തിരുവനന്തപുരം: അമ്മയും ഇരട്ടകുട്ടികളും പുറത്തുപോയ സമയത്ത് ഗൃഹനാഥന് വീട് പൂട്ടി പോയതായി പരാതി. വിഴിഞ്ഞം വെണ്ണിയൂരിലാണ് സംഭവം, മണിക്കൂറുകളോളമാണ് മാതാവ് ഭക്ഷണവും മരുന്നുമില്ലാതെ ബുദ്ധിമുട്ടിലായ അഞ്ചുവയസുളള മക്കള്ക്കൊപ്പം വീടിന് മുന്പില് കാത്തുനിന്നത്. ഇതോടെയാണ് ഇവര് പൊലീസ് സ്റ്റേഷനില് പരാതിയുമായി എത്തിയത്.
കുട്ടികളില് ഒരാള് ഒരാള് വൃക്കരോഗ ബാധിതനാണ്. മുന്പ് ഭര്ത്താവിനെതിരെ ഗാര്ഹിക പീഡന കേസ് നല്കിയത് സംബന്ധിച്ച് കോടതിയില് നിന്നും പ്രൊട്ടക്ഷന് ഓര്ഡര് വാങ്ങിയിരുന്നുവെന്ന് യുവതി പറയുന്നു. ഈ ഓര്ഡറിന്റെ കാലാവധി നീട്ടി കിട്ടാനായി കോടതിയില് പോയപ്പോഴാണ് വീട് പൂട്ടി ഭര്ത്താവ് കടന്നത്. സംഭവത്തില് കേസ് എടുക്കുമെന്ന് വിഴിഞ്ഞം പൊലീസ് അറിയിച്ചു.
