ഗുഡ്ഗാവ്: വീട്ടുകാരുടെ മുന്നില്‍ വെച്ച്‌ വ്യാപാരിയെ അക്രമികള്‍ വെടിവെച്ച്‌ കൊന്നു.ഹരിയാനയിലെ ഗുഡ്ഗാവിലാണ് ഞെട്ടിപ്പിക്കുന്ന സംഭവമുണ്ടായത്.
മൂന്നംഗ സംഘം സച്ചിൻ എന്ന യുവാവിനെ വീട്ടുകാരുടെ മുന്നിലിട്ട് വെടിവെച്ച്‌ കൊല്ലുകയായിരുന്നു. ഒന്നിലധികം തവണയാണ് സച്ചിന് വെടിയേറ്റത്. മകനെ വെടിവെയ്ക്കുന്നത് തടയാൻ ശ്രമിച്ച അമ്മയ്ക്കും പരിക്കേറ്റിട്ടുണ്ട്.
സച്ചിൻ സംഭവസ്ഥലത്ത് വെച്ച്‌ തന്നെ മരിച്ചതായി പൊലീസ് അറിയിച്ചു . മകനെതിരെയുള്ള ആക്രമണം തടയാൻ ശ്രമിച്ച അമ്മയ്ക്കും വെടിയേറ്റിട്ടുണ്ട്.ഇവർ തീവ്ര പരിചരണ വിഭാഗത്തിൽ ചികിത്സയിലാണ്.
