മലപ്പുറം: ബസ് ഓടിക്കുന്നതിനിടെ മൊബൈല് ഫോണ് ഉപയോഗിച്ചതിന് കെഎസ്ആര്ടിസി ഡ്രൈവറുടെ ലൈസന്സ് സസ്പെന്ഡ് ചെയ്തു. കോഴിക്കോട് തിരുവമ്പാടി സ്വദേശി അബ്ദുള് അസീസിന്റെ ലൈസന്സ് ആണ് ആറു മാസത്തേക്ക് സസ്പെന്ഡ് ചെയ്തത്. പൊന്നാനി എംവിഡിയുടെതാണ് നടപടി.
കെഎസ്ആര്ടിസി ബസ് ഓടിക്കുന്നതിനിടെ അസീസ് മൊബൈല് ഫോണ് ഉപയോഗിക്കുന്നതിന്റെ ദൃശ്യങ്ങള് പുറത്തു വന്നിരുന്നു. ബസ്സില് ഉണ്ടായിരുന്ന യാത്രക്കാരിയാണ് ദൃശ്യങ്ങള് പകര്ത്തിയത്. ചൊവ്വാഴ്ച് വൈകിട്ട് തിരൂരില് നിന്ന് പൊന്നാനിയിലേക്കു വരുന്നതിനിടെയാണ് അസീസ് മൊബൈല് ഫോണ് ഉപയോഗിച്ചത്.
