പോലീസ് പിടിച്ചത് 80 ലക്ഷത്തിന്റെ വസ്തുവകകളുടെ രേഖകള്, 15 ലക്ഷം രൂപയുടെ സ്വര്ണ്ണാഭരണങ്ങള്, 11 ലക്ഷം രൂപ പണം, ഒരു കാര് ; കോളേജ് ക്ലര്ക്കുമാര് തട്ടിയത് വിദ്യാര്ത്ഥികളുടെ 1.94 കോടിയുടെ വിദേശ യാത്രാ ഗ്രാന്റ്
ബംഗലുരു: ബംഗളൂരുവിലെ ഇന്ത്യന് ഇന്സ്റ്റിറ്റ്യൂട്ട് ഓഫ് സയന്സിലെ അസിസ്റ്റന്റ് ക്ലര്ക്കുമാരായി ജോലി ചെയ്യുന്ന രണ്ട് വനിതാ ജീവനക്കാരും, അവരില് ഒരാളുടെ കാമുകനും ചേര്ന്ന് വിദ്യാര്ത്ഥികളുടെ വിദേശ യാത്രാ ഗ്രാന്റുകള്ക്കായി അനുവദിച്ച 1.94 കോടി രൂപ തട്ടിയെടുത്ത കേസില് അറസ്റ്റിലായി. കകടര രജിസ്ട്രാറുടെ ഓഫീസിലെ അസിസ്റ്റന്റ് ക്ലര്ക്കുമാരായ യെശ്വന്ത്പുര് സ്വദേശി വി. സൗന്ദര്യ (25), ഹെസരഘട്ട സ്വദേശിയായ ആര്. ദീപിക (25) എന്നിവരാണ് അറസ്റ്റിലായവര്.
ഈ തട്ടിപ്പിന് സഹായം നല്കിയതിന് ദീപികയുടെ കാമുകന് സച്ചിന് റാവുവിനെ (25) പോലീ സ് കസ്റ്റഡിയിലെടുത്തിട്ടുണ്ട്. 2024 ജൂണിനും 2025 ഒക്ടോബറിനും ഇടയില് ഈ ജീവനക്കാര് വ്യാജ രേഖകള് ചമയ്ക്കുകയും വ്യാജ അനുമതി പത്രങ്ങള് ഉണ്ടാക്കുകയും ചെയ്ത്, വിദ്യാര്ത്ഥി കള്ക്കായി അനുവദിച്ച ഫണ്ടുകള് അവരുടെ ബന്ധുക്കളുടെയും പരിചയക്കാരു ടെയും ബാങ്ക് അക്കൗണ്ടുകളിലേക്ക് വകമാറ്റി. സാധാരണയില് കൂടുതലായി യാത്രാ ഗ്രാന്റുകള് വിതരണം ചെയ്തതായി കകടര അധികൃതര് ശ്രദ്ധിച്ചതിനെത്തുടര്ന്നാണ് തട്ടിപ്പ് പുറത്തുവന്നത്. ഇതില് ഇതിനകം ബിരുദം നേടിയ മുന് വിദ്യാര്ത്ഥികള്ക്കുള്ള ഗ്രാന്റുകളും ഉള്പ്പെട്ടിരുന്നു.
ക്രമക്കേട് സംശയിച്ച രജിസ്ട്രാര് ആഭ്യന്തര ഓഡിറ്റിന് ഉത്തരവിട്ടു, ഇത് വിദ്യാര്ത്ഥികളുടെ രേഖകളില് നടത്തിയ വന്തോതിലുള്ള കൃത്രിമങ്ങള് വെളിപ്പെടുത്തി. നിലവിലുള്ള വരുടെയും മുന് വിദ്യാര്ത്ഥികളുടെയും പേരുകള് ഉപയോഗിച്ച് വ്യാജ യാത്രാ ഗ്രാന്റ് അപേക്ഷകള് സൗന്ദര്യയും ദീപികയും ചേര്ന്ന് സൃഷ്ടിച്ചതായും, അക്കൗണ്ട് വിവരങ്ങളുടെ സ്ഥാനത്ത് അവരുടെ ബന്ധുക്കളുടെ വിവരങ്ങള് നല്കിയതായും ഓഡിറ്റില് കണ്ടെത്തി. ദീപികയുടെ കാമുകനായ സച്ചിന് റാവുവിന്റെ പേരില് പോലും ഒരു വ്യാജ ഗ്രാന്റ് അനുവദിച്ചിരുന്നു. തട്ടിയെടുത്ത പണത്തിന്റെ ഒരു ഭാഗം ദീപിക സച്ചിന്റെ പേരില് സ്ഥലം വാങ്ങാനും സ്വര്ണ്ണാഭരണങ്ങള് വാങ്ങാനും ഒരു കാര് വാങ്ങാനും ഉപയോഗിച്ചതായി അന്വേഷണത്തില് കണ്ടെത്തി.
സൗന്ദര്യയും ബന്ധുക്കളുടെ പേരില് വസ്തുവകകളും വിലപിടിപ്പുള്ള സാധനങ്ങളും വാങ്ങിയതായും പറയപ്പെടുന്നു. വകമാറ്റിയ പണം ഉപയോഗിച്ച് ഇരുവരും ആഡംബര ജീവിതമാണ് നയിച്ചിരുന്നതെന്ന് പോലീസ് അറിയിച്ചു. അന്വേഷണത്തിനിടെ, 80 ലക്ഷം രൂപയുടെ വസ്തുവകകളുടെ രേഖകള്, 15 ലക്ഷം രൂപയുടെ സ്വര്ണ്ണാഭരണങ്ങള്, 11 ലക്ഷം രൂപ പണം, ഒരു കാര് എന്നിവ ഉള്പ്പെടെ ഏകദേശം 1 കോടി രൂപയുടെ ആസ്തികള് പോലീസ് പിടിച്ചെടുത്തു. സൗന്ദര്യയെയും ദീപികയെയും ജുഡീഷ്യല് കസ്റ്റഡിയില് വിട്ടു, അതേസമയം കൂടുതല് അന്വേഷണങ്ങള്ക്കായി സച്ചിന് റാവു പോലീസ് കസ്റ്റഡിയില് തുടരുകയാണ്.
