![](https://newsthen.com/wp-content/uploads/2024/06/sanju-techi-2.jpg)
ആലപ്പുഴ: വാഹനത്തില് സ്വിമ്മിങ് പൂള് ഒരുക്കിയ സംഭവത്തില് പ്രമുഖ യൂട്യൂബര് സഞ്ജു ടെക്കിയുടെ കാറിന്റെ രജിസ്ട്രേഷന് സര്ട്ടിഫിക്കറ്റ് മോട്ടോര് വാഹനവകുപ്പ് ഒരു വര്ഷത്തേയ്ക്ക് റദ്ദാക്കി. ആലപ്പുഴ ആര്ടിഒ എ കെ ദീലുവാണ് നടപടിയെടുത്തത്.
വാഹനം സഞ്ജു തന്നെ സൂക്ഷിക്കണം. പുറത്തിറക്കാന് പാടില്ല. അറ്റകുറ്റപ്പണി വേണ്ടി വന്നാല് നന്നാക്കുന്നതിന് എംവിഡിയുടെ അനുമതി വാങ്ങണമെന്നും ആലപ്പുഴ ആര്ടിഒ നിര്ദേശിച്ചു.ശിക്ഷാനടപടിയുടെ ഭാഗമായി എടപ്പാള് ഇന്സ്റ്റിറ്റ്യൂട്ട് ഓഫ് ഡ്രൈവര് ട്രെയിനിങ് ആന്റ് റിസര്ച്ചില് നടത്തിയ പരിശീലനത്തില് സഞ്ജുവിന് ഗുഡ് സര്ട്ടിഫിക്കറ്റ് ലഭിച്ചു.ഇതു പരിഗണിച്ചാണ് ആര്സി റദ്ദാക്കുന്നത് ഒരു വര്ഷത്തേയ്ക്ക് ചുരുക്കിയതെന്ന് ആര്ടിഒ പറഞ്ഞു. ഇക്കാലയളവില് ഉടമയും വാഹനവും നിരീക്ഷണത്തിലായിരിക്കും.
![Signature-ad](https://newsthen.com/wp-content/uploads/2024/06/signature.jpg)
ഇയാളും കാറിലുണ്ടായിരുന്ന സുഹൃത്തുക്കളും ആലപ്പുഴ മെഡിക്കല് കോളജ് ആശുപത്രിയിലെ സന്നദ്ധ സേവനം തുടരുകയാണ്. അപകടത്തില്പ്പെട്ട് കഴിയുന്നവര്ക്കായി 15 ദിവസത്തെ സേവനമാണ് ചെയ്യേണ്ടത്. സഞ്ജുവിന്റെ ലൈസന്സ് സസ്പെന്ഡ് ചെയ്യുന്നതടക്കമുള്ള നടപടികളും മോട്ടോര് വാഹനവകുപ്പ് സ്വീകരിക്കും.