരിച്ചറിഞ്ഞിട്ടില്ല.
മംഗളം എഞ്ചിനീയറിംഗ് കോളേജിലെ അവസാന വര്‍ഷ ബിടെക് വിദ്യാര്‍ത്ഥിയാണ് ഗൗരവ്. കൈനടി പോലീസ് സ്റ്റേഷന്‍ പരിധിയില്‍ കാവാലത്ത് ഇന്നലെ വൈകുന്നേരത്തോടെയായിരുന്നു അപകടം.ഗൗരവ് ഓടിച്ചിരുന്ന ബൈക്ക് ഇടിച്ചാണ് അപകടം.
നിയന്ത്രണം വിട്ട ബൈക്ക് ആദ്യം വഴിയാത്രക്കാരനെ ഇടിക്കുകയും പിന്നാലെ മരത്തിൽ ഇടിക്കുകയുമായിരുന്നു. സംഭവ സ്ഥലത്ത് വെച്ച്‌ തന്നെ വിദ്യാര്‍ത്ഥിയും വഴിയാത്രക്കാരനും മരിച്ചു.
