മുരളിയാകുമോ ശബരീനാഥന്? പോരാട്ടം കടുത്തതോടെ മണ്ഡലത്തില് മാത്രം ഇറങ്ങി രാജീവ് ചന്ദ്രശേഖര്; മോദിയെ കാണാന് പോലും പോയില്ല! കോണ്ഗ്രസ് പിടിക്കുന്ന വോട്ടില് സിപിഎം പ്രതീക്ഷ; നേമം കേരളത്തിന്റെ സസ്പെന്സ് ത്രില്ലറാകുന്നത് എന്തുകൊണ്ട്?
2021-ല് നേമം നിലനിര്ത്താന് ബിജെപി കുമ്മനം രാജശേഖരനെയാണ് രംഗത്തിറക്കിയത്. ശിവന്കുട്ടിക്കും കോണ്ഗ്രസിന്റെ കെ. മുരളീധരനും എതിരെയായിരുന്നു മത്സരം. ശക്തമായ ത്രികോണ മത്സരത്തില് 3,949 വോട്ടുകളുടെ മാര്ജിനില് ശിവന്കുട്ടി വിജയിച്ചു. എന്നാല് ഏറ്റവും ശ്രദ്ധേയമായ കാര്യം കോണ്ഗ്രസ് അഥവാ യുഡിഎഫ് സ്ഥാനാര്ത്ഥി നേടിയ വോട്ടുകളിലെ വ്യത്യാസമായിരുന്നു.
തിരുവനന്തപുരം: നേമത്തെ മല്സരം പ്രതീക്ഷിച്ചതിലും കടുത്തതോടെ മണ്ഡലത്തിന് പുറത്തേക്കുള്ള പ്രചാരണ പരിപാടികള് വെട്ടിക്കുറച്ച് രാജീവ് ചന്ദ്രശേഖര്. ബി.ജെ.പി സംസ്ഥാന പ്രസിഡന്റ് കൂടിയായ അദേഹം ഇന്നലത്തെ പ്രധാനമന്ത്രിയുടെ സന്ദര്ശനത്തിലും പങ്കെടുത്തില്ല. പരമാവധി വോട്ടര്മാരെ കാണാന് വേണ്ടിയാണ് യാത്ര ഒഴിവാക്കിയതെന്ന് രാജീവ് ചന്ദ്രശേഖര് പറഞ്ഞു.
നേമത്ത് താമര വിരിയിക്കുകയെന്ന ലക്ഷ്യത്തോടെ സംസ്ഥാനത്ത് ഏറ്റവും ആദ്യം പ്രഖ്യാപിച്ചതായിരുന്നു രാജീവിന്റെ സ്ഥാനാര്ഥിത്വം. എന്നാല് പ്രചാരണം പാതിപിന്നിട്ടപ്പോള് മല്സരം അത്ര ഈസിയല്ലെന്നാണ് ബി.ജെ.പി കണക്കുകൂട്ടല്. രാജീവ് ലോക്സഭയില് മല്സരിച്ചപ്പോള് നേമത്ത് കിട്ടിയ 22,000 എന്ന ലീഡ് തദേശത്തില് അയ്യായിരമായി കുറഞ്ഞു. സിറ്റിങ് എംഎല്എയ്ക്ക് പിന്നാലെ കെ.എസ് ശബരിനാഥനും എത്തിയതോടെ കഴിഞ്ഞ തവണത്തേത് പോലെ തന്നെ ത്രികോണ മല്സരമായെന്നും കരുതുന്നു.
അതിനാല് മണ്ഡലത്തില് തമ്പടിച്ചുള്ള പ്രചാരണമാണ് ലക്ഷ്യമിടുന്നത്. പ്രധാനമന്ത്രിയുടെ പരിപാടിക്കെന്നല്ല, ബി.ജെ.പിയുടെ എ ക്ളാസ് മണ്ഡലങ്ങളടക്കം, ജില്ലയ്ക്ക് പുറത്തുള്ള മണ്ഡലങ്ങളിലേക്കും ഇതുവരെ കാര്യമായി പ്രചാരണത്തിന് പോയിട്ടില്ല. നാലിന് പ്രധാനമന്ത്രി തിരുവനന്തപുരത്തെത്തുമ്പോള് നേമത്ത് എത്തിക്കാനും ശ്രമം തുടങ്ങി.
ടെക്നോക്രാറ്റ് എന്ന ലേബലും ആര്എസ്എസ് അടിത്തറയും ഭൂരിപക്ഷ ഹിന്ദു സമുദായത്തിന്റെ പിന്തുണയുമുണ്ടെന്നു പറയുമ്പോഴും നേമത്തെ പോരാട്ടം എളുപ്പമല്ലെന്നാണ് ഇപ്പോഴത്തെ കണക്കുകൂട്ടല്. 2021-ല് ബിജെപിയില് നിന്ന് സീറ്റ് പിടിച്ചെടുത്ത സിപിഐഎം നേതാവും പൊതുവിദ്യാഭ്യാസ-തൊഴില് വകുപ്പ് മന്ത്രിയുമായ വി. ശിവന്കുട്ടിയും ചന്ദ്രശേഖറും തമ്മിലാണ് പ്രധാന മത്സരം.
കോണ്ഗ്രസ് നേടുന്ന വോട്ടുകളുടെ എണ്ണമായിരിക്കും വിജയപരാജയങ്ങള് നിര്ണ്ണയിക്കുക എന്നാണു വിലയിരുത്തല്. കെപിസിസി നേതാവും മുന് എംഎല്എയും നിലവില് തിരുവനന്തപുരം കൗണ്സിലറുമായ കെ.എസ്. ശബരീനാഥനെയാണ് കോണ്ഗ്രസ് ഇവിടെ രംഗത്തിറക്കിയിരിക്കുന്നത്.
2021-ല് കെ. മുരളീധരന് നേടിയ അത്രയും വോട്ടുകള് ശബരീനാഥന് നേടാന് കഴിഞ്ഞാല് അത് ശിവന്കുട്ടിക്ക് അനുകൂലമായ സാഹചര്യം ഒരുക്കും. മുരളീധരന് തിരഞ്ഞെടുപ്പ് പ്രവര്ത്തനങ്ങളില് വലിയ പരിചയവും പാര്ട്ടി കേഡര്മാരിലും പൊതുജനങ്ങളിലും വലിയ സ്വാധീനവുമുണ്ടായിരുന്നു. ആ വോട്ടുകള് നേടുക എന്നത് ശബരീനാഥനെ സംബന്ധിച്ചിടത്തോളം നിര്ണായകമായിരിക്കും. കഴിഞ്ഞ തവണ ശിവന്കുട്ടി വിജയിച്ചപ്പോള് കോണ്ഗ്രസ് അതിന്റെ ക്രെഡിറ്റ് നല്കിയത് മുരളീധരനായിരുന്നു. നേമത്തെ തോല്വി രാജീവ് നേരിടുന്ന ഏറ്റവും വലിയ തിരിച്ചടിയുമായിരിക്കും.
ചരിത്രപരമായി കോണ്ഗ്രസിനെയും ഇടതിനെയും പിന്തുണച്ചിട്ടുള്ള ഈ മണ്ഡലത്തെ മുന് മുഖ്യമന്ത്രി കെ. കരുണാകരന് പ്രതിനിധീകരിച്ചിട്ടുണ്ട്. 2016-ല് സിറ്റിംഗ് എംഎല്എയായ ശിവന്കുട്ടിയെ 8,671 വോട്ടുകള്ക്ക് പരാജയപ്പെടുത്തി ബിജെപിയുടെ ഒ. രാജഗോപാല് വിജയിച്ചതോടെയാണ് നേമം വീണ്ടും വാര്ത്തകളില് നിറഞ്ഞത്.
2021-ല് നേമം നിലനിര്ത്താന് ബിജെപി കുമ്മനം രാജശേഖരനെയാണ് രംഗത്തിറക്കിയത്. ശിവന്കുട്ടിക്കും കോണ്ഗ്രസിന്റെ കെ. മുരളീധരനും എതിരെയായിരുന്നു മത്സരം. ശക്തമായ ത്രികോണ മത്സരത്തില് 3,949 വോട്ടുകളുടെ മാര്ജിനില് ശിവന്കുട്ടി വിജയിച്ചു. എന്നാല് ഏറ്റവും ശ്രദ്ധേയമായ കാര്യം കോണ്ഗ്രസ് അഥവാ യുഡിഎഫ് സ്ഥാനാര്ത്ഥി നേടിയ വോട്ടുകളിലെ വ്യത്യാസമായിരുന്നു.
2016-ല് യുഡിഎഫ് സ്ഥാനാര്ത്ഥിയായിരുന്ന ജെഡി(യു) നേതാവ് വി. സുരേന്ദ്രന് പിള്ളയ്ക്ക് കേവലം 13,860 വോട്ടുകള് മാത്രമാണ് ലഭിച്ചത്. ശിവന്കുട്ടിക്ക് 59,142 വോട്ടുകളും രാജഗോപാലിന് 67,813 വോട്ടുകളും ലഭിച്ചു. 2021-ല് കോണ്ഗ്രസിന്റെ കെ. മുരളീധരന് യുഡിഎഫ് വോട്ടുകള് 36,524 ആയി വര്ദ്ധിപ്പിച്ചു. ഇതോടെ ബിജെപി വോട്ടുകള് 51,888 ആയി കുറയുകയും ശിവന്കുട്ടിക്ക് ഏതാണ്ട് മാറ്റമില്ലാതെ 55,837 വോട്ടുകള് ലഭിക്കുകയും ചെയ്തു. ഈ തെരഞ്ഞെടുപ്പ് കണക്കിലാണ് സിപിഎം പ്രതീക്ഷ.
2024-ലെ ലോക്സഭാ തിരഞ്ഞെടുപ്പില് നേമം ഉള്പ്പെടുന്ന തിരുവനന്തപുരം മണ്ഡലത്തില് ചന്ദ്രശേഖര് മത്സരിച്ചെങ്കിലും ശശി തരൂരിനോട് 16,077 വോട്ടുകള്ക്ക് പരാജയപ്പെട്ടിരുന്നു. എങ്കിലും നേമം നിയമസഭാ സെഗ്മെന്റില് തരൂരിന്റെ 39,101 വോട്ടുകള്ക്കെതിരെ 61,227 വോട്ടുകള് നേടി ചന്ദ്രശേഖര് വ്യക്തമായ ലീഡ് നേടിയിരുന്നു. 2025-ലെ തദ്ദേശ തിരഞ്ഞെടുപ്പില് തിരുവനന്തപുരം കോര്പ്പറേഷന് ആദ്യമായി പിടിച്ചെടുത്തതും ബിജെപിയുടെ ആത്മവിശ്വാസം വര്ദ്ധിപ്പിക്കുന്നു. നേമത്തെ 23 കൗണ്സിലര്മാരില് 17 പേരും ബിജെപിക്കാരാണ്.
#കേരളരാഷ്ട്രീയം, #നേമം, #തിരഞ്ഞെടുപ്പ്2026, #രാജീവ്ചന്ദ്രശേഖർ, #വിശിവൻകുട്ടി, #ശബരീനാഥൻ, #ബിജെപി, #സിപിഐഎം, #കോൺഗ്രസ്, #കേരളഇലക്ഷൻ, #രാഷ്ട്രീയവാർത്തകൾ, #തിരുവനന്തപുരം, #മത്സരം, #വോട്ട് #NemomElection, #RajeevChandrasekhar, #VSivankutty, #KSSabarinadhan, #KeralaAssemblyElection2026, #NemomFights, #KeralaPolitics, #BJPKerala, #CPIMKerala, #INCIndia, #PoliticalUpdates, #TrivandrumPolitics, #ViksitKeralam, #DailyhuntUpdates, #BreakingNewsKerala
