കണ്ണൂര്‍: പയ്യന്നൂരില്‍ വീണ്ടും വന്‍ MDMA വേട്ട. റൂറല്‍ ജില്ലാ പോലീസ് മേധാവി അനൂജ് പലിവാള്‍ IPS ന്റെ നിര്‍ദേശാനുസരണം ജില്ലയില്‍ നടത്തി വരുന്ന സ്‌പെഷ്യല്‍ ഡ്രൈവിന്റെ ഭാഗമായി പയ്യന്നൂര്‍ പോലീസും കണ്ണൂര്‍ റൂറല്‍ ജില്ലാ ലഹരി വിരുദ്ധ സ്‌ക്വാഡും (ഡാന്‍സാഫ് ) സംയുക്തമായി നടത്തിയ വാഹന പരിശോധനയിലാണ് പയ്യന്നൂര്‍ കണ്ടോത്ത് വെച്ച് 41.250 ഗ്രാം MDMA യുമായി രണ്ടു പേര് പിടിയിലായത്.
പയ്യന്നൂര്‍ എസ്. ഐ: ടോമി പി. എ പ്രതികളെ അറസ്റ്റ് ചെയ്തു. ഗ്രേഡ് എസ്. ഐമാരായ മനോജ് കുമാര്‍, ജോമി ജോസഫ്, സീനിയര്‍ സിവില്‍ പോലീസ് ഓഫീസില്‍ അബ്ദുല്‍ ജബ്ബാര്‍, സിവില്‍ പോലീസ് ഓഫീസര്‍ ഷംസുദീന്‍, റൂറല്‍ ജില്ലാ ലഹരി വിരുദ്ധ സ്‌ക്വാഡ് അംഗങ്ങള്‍ എന്നിവര്‍ പരിശോധനയില്‍ പങ്കെടുത്തിരുന്നു.
