അബ്ബാസിയ: കൊല്ലം ജില്ലാ പ്രവാസി സമാജം അബ്ബാസിയ യൂണിറ്റിന്റെ കുടുംബ സംഗമവും വാര്‍ഷിക പൊതുയോഗവും സംഘടിപ്പിച്ചു. 23 ന് വൈകിട്ട് 7:00മണിക്ക് അബ്ബാസിയ പോപ്പിന്‍സ് ആസിറ്റോറിയത്തില്‍ വച്ച് നടന്ന യോഗത്തിന് യൂണിറ്റ് കണ്‍വീനര്‍ ഷാജി ശാമുവല്‍ അധ്യക്ഷത വഹിച്ചു. യൂണിറ്റ് ജോയിന്‍ കണ്‍വീനര്‍ സജിമോന്‍ തോമസ് സ്വാഗതം ആശംസിച്ചു. കൊല്ലം ജില്ലാ പ്രവാസി സമാജം പ്രസിഡന്റ് അലക്‌സ് മാത്യു ഉദ്ഘാടനം നിര്‍വഹിച്ചു. സമാജം ജനറല്‍ സെക്രട്ടറി ടി.ഡി ബിനില്‍ സംഘടനയുടെ പ്രവര്‍ത്തനത്തെ കുറിച്ച് വിശകലനം ചെയ്ത് സംസാരിച്ചു.
എക്‌സിക്യൂട്ടീവ് കമ്മിറ്റിയുടെ ഒഴിവിലേക്ക് അല്‍അമീന്‍, ഷമ്‌നാ അല്‍ അമീന്‍, ജിതേഷ് രാജന്‍, സ്റ്റാന്‍ലി, അനിബാബു, ജയകുമാര്‍ എന്നിവരെ തെരഞ്ഞെടുത്തു. തുടര്‍ന്ന് സംഘടനയുടെ ട്രഷറര്‍ തമ്പി ലൂക്കോസ് സംസാരിച്ചു ആശംസകള്‍ അര്‍പ്പിച്ചു. ചടങ്ങില്‍ പിന്നീട് വനിതാ വേദി ചെയര്‍പേഴ്‌സണ്‍ രഞ്ജന ബിനില്‍ സംഘടനയെക്കുറിച്ചും വനിതാവേദിയുടെ പ്രസക്തിയെക്കുറിച്ചും സംസാരിച്ചു.
കൊല്ലം ജില്ലാ പ്രവാസമാജം വൈസ് പ്രസിഡണ്ട് അനില്‍കുമാര്‍, സംഘടനാ സെക്രട്ടറി ലിവിന്‍ വര്‍ഗീസ്, സ്‌പോട്‌സ് സെക്രട്ടറി ജി. മത്തായി, അബ്ബാസിയ യൂണിറ്റ് കണ്‍വീനര്‍ ഷാജി സാമുവല്‍, മംഗഫ് യൂണിറ്റ് കണ്‍വീനര്‍ നൈസാം റാവുത്തര്‍, സാല്‍മിയ യൂണിറ്റ് കണ്‍വീനര്‍ അജയ് നായര്‍, വനിതാ വേദി ട്രഷറര്‍ ഗിരിജ, ഫെസ്റ്റ് ജന.കണ്‍വിനര്‍ ശശികര്‍ത്താ, ഡോ. സുബു തോമസ് എന്നിവര്‍ യൂണിറ്റിന് ആശംസകള്‍ അര്‍പ്പിച്ചു. തുടര്‍ന്ന് രാജുവര്‍ഗ്ഗീസ് യോഗത്തിന് നന്ദി പ്രകാശനം നടത്തി. സ്‌നേഹ ഭോജനത്തോട് കൂടി യോഗം പര്യവസാനിച്ചു.
